ديدان ، إلحقونى

[نوديوس]

مشاكل القطط كترت، و أنا تعبت
المهم، القطة اللى كانت رافضة تاكل، الدكتورة قالت عندها برد، و بتاخد خافض مع مضاد حيوى، ربنا يشفيها،
المشكلة بقى:
أنا عندى 3 قطط إتنين منهم أخدوا جرعة فلوفيرمال و هياخدوا جرعة تانية بعد 3 أيام، و كنت إتفقت مع الدكتورة إنى هدى للقط الجديد اللى ما أخدش لما أبتدى أديلهم الجرعة التانية
المشكلة إنى مستضيفة قط بتاع واحدة صاحبتى من يوم الخميس اللى فات و قاعد عندى 10 أيام بصراحة تعبنى تعبنى، بيعض القطط، و يقوموا تانى يوم مش قادرين يدوسوا على رجلهم، النهاردة لاحظت إن عنده إسهال قلت أشوف البراز بتاعه المهم دخل الليتر بوكس و شيلته قبل ما يدفن البراز لقيت فى ديدان حية فى البراز، طبعا كلهم بيقوموا بالإخراج فى نفس الليتر بوكس ، قلقانة جدا على قططى، و بعدين هو هيمشى يوم الأحد أستنى لما يمشى و بعدين أديلهم الجرعة التانية من الدوا، أنا مش هينفع أوديه للدكتور و لا أديله علاج عشان صاحبته ممكن ترفض عشان هى متابعة مع دكتور و مش بتخالف كلامه خالص
المشكلة فى قططى هما أصغر منه و خايفة عليهم، و خايفة العلاج يكون صعب لأنه ممكن تجيلهم عدوى و هما أخدوا الجرعة الأولى بس من الفلوفيرمال، و الصغير خالص اللى لسة جايباه ده مش ناقص أصلا و ما أخدش دوا ديدان قبل كدة

[باغيرا]

السلام عليكم ورحمة الله وبركاته
اهلا وسهلا فيكي
طيب افصلي او ابعدي القط ده عن قططك يعني خليه بغرفة غير الغرفة الي موجودين فيها قططك
والليتر بوكس يعينك الله خليهم اتنين واحد للقط ده وواحد لقططك وخلي الليتر بوكس حقه
في مكانه والليتر بوكس حق قططك في مكانهم المخصص وكلمي صديقتك قوليلها تستعجل في اخذ قطها
اعطي قططك بنداكس او الدرونتال عشان الوقاية وان شاء الله مايصيبهم شر

[نوديوس]

ربنا يستر يا باغيرا
شكرا لردك السريع

[شاهستا]

لازم القط ياخد علاج دة هو كدة فى حاله متاخره خروج الديدان فى البراز

لازم ياخد علاج اديله علاج ومتخافيش

وكمان قططك لازم تديهم جرعه دلوقتى لانهم هيتعدوا اكيد

[MAMAMy]

لازم تبعديه عن قططك
شوفي سيبي له الليتر بوكس ده و حطيه
في غرفة و اقفلي عليه كويس
و عقمي بالديتوال و الكلوركس كل حتة قعد فيها فترة او مشي فيها بأختصار البيت كله
و بالنسبة لقططك اديهم العلاج كمان
و اشتري لهم ليتر بوكس اخر
و ركزي معهم اوي علشام مايكنش حد فيهم اتعدى منه لاقدر الله تلحقيه من البدايه
و ان شاء الله ما يكونوش اتعدو
و طمنيني ضروري

[نوديوس]

هو المشكلة إن القط ده أصلا أخو قطة عندى، و كان الدكتور حذرنى إن سبب تعبها المستمر و اللى غلبنى لمدة شهرين إن عندها ديدان مولودة بيها و من الحشرات اللى كانت فيها يوم ما إشتريتها
و كنت فعلا إديتلها جرعة فلوفيرمال هى و القطة التانية اللى كانت عندى وقتها
و الحمد لله إبتديت أحس بتحسن فى الإخراج بتاعها، و قلت لصاحبتى على كلام الدكتور ده، بس هى ما إقتنعتش عشان الدكتور بتاعها ما قالش كدة
و اللى مضايقنى إنه بعد ما جه عندنا بيومين إبتدت قططى تتعب، حرارة و ما فيش أكل خالص
و كنت أخدت واحدة فيهم للدكتورة و قالتلى برد و رجعت من عند الدكتورة لقيت واحد تانية تعبانة بنفس الأعراض، وهما بياخدوا خافض حرارة و مضاد ميجاموكس ، و محلول معالجة الجفاف و بصراحة خايفة أديهم فلوفيرمال كمان يبقى كتير علاج مع بعضه