صور كرواناتي واستفسارات

[جوري محمد]

السلام عليكم
بعض طيوري في هاليومين الاحظ عليهم عليهم دايم نافخين ريشهم وحاطين روسهم بالداخل
معنى مافيهم زكام او اسهال بس صايرين خاملين يعني مو نفس نشاط قبل
حاطه طيوري في الصالة وافتح النافذة اليهم لما يكون الوقت دافي يعني الظهر او العصر
ووقت البرد القوي ما افتح النافذه



هذه صورة الفرخ كانت من قبل تطير ولا تسكت الحين اغلب وقتها هذه حالتها
وساعات الاحظ على فتحة مناخيرها تصير وردية
تذكرني حركاتها بالفرخ اللي مات عندي من قبل
وش الحل معاها ؟




وهذا صورة الفرخ لما شريته كان وش حلاته الحين الاحظ عليه الضعف بالذات في وجهه صارت عيونه بارزة مع العلم اني لما شريته كان مفطوم وياكل لحاله والحين صار ضعيف بس نشاطه مافيه شي يغرد وعادي بس
طبعا هو ماياكل الا الحبوب مايرضى يتقبل اي اكل ثاني
استفساري بشان الضعف اللي فيه


هذه صورة النثية شريتها للذكر عشان الانتاج
من شريتها والذكر طايح فيها ضرب وبعدين وقف عن الضرب بس ولا مرة قرب اليها
ومن يشوف الذكر النثية اللي بالقفص الثاني يجن جنونه ماكأن معاه نثية
بس اشوف اليها اسبوعين تغرد
صرت اشك انها ذكر مو نثية لهذا الذكر مايقرب ناحيتها بس اللي يخليني اقول انها نثية ومتاكدة لان عندها ريش بالذيل منقط
هل هي انثى غير بالغة او ذكر ؟؟

[أتعبني غلاها]

ما شاء الله تبارك الله

الله يطرح لك البركة في طيورك

اعطيهم خلطة الثوم بالليمون و اهتم بالتغذيه الجيده واعطيهم قطعة صامولي

و باذن الله صحتهم بترجع احسن من اول بكثير

بخصوص اللي في الصوره الثالثه ممكن صوره واضححه له

و صوره للجناح من الداخل اذا كان فيها بقع دائرية فهي انثى

و اذا لا يوجد بقع دائرية ذكر

والطير باقي له شهر او شهر و نص و يدخل السنه و يجهز

تحياتي

[جوري محمد]

مشكور اخوي على الرد
الحين اكتشفت ان الفرخ اللي بالصورة الاولى معاه اسهال
هل ينفع الليمون والثوم وهو معاه اسهال
وش اعطيه من اكل وهو فرخ ينغر
بالعادة اعطية خبز منقوع بماي مع حبوب او احيانا بيض مسلوق
هل اغير له الاكل لان معاه اسهال ؟؟
اعذرني على كثرة اسألتي

[أتعبني غلاها]

ايه ينفع الثوم بالليمون معه

اذا كان ينغر اعطيه خضار مسلوقه - بيض بالبقسماط - سيريلاك

اعطيه الاكل اللي قلت لكي عليه

تحياتي