محتار

[azeezoon]

اخواني انا اليوم لقيت لي ببغاء جامبو و بغيت اشتريه لاكني ترددت لاني قلت يمكن في نوع ثاني من الافريقي احسن منه و ياليت انكم تحتولي صور له عشان اتأكد يمكن اكون مغشوش لان سعره كان رخيص


مشكوريين

[الوسام الذهبي]

الببغاء الافريقي يكون لون ريشه رصاصي فاتح

ولون ذيله احمر فاتح

ولون منقاره اسود بالكامل

والسوبر جامبو يكون حجمه كبير

وتلاقيه رخيص اذا كان غير مدرب وكبير في السن ( لون عينه ابيض مائل للاصفر او اصفر )

واذا كان فرخ يكون اغلى ( لون عينه اسود بالكامل او رمادي او رصاصي غامق ) وكل ما كانت العين اغمق كان اصغر والسعر اغلى واذا كان محجل اغلى بعد

وهذي صورة كاسيكو عمره فوق السنة ونص سوبر جامبو ( صورة طيري السابق )

[روجيادا]

يمكن يكون التمنة ترا هو نفس الكاسكو بالضبط بس الفرق الوحيد بينهم ان التمنه منقارة مب اسود كامل لونه فاتح ف القسم العلوي .. او يمكن يكون مريض تأكد قبل

[azeezoon]

لا منقاره اسود له ذيل احمر
مشكوور اخوي

[azeezoon]

شنو يغني محجل اذا سمحت اخوي

[azeezoon]

انا سمعت انا البغبغاء الكاسكو اذكى من الجامبو هل هذا صحيح و يتكلم احسن واوضح و اسرع

[عاشق الببغا]

ايي هذا الافريقي كاسكو خذه

[روجيادا]

المشاركة الأصلية كتبت بواسطة azeezoon

شنو يغني محجل اذا سمحت اخوي

محجل يعني فيه رنج ف رجله مسجل فيها معلومات الطير مشفرة مثل رقمه ف المزرعة وتاريخ ميلاده

[الوسام الذهبي]

الجامبو اهو الكاسيكو اخوي

لكن يجي احجام العادي حجمه صغير

الجامبو حجمه وسط

السوبر جامبو اكبر حجم

ومافي فرق في الذكاء بينهم فقط الحجم والناس تفضل الحجم الكبير من الناحية الجمالية

[azeezoon]

مشكوريين اخواني و انشاء الله راح اشتريه بأقرب و قت و ترا انا لاقيه عند محل اتوكل على الله و اشتريه