نرجع لنفس الطير الموسوس الي عندي ...

[عز الخوي]

اسعد الله اوقاتكم بكل خير ...

استفساري اليوم عن الطير الي عندي الي قلت لكم في استفساري الاول انه

يا موسوس يا منحرف .. والحمد لله طلعت اخلاقه حميده ولا هو بمنحرف بس

طلع موسوس .. والي خلاني اتاكد انه ما هو بمنحرف اني قمت اقول له :-

( يا ويلك جاك جيب الهيئه )

المهم استفساري اليوم هو انه الطير هذا اذا ابعدت منه ودخلت لي غرفه او ما شافني

يقعد يهذر ويتكلم .. لكن اذا شافني يجيه الموت ولا عاد ينطق كلمه ..

مع اني قمت اعلمه كيف يطلع على يدي والله لا يوريكم صارت يدي تقول مزرعة جروح

لكن الي استفده من عقبها اني ادخل يدي عنده بالقفص واقول له ( سلام عليكم )

وهو يرفع رجله اليمين ويحطها باصبعي

وما زلت مستمر معه بالتدريبات ويا انا يا هو وشكلين ما بحكي ..

بس الله لا يهينكم ردوا على استفساري وقولوا لي اشلون اخليه يردد الكلام وراي

مع انه يتكلم ويتعلم الكلمات الي اقولها له .. لكن ولا كلمه قدامي

واذا قامت زوجتي وشغلت ماكنسة الكهرباء في الصاله وتروح وتجي يقعد يهذر ..

وتقبلوا فائق التحايا