محتاج مساعدتكم وخبرتكم ياابطال لاتبخلون علي بالمشورة تراني جديد في الترويض والتدريب ل

[baggio]

السلام عليكم

كيفكم ياشباب

تكفون كل من يدخل موضوعي ينصحني بأي نصيحه يشوفها مناسبة بعد مايقرا موضوعي وراح ارفق لكم الصور في الموضوع

في البدايه انا شريت لي طير افريقي من قبل شهر
وكان يجعر جعير اللهم ياكافي الجيران تأذو منه .. وكان يعض لدرجة انه كل صيدليات الاحساء خلصت عليهم ضمادات الجروح وماعاد فيه بعد ضمادات في الاحساء

المهم الطير صار له معي شهر
ومن متابعتي لهذا الصريح الكبير ( تو زو ) اتبعت معه كل اساليب الترويض والتدريب
وكانت النتائج كالتالي:
1- الجعير خف بنسبة 95% يعني نقدر نقول انه مايجعر
2- بطل يعض نهائياً
3- صار يطلع على يدي وقت ماأشاء
4- افتح له القفص ويطلع لحاله وانا قريب منه

والان اترككم مع الصور
الصورة الاولى:
هذي الصورة وهو واقف على يدي <<<<<<<<<< لا ياشيخ
[IMG]مركز تحميل الصور[/IMG]

الصورة الثانية:
تقصدت اصور عينه عشان تفيديوني بعمره اللي شريته من عنده يقول عمره سنة وشهر او شهرين
هل صحيح الطائر في هذا العمر

[IMG]مركز تحميل الصور[/IMG]

الصورة الثالثة:

[IMG]مركز تحميل الصور[/IMG]

الصورة الرابعة:

[IMG]مركز تحميل الصور[/IMG]

الصورة الخامسة:

[IMG]مركز تحميل الصور[/IMG]

الصورة السادسة والسابعة والثامنه والتاسعه :
يقول انه حجمه جامبو هل هذا صحيح ام لأ

[IMG]مركز تحميل الصور[/IMG]

[IMG]مركز تحميل الصور[/IMG]

[IMG]مركز تحميل الصور[/IMG]

الصورة الاخيرة وهو ياكل من يدي :

[IMG]مركز تحميل الصور[/IMG]

طيب نجي هنا لبعض الاستفسارات:

1- هل فعلاً الطير جامبو ؟؟؟؟؟ وكم عمره تقريباً ؟؟؟؟؟؟؟

2- خلال شهر واحد فقط بطل يجعر وبطل يعض وبدا يطلع على اليد وياكل من يدي
السؤال هل تعتبر فترة شهر كثيره على هذه التطورات او تعتبر فترة معقولة ؟؟؟؟؟؟

3- معاي انا مايجعر نهائيا لكن لما يجي اي احد يقرب منه غيري انا او اطفالي تسمعه يجعر على طووووووول ؟؟؟؟ لماذا ؟؟؟؟؟؟؟؟ وماهو الحل لجعله لايجعر عندما يقترب منه غيري ؟؟؟؟؟؟

4- لما اطلعه على يدي واشيل القفص بعيد يبقى علي يدي بالساعات
لكن لما اطلعه من القفص واخليه على يدي والقفص قريب على طوووووووول يطير للقفص ... وش الحل اني اقدر اخليه على يدي بوجود القفص ؟؟؟؟؟؟؟؟؟؟


5- الشؤال المهم بالنسبة لي :
انا موظف في ارامكو واكون غائب عن المنزل من يوم السبت الى الاربعاء
انا اخذه معاي السكن في ارامكو وفي يومي الخميس والجمعه انزله معاي البيت
هل يؤثر ذلك على نفسية الطير عندما انقله من المنزل الى سكن العمل والعكس ؟؟؟؟؟؟؟؟

6- السؤال الاهم :
في غرفتي في العمل لما يطلع برا القفص تسمعه يصفر ويعطيك نغمات عجيبه وروعه
لكن في البيت ماأسمعه يصفر نهائياً ؟؟؟؟؟؟؟؟؟ لماذا ؟؟؟؟؟؟؟؟؟؟

7- انا صار لي اسبوعين تقريبا وانا يوميا في الصباح اجلس معاه تقريبا ساعه فقط للتلقين
صار لي اسبوعين وانا اردد عليه كلمة ( بابا ) الى هالحين ماقالها بس احس انه بعض المرات يقولها عن طريق تصفير
وش الحل عشان اخليه يتكلم بسرعه ؟؟؟؟؟؟؟؟؟؟؟؟


واسمحوا لي على الاطاله

وفي النهاية ابي رايكم في الطير والتطورات اللي صارت معاي خلال شهر فقط وايضا جواب لإستفساراتي ولاتنسوا اني جديد فقط شهر في التدريب والترويض