راحت طيوري

[صوغة]

السلام عليكم

اطرح عليكم هالموضوع يمكن احد يستفيد منه

للاسف راحت طيوري ذكرين وخمس اناث ماتوا

والسبب ؟

كان عندي زوجين وشريت قفص كيير جدا وجمعتهم فيه وجاتني هدية ذكر و3 اناث وحطيتهم بالقفص الكبير مع البقية وزودت العشوش

يعني صار بالقفص 4 ذكور وخمس اناث و7 عشوش

لكن من اليوم الثاني الكل صار خامل ونايم ولا ينفع فيه تحريك وكل ماحركته يتحرك شوي ويرجع ينام مع انهم كانوا يجن جنونهم اذا احد قرب من القفص

اخذتهم لطبيب قالي فيهم الفاش وهذه قطرة حطيتها نقطة على الرقبه ونقطة تحت كل جناح

وبالفعل هذا الي سويته لكن زاد خمولهم وانتفش ريشهم كانه شوك منظر يعور القلب ومخيف

رجعتهم لطبيب اخر قالي مافيهم فاش وعمل لهم تحاليل وقال فيهم طفيليات وهذه بودرة حطي منها بماء الشرب بمقادير معينه لمده اربعة ايام

وهذا الي حصل عطشتهم طول الليل واحط لهم العلاج النهار ومع اني اشوفهم يشربون لكن مافيه فايدة زاد الخمول وينامون وروسهم تحت اجنحتهم

ولكن للاسف سويت الي اقدر عليه ومافيه فايدة

واللحين عندي زوج بقفص لوحدهم والحمدلله صحتهم زينه وبنوا عش وزوج اخر كانوا قمة بالنشاط لكن الانثى تدهورت وصارت نوم وخمول ونفش ريش وعزلتها عن الذكر


مدري وش السبب مع انه مراعيتهم ومعتنية فيهم وانظف الاقفاص كل صباح ومعنا بالبيت بشرفة داخليه كلها نباتات كانها حديقة وجو معتدل وافتح الشباك نص ساعة الصباح الباكر لكن هذا اللي صار وهذا نصيبهم ونصيبي

اتمنى ما اطلت عليكم ...


هذه صوره لاقفص قبل لايموتون