آرجو المسآعده

[Eva~]

السلآم عليكم ورحمة الله وبركآته

كيفكم جميعآ

عندي قطوتي عمرهآ 7 شهور شيرازيه ولها يمكن آسبوع
ماتآكل كويس اعطيها من اكل البيت مثلآ دجاج مسلوق ماتاكله
والاكل المعلب برضو ماتاكله الا بس شوي منه بس تاكل الدراي فود وتشرب مويه
مادري وش الحل ؟
وقبل اسبوع وديتها للبيطري قالي انو صحتها كويسه
ياليت تفيدوني الله يعطيكم العافيه (f)

[llosy]

خذ الدراي فوود وطحنه ورشه على اكلها

وبتآكل ان شاء الله

[llosy]

المشاركة الأصلية كتبت بواسطة الموج الازرق

هاذا مرض يقتل القطه كل يوم وفي الاخير تموت اذبحيها وخلصيها من العذاب

عذرااا اخوي بس انت شنووو قاعد تقووول

هذي ارواح وبنتحاسب عليها يوم القيااامة

[أمازون]

المشاركة الأصلية كتبت بواسطة الموج الازرق

هاذا مرض يقتل القطه كل يوم وفي الاخير تموت اذبحيها وخلصيها من العذاب

حاول تكون راقي في تعاملك مع الآخرين، و لا تتشمت او تتهكم بمصائب الناس، بكره تجيك مصيبه لا سمح الله ما تلقى احد حولك .

[Eva~]

لآحول الله الله يهديك اخوي
هاذي نفس وراح تتحاسب عليها يوم القيامه

بخصوص قطوتي انا سويت نفس الشي طحنت الدراي فود وحطيته فوق اكلها
برضو مااكلته ياليت احد يفيدني

[llosy]

طيب جربي اخلطي شووي دجاج مع الدراي فوود

[دلوعةقطوتي]

طيب قطوتك طالبه تزاوج؟ اذا لمستي اخر ظهرها تاخذ وضعية التزاوج لانه احتمال طالبه وعند الطلب تقل شهيتها
بس لو طاله لاتزاوجينها الا لما تكمل سنه
واذا طالبه كلها كم يوم وترجع ان شاءالله طبيعيه
وحاولي تجربين معاها انواع اكل جديده وان شاءالله تاكل
اذا مو طالبه تاكدي ماعليها حراره المسي اذنها وشوفي عندها اسهال امساك ترجيع

[Eva~]

امممممم
انا لآحظت اني لما امسك اسفل ظهرها كآنها طالبه التزاوج
اي اكيد بعد سنه ان شاءالله
اشوى الحين سلقت لها لحم واكلت بس مو زي شهيتها قبل
يعني احس انو قلت
تيب وش تنصحوني اغير اكلها بايش ياليت تفيدوني
ويعطيكم الف عافيه يلي رديتو فديتكم

[دلوعةقطوتي]

جربي البيض المقلي بجبن بس امسحي المقلى بشوية زيت زيتون لاتكثرين
اسلقي الدجاج والخضار مع مكرونه صغيره او شوفانواخلطي معاه شوي من المعلبات عشان تجذبها الريحه
اسلقي سمك فيليه مع شوية خضار ورز
او اسلقي كبده دجاج لحالها واخلطيها مع دجاج مسلوق بالخلاط واعطيها(مابعد جربتها بس يقولون حلوه) بس لاتكثرين الكبده عن مره بالاسبوع لانها تحتوي على حديد كثير
اعطيها سيريلاك
جبن سايل مع دجاج
جبن كيري او مثلث وحطي الدراي فوود فووقه عشان الريحه تجذبها
زبادي مع دراي فوود او خبز نخاله او كورن فليكس دايت
جيبي انواع دراي فوود يمكن ملت من اللي عندها جربي رويال كانين مياو مكس ويسكاس
هذا اللي بالي حاليا

[Eva~]

يالبى قلبك تسلمين ياقلبي
الله يعطيك الف عافيه ماقصرتي
بحفظها عندي وبسويها كلها ان شاءالله
وانا دايم احاول اغير لها الاكل من البيت او من المعلبات
او الدراي فود
مره شكرآ على متابعتك لموضوعي وردك الراقي
لروحك (f)