الحمدالله الكاسكو نطق أخيرا

[ولد الديره]

السلام عليكم

تقريبا من ثلاث اشهر ونص اشتريت الكاسكو صغير والحمدالله بديت احس بطعم الفرح والنجاح

نطق اول كلمه كوكو وثانى كلمه سلام عليكم بس كلامه مثل الطفل لما يبدى بالكلام

ساعات اسمعه يخربط بكلمات او يلاغي نفسه تقريبا مثل الطفل اذا يبدأ بالكلام الأهم انه نطق

بخلال ثلاث اشهر ونص اقول حمدالله تطورنا بس المسكله للحين يخاف منى مع انى اطلعه

من القفص واصعده على ايدى بس يخاف منى ما يخلينى امسح على راسه ولا يخلينى المسه

صابر عليه بس مليت يا شباب ودى امسح على راسه شلون ؟ بتقولون أصبر بصبر بس ودى بخطه

منكم او اقتراح عشان اكسر حاجز الخوف الى فيه الكاسكو ويخلينى امسكه بدون ما يجعر وامسح

على راسه . ومشكورين مقدما

[M CRESPO]

وديه لدكتور نفسانى يمكن يكون عنده فوبيا مسح الراس ولا حصلتله مشكله وهو صغير عقدته من اللي بيمسحوا علي الراس واحتمال انه شاف فيلم رعب =90%

[توتي]

ألف مبرووك أخوي.. حاسه وعارفه شعورك الاني جربته في كل طيوري.. شعور جميل ورائع.. والرمادي من الطيور ال ناطقه اللي كلامها يكون واضح كالانسان..

بالنسبه للخوف لازم تكسب ثقة الطير بالجلوس معه والاهتمام فيه كالطفل الصغير.. ودايما حسسه بالامان والحنان.. كلمه بهدوء من بعيد بالاول وحاول تتقرب منه شوي شوي وتجلس معاه.. ولو جعر اقعد واستحمل جعيره ولا كأنك تسمع شي.. وهو بيجعر وبيسكت بعدين وبيسمعك.. وان بينت له خوفك او انك منزعج منه راح يستغل هالنقطه فيك دايما الانه طائر ذكي جدا وحذر وخواف.. وشوي شوي قرب يدك وبدون ما تلبس قفاز الانه بيخاف منه والانه راح يتحسس يدك بلسانه.. ولو عضك لا تبعد يدك وتصارخ.. ولا بيستغل نقه ضعفك.. وامسح على رجله بهدوء وانته تكلمه.. وشوي شوي امسح على بطنه وارتفع شوي لين منقاره وخلك على هالمناطق لحد ما تحس انه الطير هداء ولمده كم يوم كرر هالشي وعلمه يركب على يدك.. وبعدين حاول تتقرب وتمسح على راسه..

وحط في بالك شي واحد انك لازم ما تترك هالاشياء وتتكررها دايما ويوميا وكثر ما تقدر وتجتهد وتصبر وصدقني راح تلقى اللي تريده..

تقرب من الطير بالاهتمام فيه عن طريق تنظيف القفص وتغيير الماء والاكل.. وراح يحس مع مرور الايام بهالاهتمام وانك انته صاحبه اللي لازم يطيعه..

والسموحه

أختك/ توتي

[Mr. MeMo]

الف مبروووك يا ولد الديره و عقبال ما نسمع جمل طويله
و اعتقد ان الاخت توتي ما قصرت عطتك الخلاصه

طبق كلام الاخت توتي و سوف تجد نتائج جيده ان شاء الله

[ولد الديره]

1. الأخت توتي
   
2. شكرا على المرور وشكرا على المعلومات المفيده .... بس أحب اخليج بالصوره معاى
   
3. انا مهتم بالكاسكو جدا من ناحية نظافة القفص والأكل مهتم جدا وأوضح للكاسكو انى مهتم
   
4. فيه وانظف ومباشره بس يا بنت العم فعلا الكاسكو خواف وخواف من قلب رغم الهدوء والدلع
   
5. الى محصله منى لدرجة ان بنت تقول شدعوى يبا ادلع الكاسكو اكثر منى
   
6. ساعات امر عنده واكلمه يطالعنى بهدوء ساعات اكمله احس مزاجه مو شى يخاف منى حيرنى
   
7. اطلعه من القفص وشارى له استاند علشان ما يمل من القفص واخليه ساعه او ساعتين عشان
   
   
   ملاحظه : الارقام ما ادرى شلون طلعت ولا اعرف شلون امسحها يعنى طاف عادى شباب
   
8. يتحرك براحه من يصعد على الستاند ما ينزل ولا يتحرك منه ابيه يطب على الارض او يتمشى
   
9. بالغرفه انسى مكانه ما يغيره اقول خله يمكن محتاج للوقت وهاذا الشى الى مخلينى صابر
   
10. لانه صغير بلعمر وصار له تقريبا ثلاث اشهر ونص عندى في البيت بس حمدالله بدى بالكلام
    
11. يقط جم كلمه مثل كوكو وسلام عليكم بس مو واضحين اتصور عشان بعده صغير بلعمر
    
12. الخطوات الى شرحتيهم عشان اقدر امسح على راسه تقريبا طبقتها بس مو بالضبط بحاول
    
13. اطبقها مثل ما تفضلتى وبشوف .
    
14. كلمت الشباب الى بالمنتدى معانا اول ما شريت الكاسكو وفادونى كثير جدا واخذت الزبده منهم
    
15. وهى الصبر ومن ثم الصبر وحمدالله صبرت ثلاث اشهر وبدى الكاسكو بالكلام نعمه حمدالله والحين
    
16. نصبر الى ما اخلى الكاسكو يدورنى عشان امسح على راسه طموح هاوى
    
17. Mr. MeMo : شكرا على مرورك والله يبارك فيك نصائحكم وتوجيهاتكم اهى اساس النجاح
    
18. فكل الشكر لك ولكل الأعضاء .

[kh200063]

الف مبروك عليك ولد الديرة وعقبال تمسح على راسه
ولكن اقول حاول اولا امسح على منقاره بشويش عند تقديم الطعام له واصبر كل يوم امسح على منقارة حتى تشفوة مايتضايق منك المس راسه بس ولكن احذر يمكن تكون له ردة فعل لا تخاف .
واذا شاف الببغاء انك لن توذيه راح يخليك تمسح على راسه .
وشكرا

[ولد الديره]

شكرا kh200063

والله يبارك فيك حقيقه انا احاول من مده امسح على راس الكاسكو بس الى عرفته من خلال

رد الكثير من الاعضاء ان الصبر هو الحل قياسا بالعمر الى ربنا وهبه لطائر الكاسكو مثل ما تعرف

ممكن يعيش لغاية 70 سنه يعنى عمر انسان فطبيعى لما يكون عندنا كاسكو اقل شى نصبر

عليه لمدة سنه خاصه ان كان صغير بالعمر مثل الى عندى وحمدالله خلال فترة ثلاث اشهر بدأ

ينطق بكم كلمه يعنى فتره ممتازه بحكم ان الكاسكو صغير بالعمر والبيت تعبر بيئه جديده عليه

حمدالله بس تدرى الفضول ساعات يخليك ودك توصل لمرحله متقدمه مع الكاسكو

وان شالله بعد مده ارجع وابشركم باخر تطورات تحصل معاى بس لا تبخلون علينا بالتوجيه

كل الشكر .

[فارس مجهول]

مبروووك الف مبروووك صبرت ونلت

[mmc260]

الف الف مبروك اخوي
واعتقد ان الشباب كفو ووفو

[قطة الأحلام]

مبروووووووووووووووووووووووووووووووووووووووك