كرواناتي والبيض!!

[كروانه دلوعة]

السلام عليكم ورحمة الله وبركاته

يا جماعة الخير عندي زوج كروان عزلته في قفص بروحة ووفرت لهم عش تفريخ مناسب ومكان هادئ وأكل نظيف وماي

الأنثى باضت 6 بيضات على فترات مختلفة بس المشكلة لا الذكر ولا الأنثى موجودين داخل العش للتفريخ!! ما أدري ليش

اليوم طلعت بيضة وحدة وحسيتها انها خفيفة اول ما فتحتها شفت فيها فرخ ميت يعني البيض مخصب!!

دخيلكم قولولي شو السبب؟؟ وعطوني الحل يا أهل الخبرة

[Matto]

وعليكم السلام ورحمة الله وبركاته

موشرط تواجد الكروان طول الوقت فالعش وأكيد الكروان يدخل العش والدليل انج لقيتي بيضه مخصبه

سؤال: هل تقومين دائما بفتح العش بوقت تواجد الكروان داخله؟

ممكن سبب هالشي ازعاجك للكروان بفتحك العش والله اعلم

هذا مالدي وان شاءالله الاخوان راح يفيدونج اكثر

[كروانه دلوعة]

شكرا ع الرد يا ماتو

ما جربت أشوفهم بالليل...

المهم براقبهم الليلة وبضيف ملاحظاتي بكرة

وعن البيضة المخصبة كانت الأنثى واحيانا الذكر يقعدون على البيض بس اول ما غيرت مكان القفص بطلوا يقعدون.. هل ممكن يكون هذا السبب

وعن القفص انا ابدا ما أحاول ازعجهم عشان ما أضايقهم.. اتمنى الليله يكونون داخل العش...

وهاذي صور البيض دخل العش:: ما شاء الله



صورة العش اللي فيه البيض:



وصورة كرواناتي المشاغبين:



انتظر التعليق

[Matto]

ماشاءالله طيور جميله

بخصوص تغير مكان العش هذي نقطه مهمه ومن اسباب ترك العش مع بعض الكروان

ماجربتي ترجعي القفص لمكانه الاصلي؟

بخصوص العش احسه غير مريح , بسبب سعف النخيل وممكن يجيب حشرات لان مازال اخضر

نشاره الخشب افضل ومتوفره عند محلات الطيور وان لم تتوفر ممكن استخدام الورق او المناديل وتكون على شكل قصاصات

حاليا لابمكن تغير السعف ورجعي القفص لمكانه الاصلي ,وخبرينا شو بيحصل لان لو ظل البيض لفتره بدون حضانه راح يخرب

[الأسد الملك]

وعليكم السلام ورحمة الله وبركاتهـ

انتي الي تعرفين سبب ترك الفروخ للعش ..
اول سبب واكبر خطأ سويتيه

انك قمتي بنقل القفص من مكان
لمكان اخر وهذا غلط فادح

واذا الفروخ تركت العش مده مارجنت عليه
ممكن يفسد البيض ..

واانتبهي من عدة امور
مثل الكشف على البيض بأستمرار ..

ونقل القفص من مكان لأخر
ومراقبت الطيور بأستمرار

لان فيه طيور تكون حساسه جداً
فيضايقها الصوت والمراقبه ..

ونظافة القفص مهم عشان ماتجمع الحشرات
مما قد يسبب بهجر العش ..

كل هذي الامور يجب مراعاتها
ان شاء الله يفقس البيض بسلام

وينقل الموضوع لقسم الاساله ..

بالتوفيق ..

[كروانه دلوعة]

مشكورين يا ماتو و الأسد الملك ع الردود الخبيرة

طبعا مثل ما قلت لكم براقبهم بالليل اذا كانو ينامون بالعش وياللأسف شفتهم برع

المهم الحينه هل اخليهم مكانهم والا انقلهم للمكان القديم؟؟؟

الشي الثاني اللي حابة أستفسر عنه انه القفص موجود بجانب اقفاص الطيور الثانية (قفصين فيهم ببغاوات والثالث مجموعة كروانات) بس الزوج مغطيتنهم بشرشف لونه اصفر فاتح عشان اعزلهم واخليهم مطمنين... هل هذا الشي يخرب عليهم عمليه التفريخ؟؟

أفيدوني

[كروانه دلوعة]

وهاذي صورة الزوج في الليل: