طير وجه فقر

[ملقوف وتوهق]

اسعد الله اوقات الجميع


ياربع عندي طير وجه فقر

جايب له سبعين نوع اكل ولا ياكلها ماياكل الا فص فص

شلت الفص فص عنه وحطيت له فواكه مجففه وفواكه طازه وذره واشياء ماعرفها

ماهو راضي ياكل طق 24 ساعه ماكل

وش الحل


على فكره باقي كارهني >> هع هع

[صوغة]

مو متعود خاصة اذا كبير شوي

فيه تشكيله حبوب بلجيكية فصفص ومعها فواكهة مجففه

جيب له منها يمكن يجربها وتعجبه شكله مايحب الطازه جديدة عليه

وان شاءالله يدخل من يفيدك اكثر

[ملقوف وتوهق]

^
^
وقسم جبت له من ذا التشكيله
مايكل الا فص فص

ومن ناحية كبير طق السنتين وعليها

[صوغة]

اي كثير يشتكون ان طيورهم ماتاكل الا الحب لانها بصغرها ماتعودت

انت ثابر وحاول ولا تيأس وان شاءالله بياكل ...

[ziad1409]

كم عمره الي عندك انا قالولي الكاسكو ما ياكل الا الفصفص الحب الشمسي
بس انا من يوم ما شريته ما شاء الله ياكل كل شي تفاح وياكل جزر مسلوق
وياكل طال عمرك بيض مهروس
وياكل حبوب اشتريتله اياها تجي فصفص ومكسرات فول سوداني ومدري وش بعد شي اخضر وحمر اسمها
على العلبه طيور الحياة قميتها 10 للبكيت بس ترا يوم غيرت اكله جاه اسهال فا اصبر عليه لو تغير اكله على طول يجيه اسهال انتبه

[zxooozx]

السلام عليكم
اخوي الصبر ثم الصبر
جرب التالي بالترتيب
-الاكل ارفعه عنه لاتخليه دايم قدامه وعطه كل 4 ساعات وجبه تخليها قدامه ربع ساعه وشيلها
-الوجبه الاولى شوية حب شمسي مع فول سوداني غير مقشر وغير مملح حبتين بس لاتكثر فول
-الوجبة الثانية جيبلك قطعة خس وقطعة فلفل اخضر بارد خله يتذوقهم واذا ماقبلهم خذ منهم قطع صغيره وخليها مع حب شمسي واتركهم عنده نفس المده وشيل الاكل
-الوجبتين الباقية خلها عادية حب شمسي بس واصل رفع الوجبه كل مره لاتخلي الاكل دايم عنده
كرر العمليه هذي 3 الى 5 ايام حتى يتعود على مواعيد الاكل ويعرف انه فيه انواع ثانيه ممكن يجربها
الاسبوع الثاني
اشتر خلطه امريكية او بلجيكية اكل طبيعي(حبوب+قيتامينات+فواكه مجففه) تلقاها عند محلات الطيور
استمر على الجدول السابق مع اضافة نسبة قليله من الخلطه الجاهزه
شوي شوي راح تلقى الطير تعود ينوع بالاكل
وانت لاتنسي بين الوجبات تقدمله قطع صغيره جدا من خضروات او فواكه (ولا تكثر من الخضره والفواكه تسبب اسهال) مجرد تعويد الطير يغير عاداته الغذائية يكفي الخلطه الجاهزه فيها كل شي
الصبر ثم الصبر وخبرنا بالنتايج
مع اطيب التمنيات

[مهنــــــــــــــــــد]

طيب انا عندي الببغاء ما ياكل الا حب شمسي وهو عمره الحين سبع شهور واشتريت الخلطة البلجيكية ولا تقبها واشتريت بعد البسكويت واعجبه مرررره وبعدين جاه اسهال هل هاذا يعني انه من تغيير الأكل ولا ايش ؟
وشكرآ