ممكن سؤال بسيط !!

[nobody-know-me]

ادري اذيتكم هاليومين بس تحملوني ..

شيري لما ينامو البيبيات تطلع من غرفتها و تجيني لغرفتي ..

و توقف قدامي و ميااو ميااو ..

مثل الي تبي شي لكن شنو هو مدري صراحه ..

اليوم نفس الحركه صارت جات عندي و لفت لفتين بالغرفه و طالعت يمين و يسار بعدين رجعت غرفتها حق عيالها ..

اشوي الا اسمع صوت بيبي يصيح و صوته كل شوي يعلى ..

الف راسي الا اشوفها جايه و حاملته بفمها و تحطه عندي ..

قمت اخذتها و اخذته و وديتهم غرفتهم بسرعه ..

فــــ مدري وش السالفه !!

ولا ادري وش اسوي لها لين جاتني !!

ولا فاهم وش تبي صراحه وشنو المقصود من البيبي الي جابته !!

[كوكي]

ههههههههه

تدري اول ما قريت بتجيك الغرفه و تقول مياو مياو

قلت تبيك تجيب الصغار لغرفتك

بس انت كملت و قلت هي جابتها لغرفتك

هي تبغى تغير الغرفه يمكن لان جو الغرفه مو امن او بارد او شئ كذا

[ايطاليستا]

ههههههههههههه
كيوت خالص قطتك دى
خليها تحطهم عندك فالاوضه يمكن هى عايزة تبقى جنبك وفنفس الوقت ما تسيب عيالها
او الاوضه التانيه برد او خايه عليهم فيها
انقلهم عندك وشوف هتعمل ايه

[nobody-know-me]

امااااا .. !!

تبيني اجيبها هي و عيالها و عدتها و بيتها و بوكس رملها و اكلها و كل شي عندي هناااا !!

عشان 24 ساعه مياو مياو و آءءءءءءءءآ و ئئئئآآئآآئآئئ و مدري شنو ..

عشان اجلس بكرا و انا صاير دجاجه بينهم ..

غرفتهم دافيه و جوها اوكيه و نظيفه و دايم افتح الشباك الصباح فيها عشان تضربها الشمس و تغير جوها ..

ف مدري ..

بس يجوز و الله تبيني انقل عفشهم معي هنا ..

ع كل حال مشكورين و الله - كوكي + ايطاليستا - ماقصرتوا

[ايطاليستا]

ههههههههههههههههههه
الست هانم امرت بكدة بقى هتعمل ايه
معلش ريحها وهات حاجتها عندك فالاوضه
اما تشوف اخرتها ايه مع شيرى
ربنا يخليهالك يا رب

[sisi_moon]

اي عادي طبيعي

موني بعد رقت عيالها بغرفتي بس نزلتهم

.. ودامك شايف ان غرفتهم آمنه واريح

خليهم هنااك ..

واذا جابتهم عندك تحت السرير او شي .. يعني تبي تحط عيالها بمكان مظلم

فـ جيب لها كرتونه مغطيه من فوووق وافتحها من الجنب

واذا انت مسوي كذا .. خلللص .. سكر الغرفه عليهم

لان مردها بتيأس وبتخليهم بمكانهم

بس بعد دقق في الغرفه اكثر وفي جوها

موني مرت عليها فتره كل تجيب عيالها بالصاله .. والصاله بارده

عرفت انها جايبتهم عشان الجو .. لان ماكنت اشغل لهم المكيف

فـ رحت شغلت لها المكيف وقصرررت عليه ورفعته ماخليته موجه عليهم وركدت

[nobody-know-me]

اي غرفتهم اريح لهم ..

انا ساكن لحالي بشقه و حاطهم بغرفه لحالهم و كل شي موفر لهم هناك ..

والكرتونه مسكره من كل مكان و مخلي لها فتحه تدخل و تطلع منها ..

ايه مسكر الغرفه عليهم بس انا قلت يمكن خايفه او متملله و تبيني اكون يمهم ..

باقي موضوع الجو ، بشوف موضوعه اكثر و اكثر ..

ثانكس sisi ..

[آنـــــو]

ماشاءالله عليها مبين أنها ذكيه ومتعلقه فيك كثير

المشاركة الأصلية كتبت بواسطة ايطاليستا

ههههههههههههه
كيوت خالص قطتك دى
خليها تحطهم عندك فالاوضه يمكن هى عايزة تبقى جنبك وفنفس الوقت ما تسيب عيالها
او الاوضه التانيه برد او خايه عليهم فيها
انقلهم عندك وشوف هتعمل ايه

أنا كلامي مثل كلام أختي ايطاليستا ..

يمكن متملله بروحها .. أو متوتره ومبتلشه بأولادها لأنها جديده بعالم الأمومه وتبيك بجنبها حتى ترتاح وتطمن وتساعدها وكذا..

[أم صوفي]

عادي ماعلمتك صوفي ايش سوت

ماجيت الا وهي حاطتهم داخل دولاب ملابسي

قمت وشلت الملابس وحطيت لها ملحف الين صار عمرهم شهر وطلعتهم

مع انوا المكان اللي كانت فيه مزين لها

الله يعينكـ

[sisi_moon]

المشاركة الأصلية كتبت بواسطة nobody-know-me

اي غرفتهم اريح لهم ..

انا ساكن لحالي بشقه و حاطهم بغرفه لحالهم و كل شي موفر لهم هناك ..

والكرتونه مسكره من كل مكان و مخلي لها فتحه تدخل و تطلع منها ..

ايه مسكر الغرفه عليهم بس انا قلت يمكن خايفه او متملله و تبيني اكون يمهم ..

باقي موضوع الجو ، بشوف موضوعه اكثر و اكثر ..

ثانكس sisi ..

ايوا خلص أجل .. انا شفتك كاتب ان كل نص ساعه او ساعه تروح لهم

فـ خلص خليهم بمكانهم وروح لهم كل شوي و اخذ شيري بحظنك ودلعها شوووي .. واجلس مع عيالها .. وبتتطمن اكثر هي