ايميلي .. وازعاجها..

[MoOoOoOn]

السلام عليكم ورحمة الله وبركاته ..

ايميلي الله يطول بعمركم .. اقلقتني وربي .. المشكلة الله يستر شكلها قربت توولد .. وتدور على اماكن .. وكل مره يعجبها مكان وربي اجهزه لها .. واسوي لها كرتونه .. بس تعافه وتدور غيره ..
الحين صايرة تزعجني صايره تدور الاكياس الكرتونية تطلع الي فيها .. وتدخل فيها ..
قبل شوي سويت لها كرتون .. من غير فرشه عجبها .. ودخلت دقايق وطلعت .. وحطيت فيه فرشة .. هونت عنه .. ياخوفي تولد .. تحت السرير .. وربي عجزت معها ,, ماتبي ولا مكان من الي سويتهم لها ؟؟ وشو اسوي

وخايفة عليها لانها اول ولادة لها .. و صغيره بالعمر

[الخبيرة ناديا]

اهلين ياقمر

كم مده حملها الان؟؟

[MoOoOoOn]

بصراحة انا حسبت لها من اول مرة تلقحت ٢٥ اكتوبر بس شكلها حملت بعدها بفترة لانها طلبت تزواج ومو متأكدة كم بس وديتها البيطري الاسبوع الي فات قال باقي لها من اسبوع لعشر ايام والحين علي كلامه الحسبه باقي لها المفروض يومين
وانا بس أبيها تثبت بمكان أقلقتني وأبيها تولد وانا حولها لانو خائفه عليها ومو مثل اول هالاسبوع صايرة تغير مكان نومها كل ساعه او اقل ماتنام بمكان واحد

[دلوعةقطوتي]

وعليكم السلام ورحمه الله وبركاته
تيب حاولي تخليها بغرفه وحده وجهزي لها المكان احسن ماتولد عليك باي مكان وتوسخ الدنيا
الله يقومها لك بالسلامه

[artos]

اهلا اختي

لا تحطيها بغرفتك علشان ماتولد ع السرير

حطيها بغرفه وحطي الكرتون والمنشفة داخل

وهي اذا بغت تالد راح تروح بالكرتون

[الدلع]

وعليكم السلام ورحمة الله وبركاته
الله يحفظ بستك ويطمنك عليها وتشوفين بزورتها
انتِ تدورين لبستك عن مكان وبستنا ما كذبت خبر واختارت مكانها بنفسها بس تتوقعون وين
في دالوب الوالد وهو ما يحب البسس وبصراحة شكيت فيها بإنها ممكن تكون جنية لأنها تصرفت تصرف غريب وهو انها لما انتهزت فرصة ان الدالوب مفتوح شوي والوالد مو موجود في غرفته دخلت وابعدت جزمه اكرمكم الله على جنب وحطت كيس علاقي متين وولدت عليه وما درينا عنها الا بعد ما لاحظ الوالد ان بطنها صغر عن اول فقال روحوا دوروا وين حطت عيالها فيه وللأسف تعبنا واحنا ندور وقلنا ما فيه الا نتبعها وكان الدالوب مسكر ولقيناهم وستر الله لأنه متعود يقفل غرفته ويطول برا ونقلناهم مكان ثاني فحطي عينك على بستك لا تولد في مكان ما تقدرون توصلون له وممكن يصير لها أو لهم شي لا سمح الله
غيابك طول علي يا سحر : ما شاء الله توقيعك تحفة واختيارك موفق وعجبني كثير لأني أحب البسس غامقة اللون وناوية أزوج بستي ببس اسود وبستي لونها بني غامق
طمنينا عنها

اقصد ايميلي

[artos]

غيابك طول علي يا سحر : ما شاء الله توقيعك تحفة واختيارك موفق وعجبني كثير لأني أحب البسس غامقة اللون وناوية أزوج بستي ببس اسود

ههههههههه

انا اموت على السود فيهم شطانه زايده عن اللزوم

[MoOoOoOn]

يااااااعالم حايسه تو صحيت من النوم لقيت الدنيا دمااااااان من حولي عورررني قلبي عليها شكلها علي وشك تولد سويعات ولا دقائق وشو اسوي
ياااارب مايصير لها شي لاهي ولا البزورة
الله يخليكم

[MoOoOoOn]

تماوي وانا أصيح وشو اسوي

[الخبيرة ناديا]

حبيبتي لازم تهدي انتي بالاول !!

وخذي القطه على غرفه معزوله واقفلي عليها الباب وكوني معاها.

وحاولي تدخليها بكرتونه الولاده او القفص المجهز لها .

وظلي تمسحين على راسها حتى تهداء وترتاح وتستقر بمكانها .

وانا متابعه معاكي اول باول لاتخافين.