مساعدة بسيطة بليز

[الهاشم]

السلام عليكم عندي سؤالين

1- احس رجول الامازون بتاعي متقشرة وهو احيانا يحوس فيها
2- ذيل الطير من اول ما شريته ما يظل شهر شهرين الا يعود يطيح
هو بلوفرونتد عمره سنة

[عزوزالعبدالله]

عليكم السلام

ب النسبه لرجوله طبيعي الا اذا كانت قشور اكثر من القشور المعتاده نزل صوره يشوفونها خبراء المنتدى
والتغذيه لها. تاثير يعني عطه فواكه كالسيوم فول ذره بيض مسلوق لا تعتمد على اكل معين

اما ريش الطير اذا كان القفص صغير شي طبيعي بيتكسر ريشه ويطيح وخاصه الامزون لازم يكون القفص واسع لانه يحب اللعب كثيير بالقفص بهلواني داخل القفص ههههههه صارت معي يتكسر وغير مرتب بس بعد م كبرت القفص الحمدلله
اما اذا كان القفص واسع
انتبه للطير وخلك حنون معها يمكن معصب منك

تقبل مروري

[الهاشم]

اخوي بخصوص الاكل كل شي اعطيه ومو مقصر معاه ابد بس اظن التقشر عادي
وذا ع القفص ما ادري بس ان احسه مناسب ليه
والصراحة هو اللي يعصبني ما يقد في قفصه ابد كل بره لازم انا ادخله واحطه في زاوية لانه يعرف يفتح الابواب حق القفص

[عزوزالعبدالله]

كم صارله الطير عندك

وان حصل تنزل صوره احسن

[الهاشم]

صار ليه عندي 9 شهور هو يحبني كثييييير بس فيه عيوب
ما يخليني امسك جناحه ابدا اول ما اخذته قالوا لي خلي الطير يتعود عليك اول وهو للحين ما يرضى
احيانا اذا يعظظ في ثيابي وابي اشيله يعضني بس مو عضة قوية قوية بس تألم وما ادري ويش اعمل معاه
قالوا لي جرب حط عسل في ايدك بس المشلة ان ما اقدر كل وقت احط عسل
انشاء الله الجمعة انزل ليه صور

[عزوزالعبدالله]

فعلاً لما يتعود عليك
وطول بالك معاه انت حاول تجلش معه اكثر وقت ممكن

والعسل ي الغالي مو كل وقت مره ب اليوم ب البدايه بعدين كل يومين او ثلاثه الى ما ينسى العض

[بلاك بيري]

بخصوص القشور الي على القدم قد تكون دلاله على كبر العمر وهي احدى الطرق للأستدلال وقد تكون تدرن فطري وهو وارد الحدوث في حاله اهمال الطير

بخصوص الذيل لو طاحت ريشه ريشتين مافي مشكله دام انها من الجذر


تحياتي