دايم يصيح .. ودايم ريشه ينزل

[طايش]

بسم الله الرحمن الرحيم
السلام عليكم ورحمة الله وبركاته ...
+++

أنا دحيين عندي ببغاء زي هذا :


تمام ...؟

المهم أنا بس أعطيه تفاح ،، كيوي ...فوآكه أخرى .
علماً بأن الوجبة الرئيسية حقتو ( بذور تباع الشمس ، ) << زي الفصفص
+++
المهم
هو دايما يصيح كثيير .. والريش اللي في صدرو مو فييه ،، ريشه دايما ينزل .
المطلوب :
كيف أخلي يبطل صياح لأن بالحقيقة مزعج مررة ،، وإيش سبب الريش حقته ..؟
وربي شفت مقاطع باليوتيوب نفس حقتي بس أحلى منو بكثيير ( تتكلم وتلعب وحقتي غبي معقد )

[المسافر777]

ههههههههههههههههههه غبي ومعقد ههههههههههههه

الطير يبيله صبر

كيف يصيح تقصد يجعر مثل الي يهاوش
اذا كان كذا هذا يعني ان طيرك متوحش ويبيله ترويض شوفلك شخص خبرة يروضه

مشكلة الريش هذي مشكلة
الطير هو الي ينتف ريشة والا الريش يتساقط لحاله
اذا هو ينتفه هذي مشكلة ويبيلك تشتريلة من محلات الطيور ملابس مثل الفانيلة عشان ماينتف ريشه
اذا الريش يتساقط لحاله فا اعتقد بأن السبب هو نقس الكالسيوم وهذا اعتقاد
عطه عظمة الحبار ( الخثاق ) تمشي على الشاطئ تحصلها مرمية او في محلات الطيور انا عن نفسي افضل تاخذ من على الشاطئ بتجيك جديده وخاليه من المعقمات وغيرها فرش طازجه او حتى في محلات الاسماك واذا ماتوفر تقدر تشتريها من محلات الطيور قيمتها 5 ريال او 10 مدري كم بالضبط
طريقة تقديمها للطير
تعلقها في القفص وتخليه ياكل منها واذا ما عظها واكل منها تعمل معاه الطريقة الثانية
وهي طحن العظم او تفتيته بأي طريقة ووضعها في علبة الماء
العضمه هذي مفيده لجميع انواع الطيور وفيها نسبة كبيرة من الكالسيوم

هذا الي اقدر افيدك فيه واذا فيه اقصور ارجو المعذرة وإن شاء الله الاخوان يفيدونك
اخوي بالنسبة للتجعير زلب الطير خله يجعر الين يتعب وشكل الطير جديد عندك عشان كذا ماهو متألف على المكان ولا عليك مع العلم بأن من الواضح بأن طيرك متوحش ويحتاج الى ترويض
الله يوفقك والطيور تحتاج صبر وعناية ...