انا تعبت وي هالذكر .. 10 اعشاش ولا فرخ !!!

[kingofbirds]

السلام عليكم .. عندي ذكر ايراني قلاب لونه كريمي بني وتعبت والله معاه .. زوجته 3 اناث بلا فائدة .. كله بيض مافي شيء .. صار له 3 شهور وياي ... اول انثى الا في الصورة :-

[IMG][/IMG]

هذي الانثى صار له معاها 7 اعشاش بدون اي فرخ ومجرد بدلته لذكر ثاني فرخت من اول عش ..

بعدها زوجته لانثى بيضاء وعشين منها بلا فايدة وكل بيض رايق وطوالي .. وهالمرة زوجته لانثى كريمي بنفسج فاتح بعد مافي فايدة .. مع العلم ان الاناث ممتازة الا هذا الذكر ماادري شنو فيه ... ان امستخسر ابيعه لان لونه جميل جداً .. شنو الحل ؟؟ واذا طيرته يرد يرجع .. كيف اخليه ما يرجع ؟؟

[un-touchable]

اذا انت من البحرين عطنى الطير و بضبطة و اذا انت من الخارج احسن شي كرة يعنى ادبحة

[ehap_ali2005]

اخى الفاضل عمليه ترويق البيض هى من اسواء الاشياء ولكن هناك حل اخير يمكنك تجربته اعطيه حقنه سيستانون بشرى تحت جلد الرقبه حوالى نصف سنتى فى اول مره وان لم يكن البيض مكبوس استخدم سنتى متر كامل بلضافه لاعطائه حبيبات الحلبه وانشاء الله ربنا يكرمك فيه وايضا قم بنتف الريش حولين فتحت الشرج مع تكسير جزء صغير من عظم الموخره لوكن بحرص وبرقه

[kingofbirds]

اخي انا من البحرين لكن انت عارف الحمام رخيص فمالي زاغر اكره مسكين ولا لي زاغر اوزع لاني في امتحانات لكن هل في واحد منكم يعرف كيفية ان اطيره بدون ما يرجع لاني بس امبي يروح في حريته .. ماامبي اكره وامبي اسوي شيء غير لان الطير عنده مشاعر وانا اراعي وبعد مالي زاغر ابر واحقن وهرار .. الحمام متوافر بشكل كبير ما يسوى تصرف عليه ..

[The Pilot]

تبيه يروح بدون مايرجع خذه معاك وانت طالع اي مشوار بعيد شوي عن البيت وفكه,,,بسيطه!!

[kingofbirds]

سويتها .. ما نفع !! جربت من 3 كيلومتر .. ما نفع .. يغيب يوم ويرجع ..

[قطرررررررررررري]

اخوى كنق السالفه ترى مو سالفة طير مايسوى وانه خلاص لطيور متوفره

انت اليوم صادفتك مع طير متوفر فالسوق بس بكره يمكن تصدافك مع طير غالي ولا طير

مايتعوض.............احسن شي الانسان يتعلم وماينظر للخساره الماديه

مافيها شي جرب الادويه

وابتعد عن سالفة الكر وسالفة تكسر لعظام مافي داعي تاذي الطير

في ابر وفيه ادويه من كل الدول واحسن شي جرب الادويه الالمانيه والبلجيكيه وابتعد عن غيرها

لانها بتكون اضمن واذا مانفع مع الطير اذا عندك جمعي خله فالجمعي مراح ياخذ مكان كبير

واذا ماعندك خله عندك واذا يوم رايح تتمشى في مكان بعيد وده وخله واذا انت لهذي الدرجه

متضايق منه عطه اي واحد تعرفه ولا ابسطها وده محل وقوله مابيه خلاص

ولاتعور راسك وايد...............في سالفه بسيطه جدا

[The Spider]

هههههههههه
اسف ما اعرف الحل

[aleksander]

يا خوي لا تفرط بالطير و خله عندك

الطير انت غالي عليه وما يريد يبعد عنك و حاول تداويه كما افضلو الشباب

والله الشافي يمكن انه يصبح بفايدة عليك

دمت بود

[الوديع]

السلام عليكم ياخوي الصراحة ماادري شو اقولك بس لازم تعرف شئ ان الحمام محد يمل منه
ياخي خله يدور في البيت وعالجه لو أنت ماتعرف طريقة العلاج في عيادات بيطريه بيعلمونك كل شئ بالتفصيل الممل بس خل عنك سالفة الطير ترميه او تكسر عظامه لانه هذا روح وحرام اذيته انا كان عندي حمام مايبيضون صبرت عليهم وعالجتم والحمد لله حصلت نتيجه المسأله بس
شوية صبر,,,,,,,,,,,,,,,,,,,, تحياتي أخوك الوديع