شريت كاسكو افريقي >>نصايحكم<<

[freename]

السلام عليكم

شريت امس كاسكو افريقي العمر من 7 إلى 8 شهور يعني لسه او اصغر شوي

ريش مرتب ونظره حلو ونظيف

شبه اليف يعني اول ما جبته كان يجعر بس خلال12ساعة الأمور تمام

تمسع ظهره راسه اوكي بس تجي من قدامه تلمسه مايرضه من الجنب او وراه

إلى ان تجي لراسه حتى مو راضي يصعد على اليد لأني خايف يعضني

اما اللي شريته منه حمله من رجوله وصعده فوق يده وجلس يمسح عليه

اللحين الطير يعتبر ( فاضي ) ما عنده لا تصفير لا تشكيل لا كلام

نبي خبرتكم وإذا في شيء نسويه نزيد الولافة

وبالنسبه للعض تقريب يده لين منقاره مايعض بس ما يرضه تلمس راسه ولا شيء

وفي بعض النوادر يبي يعض وش الحل بس عض عادي مو توحش

نسي اقول يأكل من يدي جربت عطيته تفاح وكل

بليززززززززززز

[حسين الشريف]

مبروك عليك الطير إن شاء الله بالنسبه للمسح على راس الطير ابد بالمسح اولاً على منقاره شوي شوي ثم اطلع شوي لراسه وبيتعود عليك وبتطلع عينه ههههههه اصب عليه شوي
لك تحياتي

[freename]

الله يبارك فيك

وبنجرب وبنشوف

الصراحه ما توقعت كذا السالفة يبغى لها جد وشغل <<<الله يعين

[وحيد مكة]

الله يطرح لك البركة يارب
على وصفك ماشاء الله الطير شبه اليف وهو ماله يومين يعني ان شاء الله خلال اسبوع يروح باقي الخوف والعض
العض تتغلب علية بالعسل او مربى
وخل الطير على يدك ولاعبة كل شوي عشان يولف عليك وانتبه له من اهم شي من تيارات الهوا وتقلبات الجو
والعمر مناسب للتلقين ولاتعلمه تصفير كثير ابدا معاه كلام افضل عشان يجيك طير مايسكت
وكل عام وانت بخير

[بلاك بيري]

ماشاءالله تبارك الله جدا ممتاز لكن ابي منك ان تتحلى بالصبر اكثر وان شاء الله بتشوف شي يسرك من الطير بخصوص الرجل الي طلع الطير على يده انت تقدر تسويها لكن خلي طيرك على الأستاند فتره ان حاول طيرك العض حتى لو خفيف اقضي عليها بأستخدام العسل

تحياتي

[freename]

المشاركة الأصلية كتبت بواسطة وحيد مكة

الله يطرح لك البركة يارب
على وصفك ماشاء الله الطير شبه اليف وهو ماله يومين يعني ان شاء الله خلال اسبوع يروح باقي الخوف والعض
العض تتغلب علية بالعسل او مربى
وخل الطير على يدك ولاعبة كل شوي عشان يولف عليك وانتبه له من اهم شي من تيارات الهوا وتقلبات الجو
والعمر مناسب للتلقين ولاتعلمه تصفير كثير ابدا معاه كلام افضل عشان يجيك طير مايسكت
وكل عام وانت بخير

الله يبارك فيك
ومشكور على الإضافة(إن شاء الله بعد اسبوع نقول الجديد

وأنت بخير وصحة وسلامة

[freename]

المشاركة الأصلية كتبت بواسطة بلاك بيري

ماشاءالله تبارك الله جدا ممتاز لكن ابي منك ان تتحلى بالصبر اكثر وان شاء الله بتشوف شي يسرك من الطير بخصوص الرجل الي طلع الطير على يده انت تقدر تسويها لكن خلي طيرك على الأستاند فتره ان حاول طيرك العض حتى لو خفيف اقضي عليها بأستخدام العسل

تحياتي

إن شاء الله

كلامك على الراس

واليوم بحاول اشتري له ستاند لأنو ما فيه

بس قمت افتح اللي فوق وعلى طول قام يطلع

ولكن داخل القفص اهدا كأنه حمامه

وخارجه يعني بس ما يخليك تمسح على طول

يحب ينزل ويصعد يوقف ...إلخ

ومشكور على الإضافة

[freename]

المشاركة الأصلية كتبت بواسطة Abu-AbdAllah

انصحك تشتر استاند على شان يسهل عليك التدريب وغيره

لك خالص تحياتي...

الله يعطيك العافية

بس اشوف الأستاندات غالية حبتين

[Hamdano]

بالمبارك اخوي freename الله يعطيك خيره و يكفيك شره
انا شريت كاسكو قبل شوي
بعض الخوان يقولون عسل
بخصوص العسل احطه فيدي ولا وين واكثر من العسل
و بخصوص الاستاند انا القفص اللي شريته قفص و فوقه ستاند عادي افتحله من اول يوم و للعلم ان لا اظافره مقصوصة ولا جنحانه

[freename]

المشاركة الأصلية كتبت بواسطة Hamdano

بالمبارك اخوي freename الله يعطيك خيره و يكفيك شره
انا شريت كاسكو قبل شوي
بعض الخوان يقولون عسل
بخصوص العسل احطه فيدي ولا وين واكثر من العسل
و بخصوص الاستاند انا القفص اللي شريته قفص و فوقه ستاند عادي افتحله من اول يوم و للعلم ان لا اظافره مقصوصة ولا جنحانه

تم شراء العسل بتوصية الأخ بلاك بييري

من الساعة 12 إلى كتابة الموضوع يعني ساعة اقل

الطير ما شاء الله قولوا ما شاء الله

اللحين ادخل يدي مره ينزل راسه لوحده

ومره اقوله ( راسك ) ينزل راسه على طووووووووووول

الحمد لله والشكر

والشكر موصول للشباب وتشريفهم بكتابة هذه النصائح

باقي التصفير والكلام

انا بحاول كل يوم نصف ساعة احطه مقابل المرايه

وبشغل له اللابتوب وهالمقاطع الطيبة

رايكم ينفع؟؟؟

ولا فيه طريقة احسن