اشترك في نشرتنا البريدية ليصلك كل جديد

نسائم الليل · 14-12-2008, 06:28 PM

مساء الخير على الجميع

بما انوا إحنا في فصل الشتاء .. وراح الشتاء يشتد في الأيام الجاية

حبيت أقدملكم عمل من يدي بسيط وحلو ومريح
.... للشانشيلا ....
بأدوات بسيطة وسهلة وما تاخذ وقت

راح نتعرف اليوم على طريقة عمل [ جحر ] حلو للشانشيلا ومميزات هذا الجحر

1- دافئ .

2- مريح .

3- جميل .

4- وسيع .

\\\ خلونا نبدأ بالعمل //

7
7
7

((( الأدوات المطلوبة واللي راح نحتاجها )))

* بطانية حجم متوسط أو أي حجم مناسب ..

* خيط سميك من الصوف

* مقص + إبرة مناسبة

* علبة حليب فارغة كبيرة الحجم [ نيدو ،، كوست ] ــ طبعاً تكون من العلب الكبيرة ------> علشان تكون مناسبة لحجم الشانشيلا

أنا جبتلكم علبة صغيرة هنا بس عشان أوريكم طريقة العمل ، بس انتوا طبعاً راح تنفذوه على علبة الحليب الكبيرة

\\ طريقة العمل //

1- نقص جزء من البطانية بشكل دائري حسب حجم العلبة من الأسف .. كما هو موضح هنا بالشكل

!
!
7

2- نقص من البطانية جزء بشكل مستطيل مناسب للعلبة لأن راح نغلفها من الخارج .. كما هو موضح هنا بالشكل

!
!
7

3- بعدين نثبت طرفي المستطيل مع بعض بخيط الصوف والإبرة .. كما هو موضح هنا بالشكل

وبعد ما ننتهي من التثبيت راح يكون شكلها كذا .. بعد ما نلبسها العلبة

4- بعدين نقلب العلبة ونخلي الأسفل باتجاه الأعلى ونجيب الدائرة اللي قصيناها قبل كذا ..

5- وبعدين نحط الدائرة على العلبة زي ما هو موضح هنا بالشكل .. عشان نثبتها مع بعض ..

6- نجيب الإبرة وخيط الصوف ونثبت الدائرة بالشكل الأسطواني داير مادار .

وبكذا نكون انتهينا من تغليف العلبة من الخارج

وبقى علينا نغلفها من الداخل كمان

وطريقة تغليفها من الداخل نفس الطريقة اللي سويناها بتغليفنا العلبة من الخارج

بس الفرق يكون في الحجم شوي أصغر لأن حجم العلبة من الخارج أكبر من الداخل

وبعد ما ننتهي من عمل التغليف الداخلي للعلبة ندخلها في داخل العلبة وراح يكون شكلها زي ما هو موضح هنا بالشكل
!
!
7

وهذا شكلها من قريب

# بعد كذا نثبت القطعة اللي بالخارج مع القطعة اللي بالداخل بالإبرة وخيط الصوف

# وهذا هو الشكل النهائي للعلبة بعد ما غلفناها من الداخل والخارج

!
!
7

وبعد كذا نثبتها في القفص بخيط الصوف والإبرة

وهذا هو شكلها النهائي بعد ما ثبتها في القفص

!
!
7

وأنا سويت جحرين

الأول // بعلبة الحليب مقفل من الأسف ومفتوح من الأمام زي اللي سويناه قبل كذا

والثاني // علبة مربعة مفتوحة من الجهتين ومغلفة من الجهتين زي ما سوينا في علبة الحليب وهذا هو شكلها

وهنا شانشلتي ( Sandy ) وهي في الجحر حقها المربع ---------> صورتها وهي نايمة

أتمنى يكون العمل عجبكم ،، وأنتظر أرائكم

تقبلوا فائق تقديري

ابو عابد · 14-12-2008, 06:37 PM

مشاء اللهـ

موضوع مميز جدا جدا جدا

وإلى الامام

**أحب جميع الحيونات · 14-12-2008, 07:34 PM

الله طريقة حلووووووووووة ماشاء الله ان شاء الله اسويها اذا شريت .... الشانشيلا ....

مشكووورة على الجهد والأبداع والى الامام مثل ماقال ابو عابد

*(الدلوعه)* · 14-12-2008, 09:03 PM

روووووووووووعهـ مرهـ حلوهـ الفكرهـ ومآآ هي مكلفهـ

يعطيكـ ألف ألف ألف عآآآآآفيهـ ^_^

ولا تحرمنآآ من جديدكـ ^_* .

نسائم الليل · 14-12-2008, 11:06 PM

إخوتي

ابو عابد .... **أحب جميع الحيوانات ... *( الدلوعة )*

أشكركم جميعاً على حضوركم وتشريفكم موضوعي

والروعة هي إطلالتكم .. وتواجدكم

والله يعطيكم ألف عافية

دمتم جميعاً بخير