كاسكوي الجديد + صور

[Juvawi]

السلام عليكم

lمس اخيرا لقيت كاسكو دخل قلبي من اول نظره .. كنت ادور كاسكو هولندي محجل (عليه حجل ذهبي في رجله اليمين و عليه كود مو مفهوم) و فرخ لا يزيد عمره عن 8 شهور و يكون ما يجعر ولا يخاف .. و مريت سوق الحمام عندنا في الكويت و دشيت محل فيه تقريبا 15 كاسكو صغير .. و قعدت اراقبهم لمدة نصف ساعه تقريبا العب مع هذا و اتحرش في ذاك و اشوف ردة الافعال لحد ما شفت هذا اللي حسيت انه اللي ادوره

و لله الحمد من اول يوم تأقلم معاي و ما شاء الله جريء و ما يخاف و اول شي قاعد اعلمه المسح على ظهره و لله الحمد استجاب معاي .. بس اتمنى اقدر اعلمه الوقوف على اليد و ان شاء الله بمشي على نصايح بعض المواضيع في هذا المنتدى ..

ان شاء الله يوم الاحد بوديه البيطري لفحص شامل .. و تقليم اظافره و قرض جناحه .. لانه اتعبني يطير في الغرفه و يدعم الطوف و بصراحه خايف عليه يعور نفسه .. ولا ايش رايكم؟ .. صارله عندي الحين بس يومين .. و عمره المفروض 7 او 8 شهور .. هذا الوقت المناسب لقرض الجناح او لا؟ و ايش تنصحوني فيه نصايح عامه؟ و اتمنى رايكم بكل صراحه في زيزو و قولوا ما شاء الله اذا عجبكم


و شكرا و ان شاء الله راح اكون صديق دائم لكم في هذا المنتدى الطيب

[هاي توز و]

ماشالله تبارك اللة
بس

لاتنسى تعطية مضاد

..



..

[هاااايز]

هذا اخوي اصغر من سبعه شهور تقريبا عمره 4-6 شهور والله يباركلك فيه وبهذا العمر سهل التدريب والتعليم شغلت نص ساعه معه راح يطلع على يدك

[wal___eed]

مثل ماقال اخوي هايز عمره تقريبا 6 شهور مايزيد عنها

بس انتبه له من التيارات البارده خله في مكان معتدل

وعليك بالفيتمينات

[Almaha.K]

اول شي احب ارحب فيك بين اخوانك

ثاني شي ماشاءالله تبارك الله الطير شكله حلو والريش مرتب

الله يحفظلك زيزو وان شاءالله نشوفه يقول جمل

[عاشق الكوكتيييل]

ماشاءالله تبارك الرحمن

طير في غاية الروووووووووعة وعمرة تحت الــ5شهوور

[كوكاتـو]

تستطيع قص الريش لكن ابي 3 ريشات الاولية

[Juvawi]

في الصوره باينه عينه سوده و لكن في الواقع فيه رمادي شوي يعني اتوقع اكثر من 6 شهور
و اللي اعرفه و ماني متأكد من المعلومه ان الطيور في هولندا ما يتم تصديرها الا بعد ما تكمل 6 شهور .. صحيحه هالمعلومه او لا؟

انا اول ما اشتريته رحت صيدليه بيطريه اثق فيها و اتعامل معاها من زمان و خذيت منهم بودرة فيتامينات و الحين اخلطها مع الماي و بشوف الدكتور البيطري شقول

و مشكورين اخواني على التفاعل .. بس محد قالي اقرض ريشه هاليومين ولا انطر شويه؟

[DEKTATOR]

ما شاء الله
مبروك اخوي

[abdulrahman88]

ماشاءالله تبارك الرحمن
يتربه في عزك يارب