اشترك في نشرتنا البريدية ليصلك كل جديد

tota katkoota · 30-01-2007, 06:13 PM

هاااي

انا عندي بسة نوعها شيرازي وكانت حامل وجابتلنا نوتنين

ماشاء الله عليهم الله يحفظهم ودحين ساير عمرهم27 يووم فأنا حابة استفسر وأسال متى أبدأ اكلهم او احطلهم اكل لاني بلاحظ على امهم سارت تبعد عنهم وكل مايقربوا ويجو يحاولوا انهم يرضعوامنهاتقوم تنط وتتركهم

حرام احسهم انهم جيعانين

وكمان ابغى اسال متى لازم اوديهم الدكتور عشان اطعهم وايش اول تطعيم ليهم ومتى تكون اعمارهم
وانا راح احط صور للكيتن ميكي

وميمي

وهاذي صورة لامهم

kitty cat · 30-01-2007, 06:54 PM

هلا والله فيكي

أنسي تأكليهم أكل عادي الحين .. لكن إذا حاستهم جوعانين .. روحي البيطري ورح تعطيكي ( ممية ) يشرب منها القطاوة ... ورح تعطيكي كمان حليب كتين خاص للقطاوة طبعا .. ترضعيهم منها ... والحليب سهل جدا في عميله .. ماي فاتر وحط من البودرة وخلص ... لأن في قطاوة تهد عيالها قبل وقت الرضاعو ما ينتهي .. ممكن تأكليهم ( سريلاك ) كبداية

ووديهم لدكتور للتطعيم لما يشدو حيلهم شوي .. أنا وديت قطاوتي بعد ست شهور .. لكن ممكن توديهم قبل .. ممكن على 3 شهور

tota katkoota · 30-01-2007, 07:55 PM

شكرا ليكي يا كيتي كات ايوة انا عارفة ماراح اديهم اكل عادي دحين بس يقدروا يشربوا حليب بهذا السن ولالا؟؟ وعادي لو ماطعمتهم في سن الشهرين ولا لازم اطعمهم اول مايسير عمرهم شهرين؟؟

مخاوية قطاو · 30-01-2007, 10:57 PM

زي ماقالت كيتي كات
وبعدين امهم تتكفل فيهم وهم صغار انت ليش متعب نفسك
جودي تاخذ دجاجه وتناديهم ويجون
عادي الام ابخص بعيالها

leo75 · 30-01-2007, 11:21 PM

هلا حبوبه..تقدرين تأكلينهم بعمر شهر واسبوعين عطيهم دياي مسلوق وقطعيه قطع صغيره طبعا بدون ملح وبهارات حطيه بصحن وخلي الام تاكل وهم راح يشوفون امهم ويسون مثلها

او اشتري لهم الاكل الخاص بالكيتين
من ناحية التطعيم يكون بعمر 3 اشهر والدكتور راح يقولج شنو التطعيم للانفلونزا وداء الكلب....الخ تفضلي ودخلي ع الصفحه وبتلقين الاجابه على سؤالج
http://www.2zoo.com/vb/showthread.php?t=7194

قطقوطه · 31-01-2007, 06:25 AM

هلا عيوني
بالنسبه للاكل مثل ما قالت ليو حطي لهم دجاج مسلوق او في اكياس ويكساس خاصه للكتن عطيهم ياها عموما هم الحين بعمر يقدرون ياكلون فيه
وبالنسبه للحليب انا افضل امهم ترضعهم لين شهرين انا عن نفسي كنت امسك قطوتي واسدحها واحط عيالها يرضعون لين يشبعون واتركها لان الرضاعه شي مره مهم ويقوي مناعه القطط الصغيره
بالنسبه للتطعيمات بعمر شهرين اول تطعيمه لهم اللي اسمها الرباعيه وبعدها بشهر تطعيمه المنشطه وبعمر 5 شهور عطيهم تطعيمه الرايبوز او الكلب (ممكن يقول لك البيطري عطيهم الرايبوز مع التطعيمه الثانيه لكن غلط هالشي لانك لو تسوين كذا كانك ما طعمتيهم ابد اصبري لين 5 شهور)
وانتبهي تروشينهم قبل لا يتطعمون اذا صارو وصخين جيبي فوطه بمويه دافيه ومسحي لهم واستعملي الدراي كلين(بودره والعطر) اذا تطعمو اول تطعيمه بعدها باسبوع روشيهم