شريت جوز انجليزي ولكن!!!

[آيس موكا]

السلام عليكم ورحمة الله وبركاته

اليوم دخلت محل لقيت عنده انوااااااااااع واشكال

لكن اللي شدني شيين

الاول زوج عادي لكن معاه حوالي 5 بيضات وراعي المحل قال لي عشان اكون صريح معك وما اكون غاشك البيض اللي بالعش مو من هذا الذكر من نفس الانثى بس من ذكر ثاني مو هذا ((لكن اشوف الذكر والانثى جدا متوالفين حتى اذا طلعت الانثى من العش الذكر يرجعها للعش ويأكلها وكل شي!!))

سعره 400 ريال

وفيه زوج انجليزي بس بدون بيض لكن الانثى تدخل العش كثير صراحه اعجبتني وحمستني وسعرهم 450 ريال

انا احترت بين الاثنين هذولي صراحه لكن قلت بما ان ماعندي انجليزي بجربه وشريت الانجليزي

راعي المحل ماقصر قال ماودي انصحك بشي ومايعجبك بعدين تقول غشيتني انا علمتك كل شي وكل المزايا والعيوب وانت براحتك فكر حتى لو شريت وغيرت رايك تعال وارجعهم ماعندك مشكله

توكلت على الله وشريت الانجليزي

لكن تفاجأت!!!!

لما رجعت البيت وجلس اطالعهم واتمقل فيهم على رواقه لاحظت ان ذيل الذكر مقطوع او يعني فيه عيب

صراحه انصدمت

اووووول شي ابي اعرف سعر الزوج الانجليزي بالعاده كم؟؟ يعني هل السعر اللي شريته مناسب؟؟

ثانيا العيب اللي بالصوره الحين بوريكم اياه هل هو مرض؟؟ ولا عادي يعني ممكن احد وهو شايل الطير بالغلط قطع الذيل ويرجع ينبت جديد بعدين؟؟ وهل هو عيب خطير ولا عادي مايضر؟؟

ثالثا ياليت تعطوني خبر هل الزوج حلو ويستاهل سعره؟؟ قلت لكم صراحه شدتني الانثى انها تدخل العش كثير لكن اللي صدمني الذكر والذيل حقه

عطوني رايكم تكفون بدون مجاملات كاني ملعوب علي رحت بكره ورجعته انا قلت بشاوركم واشوف ارجعه ولا لا هل 450 ريال كويسه ولا كثيره عليه؟؟

وهذي الصور

هذا الجوز







وهذي الانثى بالعش



هذا الذكر ((مدري ليش ابدا ما ارتحت له))







هذا هو وباين الانثى بالعش وراه



هذي صورة الذيل المقطوع



وهذا الفرق بين الذيلين شوفوها



هذي هي الصور واتمنى تعطوني رايكم باسرع وقت اذا الجوز حلو وممكن يجيبون انتاج طيب و450 ريال مناسبه لهم يبقى تمااام

واذا المبلغ غالي ومايسوون هالمبلغ علموني ابدلهم واذا مسأله الذيل الخربان يسبب مشكله كبيره برجعهم

يعطيكم العافيه

[عاشق الطيور a t]

اخوووووووووووووي كلووووووووووووة تمام بس السعر شوي قليل غااااااااااالي


لكن الذكر ذيلة طبيعي


وبصراااااحة الظاهر ان انتاجهم قريب وجاااااهزين بالتوفيق ياقمر

[mostafa_rivaldo]

.زوج جميل و جاهز للانتاج

[آيس موكا]

يعني تنصحوني اخليهم ما ارجعهم؟؟؟؟

مدري انا شفت الذكر وخفت

لقيت زوج الوانهم مره روعه ونظيفيييييين بس ب550

يقول ترا كلهم نفس الشي بس هذا جملته علي غالي فا ماقدر ابيعه باقل من 550 لكن كلهم نفس الجوده على كلامه

المهم يعني ما ارجعه يعني ممتازين اخليهم؟؟ هو قالي بإذن الله شهر بالكثير وتشوف بيضهم ومادري خايف من الذكر لما شفته

ابي الخبر الاكييييييد تكفون بدون مجاملات اذا كويسين خليتهم واذا مو كويسين رجعتهم لأنه قال لي اذا ماعجبوك رجعهم

[im-alone]

الطيور جميله ..

وعن الذكر ما عليك منه اهم شي ينتج .. (( الفروخ اهم واحلى )) خخخ

اذا ذيله مقطوع ان شاء الله الفرخ افضل .. بما انهم جاهزين للانتاج مثل ما قالوا الاخوان ..

واذا ما انتج رجعه لانه قد يكون الذكر كبير بالسن اشوفه شيبه .. ههه
http://www.2zoo.com/vb/showthread.php?t=99353

تقبل مروري وبالتوفيق ..

[رعوود]

اخوي آيس موكا

زوج رائع وجميل وباذن الله ينتجلك قريب

بالنسبه للسعر اشوفه عادي مقارنة باسعار الاسترالي

اما سالفة ذيل الذكر فلا تخاف ما تأثر

كل اللي يبيلك تعتني بالتغذية المتنوعة

وكمان لمن يخف البرد تقدم لهم حمام

وراح يرجع يترتب الريش باذن الله

موفق

[آيس موكا]

شوركم وهداية الله بخليهم والله يرزقنا

انا ماخققني فيهم الا ان الانثى تدخل العش حتى الذكر احيانا يدخل العش

وانا شايلهم هم كلهم كانوا داخل العش هههههههه جاني واحد قال تبيع؟ قلت توني شاريهم والله

طيب الحين لو ان شاء الله بيضوا كم تسوا؟؟

لان صاحب المحل قال خل تفرخ وصدقني تجيب لك مبلغ كويس

(انا بيني وبينكم مافكرت ابيعهم ولا علي من السعر بس ودي اعرف كلامه صحيح ولا لا لأني ماحب احد يلعب علي ههههههههههههه)

[A___L___X]

اخوي العش ضغير بالنسبه للبادجي الانجليزي

او يمكن كبير بس مو مبين ياريت صور اوضح للعش

[آيس موكا]

المشكله اني مخليهم ببيت خويي ههههههههههههه وبيته بعيد الليله ان شاء الله بروح له واصور لك العش واوريك

بس الانثى تدخل العش كثير عادي وتجلس فيه يعني احس لو صغير مابتدخل!!

وحتى بالمحل كل البادجيات الانجليزيات اشوف اعشاشهم كذا

[xkiller]

زوج رائع و جاهز و أنصحك أخي بعدم إرجاعه لأن إنتاجه مضمون.أما بخصوص الذيل فهو ينبت بعد قطعه.و قد كان لي ذكر أردت إمساكه بيدي فإنقطع ذيله و حزنت عليه كثيرا.و في أقل من شهر بدأ ينبت من جديد