اشترك في نشرتنا البريدية ليصلك كل جديد

نوسة · 02-03-2009, 05:53 PM

السلام عليكم

قررت ابيع طيري الكاسيكو

يمكن اشتري غيره ويمكن ماشتري اصلاا!

لكن لو شريت وش تنصحوني فيه فرخ هولندي ولا غير محجل؟

كم العمر تقريبا افضل شي؟

وش مواصفات الفرخ يعني هل يكون حركي ولا خامل؟ واذا كانت عيونه بيضة يعني من 8 اشهر إلى سنة وشوي وش مواصفاته؟

كم سعر الفرخ الغير محجل ومو مدرب يعني لا يتكلم ولا شي؟ والمدرب كم؟
كم سعر الهولندي الغير مدرب؟؟
كثير ناس تذم في الهولندي وأنه يموت بسرعة لو بشتري ايش تقترحو؟

وهاذي صور للطير الا عندي في ذا الموضوع ياليت تشوفوه وتخبروني كم يستاهل سعر؟ يعني بكم ابيعه؟؟
http://www.2zoo.com/vb/showthread.ph...C7%D3%ED%DF%E6

يهمني أعرف طيري هذا كم يستاهل سعر؟؟

هو حركي و صحته كويسة عيبه انه يجعر لأنه غير مدرب!

AmaZony · 02-03-2009, 08:04 PM

اليي اجوفه الطير حركي بالنسبة لي شجاع وذكي
واذا كان فرخ محجل او غير محجل عندي انا مايفرق
وباخذه وعمره 5 -6 شهور هذا وانا عندي خبرة فتدريب
عمر طير لي فصوره سنتين واكثر وصعب تدريبه
وعن سعره وهو غير مدرب ويجعر كثير ماعتقد انه يجيب اكثر من 800 والله يعلم

نوسة · 03-03-2009, 02:39 AM

حاليا يجعر بس لما نقرب له عند القفص تغير عن اول ما جبناه لكن بعده يجعر

مشكوور على الرد وبانتظار رأي البقية

سكر · 03-03-2009, 03:17 AM

اختي الكريمة, لو انا بمكانك ابيعه براس ماله

ادري ان الأعضاء حطموك في موضوعك الأول وشكلك طفشتي منه لكن بصراحه الطير كبير وما ادري اذا بتلقي أحد يرغب فيه او لا.

وفي كل الأحوال نزليه السوق وخلي الناس يسومونه وانتي قرري

هذا رد على جزء من استفساراتك

أما الجزء الآخر فأنصحك ما تستعجلي في الشراء حالياً

وحاولي تقرأي المواضيع المثبته وتثري حصيلتك المعرفيه بالطيور أكثر وبطرق التربية وبالغذاء والاهتمام بالصحة

ثم قبل شراءك تنظرين هل انتي مستعدة للتربية أم لا!!!
هل لديك الوقت الكافي والخبرة الكافية لتربية طائر؟
والمهم هل لديك الصبر وعدم الاستعجال في النتائج؟

اذا استطعتي الاجابه على هذه الأسئلة توكلي على الله واشتري ما يناسب وضعك المادي.

وأهم نصيحة لك ولكل من أراد شراء ببغاء أن يبحث عن دعاء السوق ويذكره عند دخوله السوق لشراء الببغاء او شراء اي شيء.

فثقي بالله الحكيم العليم انه سيوفقك لشراء طائر مناسب من كل النواحي ولن تندمي حتى لو نقصت لديك الخبرة, فالله عز وجل لا تنقص خبرته جل جلاله

تحياتي

Madrid Spirit · 03-03-2009, 04:09 AM

طيرك كبير بالعمر ما اعرف كم يجيب صراحه

برايي جيب فرخ قرابة 6 اشهر

يكون ممتاز صحيا و يتحرك و يلعب

و برازه متماسك اعزك الله

و تفقد تحت جناحه لا يكون عنده اي التهاب لا سمح الله

و ما تخاف من جعيره او عضه

بهذا العمر عضه ما يوجع ابد و جعيره خلال يوم يختفي باذن الله

اي استفسار انا حاضر

مجنون عويشق · 03-03-2009, 02:58 PM

السلام عليكم

الاخ سكر ماشاء الله ماقصر ...

اتبعي كل كلمه قالها

تحيه طيبه

سماوي الجبه · 03-03-2009, 03:04 PM

غلطان تبيعه، الا اا جايب لك سعر هذا شي ثاني، واذ بتبيعه علشان تشتري طير جاهز ومدرب مااويدك في كلامك، اصبر عليه اصبر عليه وخلك صبور، وشوف الطير ايش بيصير شي خيالي، بس انت شلك انت تبقي شي جاهز،،

princesya · 03-03-2009, 06:45 PM

من الصوور الله يسلمج يبين انه ذكي انصحج لاتبيعينه

عبود القبوط · 03-03-2009, 07:45 PM

أختي
أحسن شي تبيعينه بأي سعر
وفرخ الافريقي الايان هاذي سعره صاير بمتناول اليد
يعني من الف الى الف وخمس
وإذا بتاخذين محجل يكون أفضل بس أخذي واحد
عمره بين 4إلى 5 شهور علشان تربينه على يدك مضبووط

نوسة · 03-03-2009, 11:52 PM

ناس تقولي بيعيه وخذي اصغر وناس تقول لا تبيعيه!!

والله احترت

انا بالنسبة لي ماشوف فيه شي غير الجعير!

شكلي رح اصبر عليه شهر زيادة اذا موقف جعير رح ابيعه

بس علموني شلون الطريقة .. لا تقولو حطيه فوق مترين وما دري وشو انا قريت كل شي وطبقته ما عتقد ان الطريقة الصحيحة هي حطوه فوق ويطالعكم!

اتوقع الأغلبية ما ربو كاسيكو مصيود مو مدرب من قبل لأن الكل ينصحني ابيعه واخذ مدرب لكن ولا احد ذكر طريقة تدريبه عشان يوقف الجعير!