ازعجتكم بس مالي غيركم

[حكايه عطر]

انا عندي قطوه بالبراز دم واحس انها ضعفت نزل وزنها احترت وش اعطيها وصف لي محلول امبي كولستين قال اني اعطيها اياه فأنا ابي استشارتكم يفيد معها والا لا طبعا هو ماجا شافها انا بس قلت له انها مع البراز دم ..

ويصلح هالمحلول اعطيه قطاوتي التعبانين اللي معهم ترجيع واسهال والا لا

والله تعبت عجزت اعرف مرضهم ..

وشي ثالث انا بترابهم شفت فيه دود هل يضر القطاوه والا لا بالرغم اني مااقدر اغير التراب لانه زراعه مو بالساهل اني اغيره اقدر اضيف عليه تراب بس

[عاشقة القطاو]

عن السؤال الاول ..هذا اسهال ..و في دوا مرة زين ,,,اسمه دسيكروبب ..و هي صورة له ..



و عن السؤال الثالث ..هذا لازم يتعالج ..تروح االبيطري يعطيها ابرة تقضي عللى الديدان او ممكن يعطيها ..بودرة تنحط مع الماي او الأكل ..و خلاص ..

[أبيــ قطـوـوهـ ..^^]

خيتوو دقيتي ع الرقم ولآ لآآ ..؟؟

طمنيني ووش صآآر .. ~ْ !!

[sisi_moon]

هالمحلول ماعررفه والله ..

بس ليش حاطه رملهم بالزراعه .. مو زيييين الله يهداااج ..

حطي الرمل داخل البيت .. حطيه في الحمام او في الممرات او زاويه بالبيت .. احسن من بررا

لان ممكن حتى الديدان جايتهم بسبب انج حاطه رملهم بالزرااعه

الدوا الي حطت صورته عشووقه اسمه دوكسيسيروب ..

واخبر انتي من الحسا سح .. ؟؟ روحي صيدليه بشاير بالمنيزله صدقيني بيفيدج واكيد بيعطيج من هالمضاد لاني ماحصلته الا عندهم .. ولما تمرض قطاوتي دايما استخدمه ويشفوون الحمدلله

ووديهم للبيطري يشيك عليهم .. على حرارتهم .. وكل شي ..

وطمنينا عنهم .

[حكايه عطر]

المنيزله بعيده عني مااقدر اروح ماعندي احد والله نفسيتي تعبت احس خلاص ماعاد اتحمل
اللي يقدر يوصله لي اعطيه اللي يبي بس على الاقل يجيه لي عند شارع الستين

امس مات واحد واليوم واحد والحين باقي خمس تعبانين وفيه وحده مررره تعبانه ووسخه من الاسهال والترجيع
اقدر انظفها والا لا اخاف انظفها تتعب ومشكلتها اعطيها دوا ماتشربه ترجعه على طول ماتقبله عادي اعطيها ابر عن الاسهال والترجيع مايضرها

واللي معها دم في البراز يعني هي معها دود بالبطن واذا عادي اعطيها محلول حق الاطفال حق الدود نصف الجرعه

[sisi_moon]

يــــــــــــاه

كم عمرهم هم ؟؟

وليتني اقدر اجيبه لج .. كان جبته والله >_<

الي متوسخه حيل .. قصي شعرهاا الي تحت الي متوسخ من الاسهال .. واخذي فوطه بلليها ماي دافي ونظفيها ابها وبعدين حطيها عند الدفايه او بمكان دافي عموما .. لاتروشينها وهي مريضه بتتعب عليج اكثرر

وماعليه عطيها الدوا حتى لو ترجعه .. لان مستحيل بترجعه كله اكيد بتبلع شي منه

والي معها دم بالبراز مو شرط هي الي معها ديدان .. لان الدم يطلع من قوه الاسهال احياانا ..

ولا تعطينها الدوا .. اخاف يضررها .. لان دوا الديدان معروف عند كل البيطيرين .. ابرر وبودر او ابر وحبووب ..

وحاولي حاولي حاولي قد ماتقدرين تودينهم البيطري .. شوفي احد من قرايبج .. سواق .. أي شي .. المهم مايروحون عليج الباقي

[حكايه عطر]

انا جبت لهم بيطري واعطاني علاجlntestidog حق الأسهال حبوب اذوبها في مويه

واعطاني فيتامين ornivita والترجيع اعطاني دوا بشري وقال اذا مافاد بعد ثلاث ايام استخدم المحلول امبي كولستين والله مدري وش اسوي احترت ...

واللي معها دم مامعها اسهال لا عادي بس لاحظت انها تجوع واذا جبت لها الأكل تجي تبي تاكل بس ماتقدر تشمه وتحاول تاكل بس ماتقدر مدري وش فيها

والله ادري اني تعبتكم بس مابيدي حيله مدري وش استخدم لهم

[sisi_moon]

لاحول ولا قوه الا بالله

تيب خلص اذا مافاد الدوا الاول اعطيهم من المحلوول ..

وياااااااارب ينفع .. بجد عورني قلبي عليهم

[josy]

اختي التراب تبع الزراعة دايما بيكون فيه دود
ولو القط عملها فوقه الدود بيزيد
وهيك صار المكان غير معقم يعني كله جراثيييييييييييم
ماالك الا انك تحطي ملح +جاز >>هاد جيبيه من البنزينة ورشي مكان الدود منه ولا تخلي قططك تقرب من نفس المكان مرة تانية

حطيلهم العلبة تبع التراب بمكان بعيد عن هاد كله

طبعا لاتحميم ولا ايشي ليطيبو ويصيرو كويسين

دواء الاسهال حق الاطفال في هاي الحالة انسب لهم بس بجرعة مخففة

ولاتطعمي حدا منهم سمك او لبن
الله يستر والله