قصة لي مع ببغاء افريقي

[هستوب]

السلام عليكم ورحمة الله وبركاتة

اخباركم جميعاً.......

قبل سنين طويلة وانا ادور كاسكو شريت هولندي طبعاً ما اعجبني ورجعتة للمحل

المهم قبل شهرين اتصل فيني جاري وقالي عندي ببغاء تعال شوفه وجيت لقيت الببغاء وصاحبة وجاري جالسين قالي عندك خبرة فيه قلت لا قال طيب كم يسوى قلت والله مادري لكن كم يبي فيه راعية قال يبي فيه 1000 قلت طيب الطيف اليف يتكلم مريض قال لا مافيه اي شي انا شريته من الكويت من واحد والطير ازعجني بالتصفير والحين ببيعه عشان اعرف انام قلت طيب انا بشتريه بكم اخر شي قالي شوف انت معك فلوس قلت ايه قال كم معك قلت 900 قال طيب يبقى لي 300 ريال اذا نزل راتبك قلت طيب شريت .. طبعاً قفص الطير وسخ الي درجة ماتتصورونها الطير موسخ ولا فيه نظافة واكله منثور بالقفص اخذته نظفته عدلته طبعا اول ماطلعت الطير من القفص كنت خايف يعضني جبت المنشفة ومسكتة فيها الطير ما (يجعر ) استغربت حتى الطير ماينازع او يحاول يسوي شي هادي شكيت انه مريض نزلته بالصاله وراح يتمشى على هداوه وروقان وانا انظف القفص وسمعت تصفيرة لاول مرة + طقطقه خلصت تنظيف جيت برجعه بالمنشفة الطير هادي حطيت يدي تحته طلع عليها واكنت هاذي اول مفاجئة الطير وليف مسحت منقاره الطير ولا قال شي مسحت على جسمة كله الطير ولا فيه احسن منه حمامه بس ينزل راسه عشان احكه له وهو على يدي واذا لمست شي يعض لازم احك راسه اول شي وقلت في نفسي حلال عليه والله حتى لو انه مريض .. المهم وديته للبيطريه وفحص عليه قال مافيه اي شي هذا سليم قلت تمام .. بعد شهر وزياده الطير يطلع اصوات ما اعرفها واول مره اسمعها اما طقطقه وتشكيل على كيف كيفك غير هذا كله الطير اذا شاف الصغار يلعب بالقفص وينط ومادري وش يسوي حركات عجيبه اتصلت في صاحبه الاول وقلت له الي صار معاي كله قال الله يوفقك فيه .. الي فهمته من كلامه انه شاريه لعياله ومعاد يبونه والرجال مايعرف سعر الطير ولا يعرف له اصلان وفهمته الشي هذا وقالي الله يوفقك فيه وتستاهله
وهاذي صور للطير
















الطير اول ما اخذتة كان صدره طالع الحين مادري ليه معاد صدره طالع صار جناجه قريب لصدره يعني مو زي اول .. ترى اكله فقط حب شمس





المطلوب الان ..

1: تحديد عمر الطير
2: هل ذكر ولا انثى
3: وش ياكل غير حب الشمس .. شي متوفر وسهل ومغذي له او الطير يحبه
4:الطير عنده طقطقه وتقليد صوت وتشكيل هل يمكن انه يتلقن الحين ولا لا


واسف على الاطاله وسلامتكم

[Love kasko]

ما شاء الله وتبارك الرحمان يدندن الله يحفظه لك

وان شاء الله يفيدونك الاخوان


تقبل مروري

[ٌابوعمر]

الطير صغير وعمره اقل من سنه يمكن 10 شهور او 11 شهر ويمكن اصغر بعد وترا هاذا وقت التلقين تقدر تلقنه على كيفك تقدر تعطيه سلطه وتقدر تعطيه حبوب مشكله روح المحلات واشتري حبوب منوعه للببغاء

[eaglesa38]

الطير فرخ وباين من لون العين ان عمره ما يتعدى 8 شهور
بالنسبة للتعليم نعم يتعلم وهذا وقت التعليم
ردد له كلمة واستمر عليها لين يحفظها وعطه غيرها
الاكل تقدر تعطيه فواكه مثل الجزر والتفاح والخيار والعنب حبة باليوم والذرة
بالنسبة للنوع ذكر ولا انثى يجب عمل تحليل الحمض النووي للدم لمعرفة جنسه


تحياتي

[كويتي777]

ماشاء الطير الطير يستاهل تبارك الرحمن

نفس ما أفادوك الاخوان الطير فرخ وبالنسبه للاكل الحب الشمسي هذا المفروض مايكون اكل اساسي المفروض يكون بين الوجبات

امن الاساسي اذا كنت تبيه صحته تكون زينه

الفول والحمص والذره والبازاليا وتوابعهم طبعا تحطهم بالنار ربع ساعه

ويوم فواكه

ويوم عيش مشخول ومن غير اي اضافات

وبطاط مفيوح

وبيض مفيوح

وخضروات

بس لازم تنوع له وما تكثر له من الفواكه والخضروات

واهتم في التغير اليومي للماء

ولا تسبحه وبعدها يحوشه هوا بارد ديربالك من هالنقطه

ويفضل ماتسبحه في هالعمر فقظ امسح عليه بفوطه مبلله افضل

وابعد عنه التيارات البارده

وحاول انك تلقن الطير اول باول وتلاعبه لكي يتولف اكثر ويتكلم لان طيرك في مرحلة تقبل التعليم


بالتوفيق وشكرا

[جااكو]

ما شاءالله تبارك الله

طير رووعه وفرخ ما يتعدى السنه

اهتم فيه

يتربى بعزك

الله يحفظه لك يارب

...

[عشقي البلوفرنتد]

نفس ما قال ابو عممممممممممممر كلامه سليم 100%100

[هستوب]

الله يجزاكم خير جميعاً

[بلاك بيري]

توكل على الله اخوي ماشاءالله عليه يجنن وما ينقصه الا الهاوي المهتم مثلك

موفق بكل خير