سؤال عن الالبينو بورميس والبوا

[madtaz]

السلام عليكم

اخواني واخيرا وبعد فضل الله قدرت اضيف البينو بورميس بطول 65سم الي مجموعتي

الحين اللي محيرني انه الافاعي اللي عندي عيونها تصير لونها ازرق عند غيار الجلد !!

الان البوا الصغيرة اللي عندي الجلد قبل 9 ايام و بعدها اكلت وجبة دسمة ما شاء الله عليها

والان عيونها صارت زرقة مرة ثانية !! معقول تدخل بغيار مباشر بعد وجبة وحدة كبيرة ؟

السؤال الثاني الحين عيون الافاعي اللي عندي ابيض واسود لكن الالبينو بورميس لون عيونها احمر

هل يا تري تتحول للازرق عند الغيار ولا يصير لها لون اخر غير الازرق ؟؟

معلش طولت عليكم

[|| PyTHoN ||]

بالنسبه للبوا عادي مرات يصير بالحيايه اشياء جذي -_-
خصوصاً لو انها مجروحه ، او كان فيها شي ، و لو انها صغيره
حتى ممكن تصير ..

بالنسبه للبورميس ، او للحياي الاغلب ، لا تعتمد على فقط
موضوع العين ، لاحظ الجلد و لمعة البطن بتلاحظ فيها ازرقاق بسيط
تقدر منه تقول اذا بتبدل او لا ، و غير هذا الجلد يكون متجعد و ناشف شوي
، بالنسبه للألبينو ، بتلاحظ لون العين مايل عالبنفسجي أكثر و السبب
لون العين الأحمر ، او ممكن يكون رصاصي حالهم حال الباقين ..

.
.

[jassim99]

ماعندي كلام ازيده

دايما الثعابين الصغار تبدل الجلد اسرع من الثعابين الكبار الي انت متعود عليهم و خصوصا اذا كانت عايشه بأجواء مناسبه و تغذيتها صحيحه

اغلب الالبينو الي مرو علي تلاحظ العين مالت للون الابيض اكثر كأن عليها غشاوه و الوانها تبهت وشبه ينعدم اللمعان

و احيانا قبل تبديل الجلد تلاحض ان الثعبان يدخل بماعون الماء الموجود في حوضه و يجلس ايام

[madtaz]

مشكورين علي الافادة وما قصرتو

[jassim99]

العفو ولو