الورم عند الوبر

[ديناصورة]

السلام عليكم ورحمة الله وبركاته، حبيت اليوم أحط لكم تجربة حصلت معاي عن ورم الوبر،لاحظت على غنيبي من فترة إنه كان يعاني من ورم في خده الأيسر، وكان الورم كبير شوي بالنسبة لحجم خده ويابس ومتصلب، فودي إنكم تفحصون وبراتكم وتشوفون إذا كان فيهم ورم على الخد ولالا ... وتكون عادة أسباب الورم :

1- ورم عادي يروح بعد أسبوع أو أسبوعين (( مثل الحبة-الدمل )) <<< تجاهله
2- قرصة نملة أو حشرة طائرة <<< وده البيطري
3- بلع الوبر أو أكله لشي حاد <<< وده البيطري
4- سرطان <<< ما تقدر تسوي شي

وأنا طبعا اخترعت وطاح قلبي لما عرفت إن أحد أسباب ظهور الورم هو السرطان، قعدت أبجي وساحلت أمي إني أوديه البيطري، ووديناه ... وقال الطبيب إني ما اخاف والورم هو مو ورم سرطاني وقالي إنها حبة عادي، مع هذا كله ما تطمن قلبي لإن البيطري الي رحت عنده ما يعرف لكل الحيوانات فقلت آخذه لبيطري ثاني وأعرف السالفة ... في اليوم الثاني قربت عند القفص ولا لقيت دم مطشر على القفص والنشارة وعلى طوفة غرفتي، اخترعت قلت شسالفة شصار ×_×" ؟؟؟؟!!!! والريحة كريهه ... ولما قعدت أتفحص كل الوبرات ما لقيت فيهم شي إلا غينيبي لقيته هو الي ينزف وطالع منه كل هالدم، لكن شلون انتشر وطشر بهذي الطريقة ×_× !! أثاري الورم الي عليه انبط وطلع كل الي فيه والريحة كانت من الي دالخه، يعني كانت دملة والحمد لله راحت ^_____^ وغنوبة ما فيه شي الحين تمام مشالله عليه ... فودي إنكم تشوفون وبراتكم الحلوين وتشوفون إذا كان فيهم ورم ولالا وراجعوهم عند الطبيب ^_^ وانشالله ما يكون فيهم إلا كل خير، وهذي صورتين لغنوبة لما كان فيه الورم





صحيح إن الموضوع بسيط جدا، لكنه مهم لمصلحة وبراتكم وانشالله أكون أفدتكم في شي