بخصوص فرخ كاسكو

[يـوســـف 2020]

السلام عليكم

عندي فرخ كاسكو هولندي عين سوداء كان اليف وفيه خوف فروخ فقط

لما كان عند راعيه قبل اشتريه كان في قفص مع مجموعة فروخ

وبعد مسكه ووضعه بالقفص وجلبه للبيت صار خايف جداً

طبعاً تركته يرتاح الحين ثلاث ايام ولكن عند تغيير الطعام الطير خايف جداً مني

الطير من يشوفني يبدأ يدور بالشبك يحاول الفرار وانا بس بغير له الالكل

ليش صار كذا مع انه كان اليف قبل شرائه؟

[the_gostman]

وعليكم السلام..

مو مشكله أخوي الكريم..هي مسألة وقت ان شاء الله وتشوف تحسن..الببغاء جديد على البيت وطبيعي يكون فيه خوف وعدم طمأنينه

حط القفص بين الاهل في غرفة المعيشه وغير له الاكل والماء ونظف القفص بنفسك..

وخلال فترة اسبوعين رح تشوف تحسن بمشيئة الله

بالتوفيق
أخوك رمزي

[ابودانه99]

وعليكم السلام ورحمة الله

عادي جداً الي يحصل معك لان الطير كان متطمن مع باقي الطيور والان منعزل ولان المكان جديد عليه , انت الان حاول انه ما احد من الصغار يضرب القفص او ياذيه , بعد ما تعطية الاكل دخل يدك عنده وقوله مثلا شاطر حبيبي يعني حسسه بلامان واذا ماتجاوب مع لاتخاصمه ولا تسحبة بالقوه لانك تعكس صوره سيئة ويسير يخاف بعدين منك , وابدا امسح راسه ,,,,والاهم من هذا كله انك لاتسحب يدك بسرعه من عنده حتى لو حاول يعضك لانه راح يعرف انك تخاف .

[عزوزالعبدالله]

طبيعي جداً المكان جديد عليه مسألة وقت ويتعود

[يـوســـف 2020]

ابشركم اخواني الطير زي ما قلتوا كان متخوف من المكان والحين يخليني احكله راسه

الله يعطيكم العافية

وش افضل طريقة اخليه يطلع على يدي لانه رافض هالشيء؟

[ابودانه99]

ما شاء الله عليك امس تحكه واليوم بتطلعه على يدك لاتستعجيل عليه حاول تفتح له الباب حق القفص من فتره لفتره لانه فضولي وبيحاول انه يخرج من القفص بنفسه اذا خرج بيكون سهل عليك تطليعه علي اليد تنبيه انتبه تطلعه والشباك مفتوح والله ماعاد تلحقه .
ولتحفيزه للخروج من القفص مثلا شيل الاكل واديه قطعه تفاح يذوفها وهي في يدك لا تعطيه بس يذوق وابدا انت ابعدها عنه واديه وصله وابعد واديه وصله الى ان تخليه يوصل الباب واديه ياكل ,,,واستمر معاه كذا فتره .

اذا طلع من القفص تصير تحط يدك قدامه واليد الثانية من الخلف حاول تظيق عليه وانت تردد شاطر او حبيبي ..هذي الكلمات خلها دايم في اوقات الحك وانت تدلعه عشان يطمنلها ويتعود عليها .

مع الوقت بتتيسر باذن الله .

[يـوســـف 2020]

الله يعطيك العافية ابو دانه .... جزاك الله خير