استفسار للأخوة بخصوص الكاسكو

[qatar124]

السلام عليكم
اخواني انا من قطر

وحاب ادخل هواية تربية الطيور
وانا استفدت كثير من تجارب الاخوان هنا
وعندي استفسار ضروري

هل اخذ فرخ كاسكو جامبو؟
ولا يكون كبير في العمر سنة وشوي؟

لان انعرض علي امازون بس مش عارف نوعه عمره مش صغير
ياليت الاخوان يفيدوني

[fawzi]

والله يااخوي اذا انت توك مبتدي نصيحتي انك تشتري بغبغاء افريقي اليف ومتكلم احسن لانه المتوحش او الصغير يحتاج صبر وطولة بال وانت وعلى راحتك والاخوان ان شاء الله مابيقصرون معاك هنا حياك الله وسط اخوان .تحياتي لك

[كاسكـــو]

ماشاء الله لك موضوعين نفس الشي


اكثر شي مرغوب كاسكو جامبو حجم كبير + صوت قوي

وبالنسبه للأختيار عندك التالي :

فرخ = سهل التدريب والترويض

مدرب جاهز = سهل جدا ًالتعامل معه

غير مدرب وغير اليف = صبر + خبره + وقت + طولت بال

وانت اختر اللي يناسبك

[امير دبي]

نفس ما افادوك الاخوان وقالك اخوي كاسكو

الفرخ يحتاج له خبره وطولة وقت وصبر

اما الكبير بتمل منه وبيأذك وبتكره تربية الطيور

والمدرب يكون غالي بالسعر شوي بس جاهز ويتعود عليك

بس انا انصحك تاخذ فرخ وتدربه على ايدك وعلى الكلام الي تباه يقوله ومن صغير لين مايكبر عندك

بس فيه ملاحظه : حاااااااااااااااااااااسب يوم تاخذ كاسكو فرخ لانه طائر مناعته ضعيفه والفرخ يكون بالعمر حساااااس ومعرض للأمراض اذا بتاخذ فرخ خذ من شخص موثوق منه وبعد التأكد الكامل انه ماب مريض


والله ولي التوفيق