بليز مشكلتي مو بس طيب مشكلتي الرمادي

[مشكلتي طيب]

السلام عليكم في البداية اشكر كل القائميين على هذا المنتدى الرائع حقا


حبيت اخذ رائيكم


قبل اسبوع اشتريت ببغاء رمادي يقول البائع عمر سنة وشهر مدري شهرين المهم

يوم جبته يطلع صوت ومعصب ومايبي احد يجيه شئ طبيعي بعد يومين الببغاء تغير ماشاء الله صار عاقل بس المشكلة ما يتكلم ولا يصفر ولا يجعر ولا سمعت منه كلمه وحده والله اني شاك انه اطرم يعني ما يتكلم خالص ياكل من يدي وصار ما يعض ابد ويمزح ماعي بس ما هو راضي يتكلم نهائيا وهذا شئ مو طبيعي ابد ويخاف مني لمسحت على راسه بس ما يعض ابد واحيانا ينتف ريشه غير حطيتله زيت زيتون بس ما في فايده

المهم جاتني فكره قلت اجيبله طير يغرد ويصفر يمكن يعلمه وش رأيكم وش تنصووحني اشتريله طير كناري ولا طيور الحب ولا ايه ولا اشتري ببغاء يصفر ويتكلم علشان يعلمه

والله محتار جدا اتمنى ان اجد ضالتي في هذا المنتدى

وهذه صورته متعبني وايد
انا اسف ما اعرف كيف انزل الصور
[IMG]الصورة[/IMG]

[dodiabi]

لا تشتري طير ولا شي أذا شريت طير ما راح يتكلم أنت أصبر وتقرب منه أكثر بعدين لو شريت طير بيصير يصفر مثل الطير و بعدين غني ياليل ما طولك

[مشكلتي طيب]

شكرا على الرد الله يعطيك العافية


بس تصدق انا مليت والله ما صارلي اسبوع مشتريه بس شكلي افكر ابيعه واشتري ببغاء

يتكلم ويغرد ويصفر لاني بصراحة ما عندي خبره في التدريب على فكره


ابي احسن نوع ببغاء يتكلم بوضوح يعني اشتريه ورايح راسي

شكرا لك مره اخرى

بالتوفيق

[_بو كندر_]

السلام عليكم

بصراحة اكبر غلط انك تشتري طير يغرد عشان طيرك يتعلم منة

لانا الكاسكو الي يصفر مومرغوب لانا الكاسكو اذاصفر يصير مزعج جدااا

واذا على كلامك انا الطير ما يعض ولا يجاعر اذاً هذا الطير هادي ممتاز ولا تفكر تغيرة

انا اقول اصبر علية وانشالله انة راح يتكلم

[yasert]

اخوي انت من اي منطقة
واذا بغيت تبيع الطير انا اشتريه

[رحال الشرقية]

بالعكس طيرك ممتاز وانا اوافق الشباب
خلة يتعلم منك وخل عنك التصفير والازعاج
الله يخلية لك يارب
تحياتي لك

[عاشقة الطيور]

وعليكم السلام ورحمة الله وبركاته

اخوي لتستعيل ولا شي .. ومدة اسبوع مده قصــــيره جدا

انتظر لما يتأقلم الطير على البيت وراح اجوفه يصفر ويطلع اصوات .. ونصيحه مني لك تحمل تحمل تفكر تبيعه نادرا ماتحصل طير مثل مواصفات طيرك .. انت اصبر وبجوف النتيجه بعد مايتأقلم الطير على البيت

[بو ناصر]

السلام عليكم عليكم ورحمة الله وبركاته

اخي الكريم اسبوع واحد لايكفي لتعلم الطائر الكلام لكني مستغرب من شي يومين وصار اليف

اريد منك اخي الكريم اولا ملاحظة نشاطة في القفص

وثانيا مثل ماقالوا الشباب من غير المستحب الاتيان بطائر اخر بجانبة فسيميل الى التغريد وسيميل الى التودد الى الطائر ايضا اكثر منك

ثالثا حاول وضعه في مكان مرتفع عن الارض قليلا حتى يشعر بالاطمئنان وحاول دائما ملاطفتة والتودد اليه

رابعا ابدأ بتعليمة اسمه اولا ويفضل اسم بسيط وسهل وبصوت واضح وعالي نسبيا

بالنسبة الى المسح على الراس لاتستعجل فلم يتأقلم مع الوضع حتى الان

واتبع نصائح الاخوان ايضا بعدم بيعة اذا لان مواصفاتة ممتازة ولا يحتاج منك الا الصبر

[dede]

اخوي هنيئا لك بهذا الطاير ما شاء الله

انا الكاسكو حقي لي تقريبا 6 اشهر ولا راضي يطلع على يدي بس اذا اتكرم يعطيني راسو

بس يصفر و يتكلم كم كلمة وعمرو 3 سنوات

قم اصبر عليه شويه ... و غالبية الطيور ( مثل الكناري ) ما تغرد الا بعد كم اسبوع و في الضحى اكثر شيء

وان شاء الله يعقل و يصفر و يتكلم كمان

[مشكلتي طيب]

اشكركم بحرارة اولا

على الرد على الموضوع


والله ياجماعة انتم ما شفتوه هذا ممل


اسبوع وصار وليف لا لا لا هذا خواف بس صار ياكل من يدي وما يطلع صوت ابدا


المهم اذا صار شئ جديد ابلغكم

طيب ما يصير ااكله فلفل هندي حار يقولون يتكلم على طول صح