قربت تول

[أم صوفي]

السلام عليكم

كيفكم ..؟

بستي قربت تولد لــكـــن

<< الله يعين ع اللي بعد لكن مو عارفه تعبر

مدري وين اخليها تولد

بالذات انوا اهلي فاضحيني ع ولادتها ..

أنا قلت أبي اخليها بغرفتي قالوا لا بتصير غرفتك وصخه ومدرري شنوو

المهم

اللي قد ولدت عنده قطوه يعطيني كل النصايح اللي تعرفونها لأن أول مره تولد عندي بسه

انطركم ..

[آنـــــو]

عـ البركهـ

عادي تقدرين تخلينها تولد بغرفتك بس لازم تكون دافيه ،، لأن المواليد ماعندهم حراره بجسمهم أو مايقاومون البرد مثل الكبار ..

وبرضو تقدرين تخلينهم الى أسبوعين أو ثلاث أسابيع من عمرهم لأنهم بيكونون يزحفون ومايبتعدون عن مكانهم ولا يوسخون ..

أما بعمر الشهر وبعده مابتوقع تستحملينهم بغرفتك يبدون يوسخون ويتبرزون وياكلون ويتعدون مكانهم بالعربي يتشاغبون ويجننونك ..

والله يسهل عليها

[sisi_moon]

شوفي حبوبه

اختاري مكان عندكم بالبيت هادي وداافي

وحطيه في كرتونه مسكرره من فوق ( بس تكون القطعه الي فوق تقدرين تشيلينها وقت ماتبين يعني قصييها وحطيهاا بس كذا ) .. بس فتحه من جنب عشان القطوه تدخل وتطلع

وفرشيه من داخل بمفرش او فوطه اهم شي يكون ناعم ودافي وبنفس الوقت يمتص

وعلامات الولاده بتشوفينها تتحرك من مكان لمكان بتوووترر وموااء عالي وبعضهم يلهثوون

واخر شي ينزل منها ماي ابيض .. اذا نزل الماي يعني شوي وبيطلع الكيتين ^^

المهم من تشوفين علامات الولاده دخليها بالكرتوون .. واذا استلزم شيلي الغطا الي فوق

انا قلت لج خلي الغطا الي فوق متحرك عشان وقت الازمات لما مثلا القطوه ماتقص الحبل السري او شي من كذا

المهم بتولد بالكرتون ان شاءالله .. طول مانتي معها راقبيها واذا طلعتي عنها خلي احد يراقبها عن تولد برا الكرتون وتوسخ الدنيا

في حاله .. ان القطوه ماقطعت الحبل السري او مافتحت الغشاء الابيض الي يكون عالمولود اول مايطلع من الام

بطرق صبعج اضغطي بكل خفه عالغشاء وبينفتح ( اضغطي عند الوجه عشان يتنفس ومايختنق ) وبعدين شيليه كله

والحبل السري لو ماقطعته الام ابعدي مسافه صبعين وقصيه بالمقص

و أكلي الام المشيمه لانها مفيييييييده .. وطبعا بتكوني قبل هذا كله لابسه قفاز طبي ^^

وبس خلي الام مع عيالها يرتاحون ويرضعون

وبنفس اليوم بس بعد ساعات من الولاده غيري الكرتون .. جيبي وااحد ثاني ويكون مفروش طبعا

وكل يوم غيري الفرش

يعني خلي عندج 3 وغسليهم وعقميهم على طووول

وغذي الام عدل . والعيال مرتين بالاسبوع عرضيهم للشمس بس وقت ماتكون خفت يعني قريب العصر

لان اذا خليتيهم دايم بمكان مكتوم ورطب راح يكونون عرضه للفطريات

والشمس تقي من الامراض الجلديه ، خصوصا ان مناعه الصغار ضعييييفه يعني مفيده لهم حيل

وعاد حووسه لو صادتهم فطريات لان صعب تعزلين المصاب وهو توه رضيع بأول ايامه

ونصيحه .. خلي المضاد بيتاموكس عندج قبل ماتولد الام

لان لو لا سمح الله مرض علييج واحد فجاه وشفتيه يستفرغ ويصرخ من الالم .. اعطيه نقطتين بفمه

البيتاموكس هو بوودر .. يعني لاتخلطينه على طول لان خمس ايام من بعد الخلط ويخرب .. بس خل يعلمج البيطري المقياس بالضبط كم ووقت مايمرض احد خلطيه ^^

وبس هذا أهم شي .

واذا التبس عليج شي او حابه تعرفين شي ثاني اسالي ^^

[أم صوفي]

يسسسسسسسلمووووو حبايبي

لكن مدري حوسه

لأن هي احتمال تولد حوالي 3 / 3 او بكم يوم

والأيام هذى عندي اختبار دبلوم ووو تسجيل مواد كليه << يعني سالفه

واهلي فاضحيني يعني محد يبي ينتبه لها

افكر اخليها عند احد بس مشكله مدري منو يبي يستحمل

،،،

الشي الــ2 اليوم لحظتها وانتوا بكرامه تسهل .. ايش االسبب ..؟

[sisi_moon]

ماعلييييه

خليتها تولد بغرفتج وان شاءالله تتسهل ولادتهاا

لاتنقلينها بيت ثاني .. راح تتعسر بالولاده لانها مو متعوده عالبيت الجديد

وانها تسهل عاادي يمكن ماكله شي او من البرد

عادي لاتخافيين .. اعطيها كابتين وبيخف ان شاءالله ^^

[أم صوفي]

مشكوره حبيبتي

جزاكـ ربي كل خير