اول مشاركة ... :) الهمستر عندي قاتل يا مقتول

[maa]

السلام عليكم...
سمعو القصة وعطوناالتفسير أو الحل

شريت همستر سمعت عن مربين له وشفت له صور فعجبني
حلو !
المهم شريته وشريت القفص طبعا شسويت فيه حطيته بالقفص هههههه
بعد ما حطيته راح للبيت وكل يوم كان يجمع نشارة الخشب ويحطها بالبيت مع انه البيت انترس بس كل يوم يسويا (صارلي خمس ايام)
وهوا على طول بالبيت يطلع اوقات (يقزرها) ويعطيك سكب لوول ياكل يشرب ماي اذا حاولت تدخل ايدك يقرب منها واذا بتمسكه ينحاش
يعني سمعت انه يلعبون مع الهمستر ويشيلونه بس عندي المحترم سكب
سمعت انه تخليه يعضك لانه يفكر الجلد اكل بعدين يتعود (صح ؟) (انا جربت بس بعازل عض الصبع بس مبين عضته قشره (قوية) )
وطبعا المشكلة الثانية
المحترم ما يلعب الدوارة او الارجوحه او شسمه
يعني اوقات ودي اطلعه وصكه طراقات
<<<<<<<<<<<<<< لوول عقله عقل همستر

((( الهمستر الي عندي روسي ))
((( كتبت باللغة العامية لانه شفت المنتدى على هذا النمط يعني راح تفهمون علي (نقطة) (.) )))

الى اللقاء يا اصدقاء

[shanti]

المكان جديد بالنسبه له ويحتاج الوقت للتاقلم والتعود على بيته واصحابه الجدد فلا تقلق
الوقت والصبر هو العلاج

[maa]

شكرا للرد اخي شانتاي
-----------
سؤال مهم :
في تغير النشارة(تنضيف القفص) الاسبوعي هل النشارة في بيت الهمستر اغيرها كذلك!؟
------

مع القاء ....

[رعوود]

اخوي بالنسبه لسؤال عن التنظيف


نعم تغير النشارة

بس انتبه

اذا كان الهامستر مخزن اكل داخل البيت

لازم تشيل الاكل وبعدين ترمي النشارة الموجوده

وتحط نشارة جديده وترجع الاكل مره ثانيه


والا اذا نظفته وقطيت الاكل الي داخل

راح يجي للهامسترز احباط

[maa]

شكرا اخوي (رعوود)
بيه شقى الهمستر في رفع النشارة كل يروح يستاهل

يا جماعة الهمستر الي عندي نفس الي عندكم !!
عندي متوحش لوول
سريع القضب
اول ما يقوم يعض اي شي حتى البلاستك عاضه (الممر ، المأكل ،..ألخ)
مليون مره حاولت امسكه يهرب ويحاول يعض
ويطلع صوت (بغيض ) ينرفز اذا حاولت امسكه

انا اول ما اخترته (من المحل) كان في الهمستر السوري وكان هادي مو مثل الروسي وخصوصا هذا


الى اللقاء يا اصحاب

[رعوود]

اخوي

عادي

انا عندي نفس الشي


بس انت حط له قطع خشب

عشان يبرد اسنانه فيها

بدال ما يخرب بالقفص


واي سؤال انا متواجد دائنا عالماسن والمنتدى

[Withered Rose]

دايماً جذي الهامسترات اليدد و خصوصاً إذا شريتهم من عند المحلات و مو متعودين على الإنسان بعد.. بس كلها أيام و أحيانا ساعات و يتعود الهامستر .. و مرحبا فيك maa بمنتديات توزوو و نتمنى لك أوقات سعيده

يجمع نشارة الخشب ويحطها بالبيت مع انه البيت انترس بس كل يوم يسويا

سلوك طبيعي خصوصاً بفترة الجو البارد

اذا حاولت تدخل ايدك يقرب منها واذا بتمسكه ينحاش

موضوع راح يفيدك
كيف تجعل الهامستر صديقك
http://www.2zoo.com/vb/showthread.php?t=6977

المحترم ما يلعب الدوارة او الارجوحه او شسمه

يمكن اهو يلعب و يدور فيها بالليل و إنت ما لاحظته إذا ما لعب جيك عليها ممكن تكون معلقه ولا ما تدور عدل ساعات تصير هالمشكله ..

[maa]

رعود
شكرا من جديد

الاخت Withered Rose
شكرا للرد وعلى الترحيب
-----------
كنت اعتقد ان الهمستر لطيف من طبيعته بس طلع يبيله ترويض
تركته يعض صبعي اكثر من مره اول شي خفيف بعدين صار اقوى طبعا مكان العضات تشلع الجلد وشوي طلع دم .

واهو شكله غشيم لأنه حاولت الفت (الدواره) دخل فيها مرتين لعب شوي ثواني وطلع يعني شكله توه يتعلم

وان شاء الله راح ايبله نثيه

تحياتي وشكرا للمعلومات وان شاء الله لمن اروضه اخبركم

الى لقاء قريب

[صاحبة وفا]

عشان جي دوم أفضل السوري الكبير من الروسي

لان السوري تقدر تمسكه وتشله بأيدك والروسي لازم يتعود عليك

عند روسيين تعودو يعني يركبون بايدي واشلهم وامسحهم وماينحاشون يعني العب فيهم لعبه لووووووووول اسولف .. بالمعنى عادي ارفعه بايدي الثانية وجي ..

اما عن الدوراة الله يعينك من يتعود على القفص 24 ساعه على الدوارة وصرير الدوارة حشر البيت

قفصين فيهم دوارة ويطلع صرير والصوات واصل فوق ههههههههههههههههههههههههههههه

[صاحبة وفا]

الحين لاتحاول تمسكه بس عطه من ايدك اكل وقبل لاتبطل قفص سو صوت معين مثل طقه خفيفه عالباب او صوت بلحجك .. لان راح يعرف وقت الاكل وراح يطلع ..

أنا جذي بدايتي معاهم كانو راقدين فالانفاق اقرب الاكل من فتحة النفق ويشمه واطلع له صوت
وبجذي عرف .. كل ماطلع صوت على طول يطلعون من النفق ويتجمعون عند الباب وأأكلهم بيدي
خله دوم يشم ايدك وعطه اكل بيدك ( مثلا جزر خس خيار قرنبيط بس لاتكثر ) وراح على طول تلاحظه حط ايده على ايدك عشان يركب وياخذ الاكل ^^