لاصحاب الخبرة الرجاء الدخول ( هام جدا )

[kingcanoon]

السلام عليكم ورحمة الله وبركاته

كيفكم اخواني واخواتي اعضاء منتدى تو زوو ان شاء الله بأحسن حال

اخواني انا عندي كم استفسار وان شاء الله راح القى جوابة عندكم بأذن الله

يا جماعة الخير انا عندي كوكتيل راح احط صورة في نهاية الموضوع

حاب اعرف :
1- هل هو ذكر او انثى ؟
2- ممكن تحددوا العمر التقريبي له .

في مشكلة في الطير والله اعلم انة مصاب بالاسهال وانا في الصور اكرمكم الله صورت مكان الاسهال بس ان شاء الله يكون واضح وتفيدوني غير كذا وزنة خفيف جدا غير باقي الطيور لما مسكت الطير ما كان فية اي مقاومة من الطير نهائياً ولا حتى عضة صغيرة هذا الشي خلاني اشك ان الطير مريض واتمنى تعطوني معلومات اكثر وايش الحل اذا كان مريض .

طبعا انا عزلت الطير عن باقي الطيور قلت لو هوا مريض يكون لحالة احسن وما يعدي باقي الطيور اللى معاه وحطيتة في قفص لحالة وحطيت له فيتامين اسمة ( فيتابير دز هـ ) وكمان واحد ثاني اسمة ( سلفامايسين ).

هل الاشياء اللى انا عملتها صح او غلط وياريت اذا فية اي معلومات يا ريت تفيدوني بها وشكرا مقدماً
واسف على الاطالة


اخليكم مع بعض الصور للطير

دمتم في حفظ الرحمن

[kingcanoon]

ممكن احد يرد عليا لو سمحتو.....؟؟؟؟؟

[da7om]

هلا أخوي ..
ماشاء الله الطير حلو
واضح أنه تعبان ..
أخوي فيه علاج للإسهال تقدر تستخدمه ..لكن أفضل لكـ أخوي تروح
لبيطري ويعطيك العلاج ويعطيك الكميه أفضل من الإجتهاد
لأني أتوقع الزياده في الادويه او الفيتامينات لها أَضرار
بالنسبه انه ما يعض ... إذا الطير أليف فهذا شيء طبيعي
أما إذا الطير كان شرس ويعض والآن ما صار يعض .. فمعناتهـ أنه تعبان مره
نفس الموضع هذا صار معايه وأجتهدت وأعطيته أدويه لكن للأسف مات ..
فنصيحتي لكـ مر البيطري وأن شاء الله ترجع صحته ويترب فعزك

[kingcanoon]

الله يعيطك الف عافية ماقصرت

لكن هل تقدر تحدد عمرها تقريبا هل هي بالغة او لا


دمت في حفظ الرحمن

[عاشق الكوكتيييل]

الطير باين عليه تعبان وضعيف جدا وزين سويت يوم عزلتة عن باقي الطيور وودي البيطري في اسرع وقت قبل لا يموت

جنس الطير انثى وبالغة ونوعها ايزابيلا

[kingcanoon]

يعطيك العافية اخوي عاشق

بس المشكلة البيطريين اللى المنطقة مش قد كذا اخاف اروح لهم ويجيبو العيد في الطير


بس لو فية اشياء معينة من فيتامينات او وصفات ممكن انا اسويها للطير يكون افضل


وشكر لك

[kingcanoon]

الاخ دحوم

وصلتني رسالتك على الخاص بس للاسف مشاركاتي ما تسمح ارد لك

[da7om]

مافي مشكله أخوي ...
رد لي على إيملي ... ارسل ايميل على
da7om.g@hotmail.com

[..::AL-BaDeR::..]

مآ شآء الله تبآركـ الله

آنصحكـ توديه لبطيري آخبر مننآ كلنآ ويعرفـ وش مشكلته ... ويعرفـ وش تعطيه واللي مآ تعطيه...

بس عندي سؤآلـ وآحد...

وش مكتوبـ علىا الحجلـ اللي برجله اليسآر ؟؟

بآنتظآر ردكـ

[kingcanoon]

يعطيك العافية اخوي البدر


بس المشكلة المنطقة اللى انا فيها مافيها بيطريين تمام

وانا رحت لاكثر من واحد بس للاسف ما يفهمون في الطيور مخصصين حق غنم وابقار خلها على ربك

لو فية اي دواء بشري مفيد ياريت احد يقولي على اسمة


بالنسبة اخي البدر للحجلة مكتوب عليها zc 10 وبعدين 189-1

ممكن عن طريقها احد يقدر يقول كم عمرها تقريباٌ


شكرا للجميع