اتحاد لهواة الكلاب

[ZoO_LoVeR]

الي اخوانى فى المنتدى شد انتباهى موضوع المطالبه باتحاد لهواة الكلاب ...بصراحه انا واعوذ بالله من كلمه انا ..واحد من اللى سوو شو للكلاب بالكويت وقسمته الا اقسام قسم شو للكلاب الصغيرة والكبيرو وقسم الوورك وجزئته جزئين جزؤ ستشن 1 والثانى ستشن 3 .... وكان قبلها لى اتصال ومراسلات بالأيميل بينى وبين رئيس اتحاد FCI فى فرنسا بخصوص الأعتراف بالكويت وانشاء كنل ..الحمد الله قدرت كأول كويتى اييب اعتراف فينى كمصدر للبدجري للكلاب بالكويت لكن للأسف ماكنت اتوقع ان الشباب اهنى واقول الأغلبيه مو الكل اهتمامهم بالمصدر المادى اكثر من المشاركة وعدم احترامهم للمواعيد سواء التسجيل او البروفات اللى طلبتها لهم قبل الشو ..والمصيبه الكبرى انى والله اعرف بل متأكد من معلوماتى اللى خذيتها من الأتحاد انهم رافضين يعطونا الأعتراف بسبب ان ولا كويتى حصل على شهاده تحكيم اوتدريب او حتى هيلبر وهذا الكلام اكده لى الأتحاد
ولللأسف ايضا احنا اشباه هاندلرز لو بتكلم ابصراحه وحتى اللى يدربون عندنا من الشباب خذوها بالخبرة يعنى شافو غيرهم وخذو منهم ...المهم المصيبه الثانية انه وايد من اللى كانو يقولون ان جلابنا عندها ستشن 3 وغيرها اجلابهم ما اشتغلت ولو ربع ستشن من غير ذكر اشخاص معينه ..حتى قوانين ال IPO بسطناها على كثر ما نقدر وهم ما اقدرو عليها انصدمت لما حتى معناه شو مو فاهمينها عبالهم شغل السيرك اللى تعودو عليه ما اقول ان الشو كان 100 بال 100 صح كل شى فى اوله فى اخطاء لكن المشاركين اتسببو فى اذا مو اغلبها كلها يعنى بالله احنى وين ووين الأتحاد يعنى اخوانا فى البحرين اقدرو مع انه عندنا الأمكانيات اكثر منهم واهم مسجلين بالأتحاد ....اسف طولت عليكم بس خلنا انواجه واقعنا احنا ما نبى اتقدم ولا انجارى غيرنا طموحاتنا كبيرة وكثيرة لاكن مافى فعل وحتى لو صار في فعل ماكو تشجيع ترى بس هل كم سنه اللى بدت نظرت الناس تتغير عن اللى يملكون جلاب ولا قبل تستحى تطلع بجلبك
حبايبى اذا بنظل على الحال والتفكير اللى احنى فيه للحين والله ماراح نوصل ولا نتقدم لا انطالع تحت اريولنا خلنا انطالع لي جدام اتمنى فى يوم اقدر اييب الأعتراف الكامل للكويت بس من غير وقفتكم ما اقدر على شى وانا منكم وفيكم . اتمنى يكون كلامي خفيف عليكم ولحد يزعل منى

[بوعزوز]

والله الصراحه كلامك في صح ومشكور على الأهتمام و تره انا شخصيا اعرف مدربين بالأتحاد الالماني والبلجيكي و اذا على شهادات انا عندي صاحبي و انشاءالله رح يشارك في المسابقه ولديه شهاده عالميه ومعترف فيها و الكلاب الschh موجوده في الكويت وانا اعرف ناس عدل و غير معروفين هني في الكويت عندهم كلاب لا تشوف شغلهم المشكله في الكويت تشتري كلاب schh3 وما تعرف تشتغل مع الكلاب وهذا اكبر غلط لانه لازم يعرف يشغله ولا لا يشتريه.
كلامك حلو اخوي وعلى الشهادات اخوي انشاءالله رح تشوف الكويتيين مشهورين في التدريب وعلى القرييييييييييييييييييييييييييييييب حيل انشاءالله وشهادات معترف فيها في اوروبا و امريكا.
وبس بغيت ازيد تره في كلاب show وكلابwork لم تشارك في المسابقه وهي مدربه تدريب ويوجد كلب هنا في الكويت شارك في مسابقه الwusvالعالميه بس محد يعرفه ورح تطالعونه على القريب انشاء الله.
و انا كنت حاضر فيها و قولهم اصحاب (محل الحيوانات ) يعطيهم العافيه على المسابقه بس لازم مو يأجلون المسابقه ويصدمونه مره وحده .
وشاكرلك اخوي.
وشكراا

[ZoO_LoVeR]

اخوى بوعزوز مشكور على الرد بس احب اقولك انا ما اجلت المسابقه الا بسبب المتسابقين نفسهم لأن كل واحد يقول اسجل بعدين بعدين لين وصلت اخر يوم عندى 8 كلاب شو و10 وورك ويوم المسابقه يدشون على 70 كلب بعدين اخوى الكل كان عارف ان في قوانين ودرسناها على مدة 3 شهور بس الكل متعييز اى الشركة وياخذ نسخة الكل يبينى اييله للبيت واترجاه ياخذ وحتى البروفه محد ييه الكل يقول احنا واثقين لين صار اللى صار واطبعت اجلابهم وعلى فكرة انت عارف المكان اليديد لازم الجلب يشمشم والمكان ويروح ويرد فيه عشان لا يستغرب بس شقول الله كريم وانشاء الله لو بفكر اسوى شو راح يكون هناك حسابات كثيرة وانشاء الله يكونو الشباب تعلمو ولو الشى البسيط فى احترام وقت التسجيل لأن مثل اللى عنده بيت بيبنيه واللى وصله من العلم ان اللى بيسكنون 8 اشخاص وبعد ما تعب وبنى يلقى اللى بيسكنون 70 اتمنى اتكون فهمتنى ولك كل الشكر والتقدير

[بوعزوز]

اكيد اخوي اني فهمتك و مشكور على الرد وصحيح الكلاب لن تشم المكان وكان شي غريب و هذا صحيح وشاكرلك للرد بس بغيت ازيد شويه بشئن الكلاب انا انشاءالله راح اقوم بزياره بعض الاتحادات ولكن السنه الجايه بس المطلوب منه الحين انه ندرب كلابنا عدل لأنهم سوف يأتون ويرون نوع التدريب و الانتاج عندنا ولازم انشاءالله نبيض الوجه لانهم قالولي الاتحاد غير معقول ان نعطي بدقري او تاتو لكلاب ليست في ديرتنا و لكن ممكن يضيفونا لديهم و سالفه الاتحاد لازم تنشأ عن طريق احد في الكويت فقط لا غير ولكن هم لن يوافقون عليه الدول الاخري الا في ان يأتون الي ديرتنا ويرون نوع تدريبنا والانتاج ايضا مهم جداا.
شاكرلك اخوي على هذا الموضوع الحلو جداا وانشاء الله نجد شيئ.
وشكراا

[بوفهد]

يعطيكم العافيه يا شباب على النقاش الجاد هذا والمبادرات الحلوه منكم

وان شاء الله يوفقكم وييسر لكم اموركم

ودايما تذكروا (( على قدر اهل العزم تأتي العزائم ))

يعني شدوا حيلكم ومايضيع حق وراه مطالب

بالتوفيق للجميع

[بوعزوز]

مشكور يا بوفهد على التشجيع الحلو منك وشاكرلك 1000 شكر.
ويعطيك العافيه.
وشكراا

[لحن الخلود]

يعطيكم العافيه
أخواني على هذا الموضوع ونحن في أهبة الاستعداد
وأتمنى كما ذكرة في موضوع مشابه أن مانبي أحزاب نبي كل الهوات والمربون يكونون إيد وحده
وإنت يا ZoO_LoVeR تبذل مجهود ليس بقليل
والله يوفقك

[ZoO_LoVeR]

امشكورين اخوانى على التفاعل مع الموضوع احب اضيف يا اخوى بعزوز ان انا كلمت الأتحاد حبيبى اهم ماراح ايون الكويت والسبب احنا ماكو شى امسجل لنا من حكام ومدربين او هيلبر كلها محاولات شخصيه انا الحمد الله يبت الأعتراف بالبدجرى انى الحمد الله اول اكويتى يخوله من Fci اصدراها وانا عندهم امسجل رئيس اتحاد الكويت لل Kkc بس بالنسبه للنادى ماراح يكون الأعتراف كامل بالنادى الا بالشروط اللى قالوها لى اولا مكان يعنى عندنا ماكو الا تبنى ويالله عليك ولا على غيرك ماكو احد عنده استعداد يبنى ولا الحكومه بتعطى انا من خلال اتصالالتى ومعارفي خذيت رد بالنظر فى الموضوع من قبل الكويت بس بره صعبة انا عندى حتى حكم بلجيكى على مستوى عالى جدا 33 سنه بالتحكيم الدولى قالى انى اييبه عندنا عشان يعطى دروس فى كل ما يختص بالتدريب والتحكيم والهيلبر بس والله شبابنا ما يشجعون يبون كل شى على الزاهب ..مادرى شقولك ..ايد وحده ما اتصفق

[بوعزوز]

صحيح كلامك اخوي بس الي تقوله انه مرح يجون الكويت صحيح ولكن اذا فيه كينيل بالكويت و بريدز يعني انتاج زين و شهادات من الخارج راح يجون الكويت و ممكن اعرف اسم الذي حاجيته في المانيا و بلجيكا لأنه صاحبي بيروح المانيا يوم الأربعاء هذا و سوف يأخذ كورس مدته 4 أشهر لحمل السليف و سوف ياخذ شهاده رسميه انشاءالله اذا نجح بس على العموم لك هذا الأيميل وهو رئيس اتحاد المانيا و له اتصال مع رئيس اتحاد امريكه وبلجيكا لكلاب الشغل والشو و انا كلمته عن طريق الهاتف وشخصيا و انا مرح اقول الرد ليمن انته تكلمه اوكي.
akc@schaeferhunde.de
وزبدة الحجيي اخوي مرح يعطونا الي في الطرق التي قلتها و قالي روح هذا الاتحاد و الصراحه ما اعرفه Federation Cynologiye
وانشاءالله ما تتضايق من الحجي الي رح يقوله لك لأنه الكلام يعور القلب و تقدر تغير الكلام مثل ما قلت اخوي ايد وحده ما تصفق.
وشاكرلك للموضوع الشيق جداا.
وشكراا

[ZoO_LoVeR]

خوى بوعزوز اشكرك على ردك حبيبى انا ماله داعي اكلم امريكا والمانيا لأنى امراسلهم من قبل واعرف ردهم عدل حتى صاحبك اللى راح المانيا انا اعرفه اذا ماخاب ظنى اول حرف من اسمه (ح) اذا اهو الله يوقفه بس اهو ماخذها خبرة لنفسه وبالعكس اكنله كل احترام وتقدير على مجهوده انا واعوذ بالله من كلمه انا اللى قدرت عليه انى اييب اعتراف فينى كمصدر بدجري بالكويت والأتحاد اللى قلت عنه اهو اللى انا على اتصال ومراسلات بينى وبينهم دايمه طبعا مع رئيس الأتحاد نفسه وطلب مني اول مره شروط اسويها عشان يعترفون فينى انا والله بغيتها بأسم الكويت اثر الموضوع شخص بالكويت بالنسبه للنادي والبدجرى.... المهم بس المشكله اللى انا طحت فيها مو موضوع البدجرى لأني خلصت منه النادي اهو المشكله من وين اييب مبنى صعبة والحمد الله اثنو على الشغل اللى انا قمت فيه طبعا انا دزيتلهم صور واشرطه فيديو عن الأنشطه اللى قمت فيها بس الشبااااااااااااب مايبون يكملون الا اذا فيها السالفه افلوس لهم ولا شى مادرى يالله يتحركون صدقنى والله انا عشت 6 شهور على اعصابى واسأل لحن الخلود اهو يقولك التعب والمعاناة اللى انا كنت فيها حتى مؤسساتنا وشركاتنا ماعندها استعداد تدعم اي نشاط خاص بالموضوع اللى احنا نحبه يعنى مادرى دورى فى مدارس ولا كرة صابون ولا طائرة على البحر يلقون الدعم لأنهم اهم بس اللى عندهم رياضة واحنا لا مالنا رب .... اخوى والله اذا احنا حتى لو فكرنا انروح مجلس..... راح يقولون لنا استريحو والكل عارف ادرى كلامي جريء بس بالحق انا ادرى انك متحمس بس لو اتجرب اللى انا جربته راح اتغير فكرك اشوى في بعض الأمور وعلى فكرة كل الكلاب اللى عند الشباب يايه زاهبة من بره يعنى اهم مجرد يعيدون عليهم التدريب لكن ان واحد اهو درب كلبه من الصفر ما فيه لأن ما عندهم صبر على ما يكبر وعلى ما يفهم وعلى وعلى والف على .....لين صرنا على الحديدة