اشترك في نشرتنا البريدية ليصلك كل جديد

~~عروس الجليل~~ · 28-04-2009, 04:47 PM

غدا الاربعاء الموافق 29.4.2009
بيصادف..

عيد الاستقلال ال 61 لدولة اسرائيل !
بس يعرف العالم انو يوم استقلالهن هو يوم نكبتنا,

الذكرى ال 61 للنكبة!

فلنحني رؤوسنا اجلال واكبار لشهدائنا اللي عطرو بدمهن تراب وطنا الغالي!!

النكبة عام 1948:
هي الاشي الوحيد اللي ضل للفلسطينيين من بقايا الوطن,
اللي شُرد اهله ودُنست مقدساته واستوطنه غاصب محتل..

مش ممكن ايا انسان فلسطيني انو ينسى شو صار سنة 1948,,
من ترحيل وتهجير وتدمير قرى ومدن فلسطينية..
وقتل اطفال ورجال ونساء..

شعب مشرد بين الاردن وسوريا ولبنان وبائي دول العالم..
شعب اللي عم بيئول : "لن ابقى لاجئ .. سأعود!!"
سأعود للذكريات..
حيفا ويافا وكروم الزيتون في الجليل..

عرب 48:
الفلسطينيين اللي تمسكو بأرضهن ووطنهن..
ووقعو تحت السيطرة والحكم الاسرائيلي,
بعد حرب النكبة عام 1948!!
وبحكم انعزال عرب 48 عن المجتمع الفلسطيني والمجتمع العربي..
اصبح عرضة لطرق ومحاولات التعايش والتذويب وسلب الهوية..
بس ما رح ننسى نكبة 48..

مات الكبااار ولم ينسى الصغااار..
ئصة الوطن.. اللي استبدل اسمو وسكنو مجتمع جديد!!
ولليوم..
بعدهن كبار 1948 عم يرجعو لبلداتهن المهجرة..
وما جفت دموعهن وهني وائفين على الاطلال ليرثو بيتهن!!

حلم العودة ..
ولم الشمل لملايين الفلسطينيين اللي برات وطنهن عم بيزيد بهادا اليوم..
ئريب ان شاء الله!!

وليعرف القاصي والداني ان استقلال اسرائيل هو نكبتنا,
وانو العوده اهم من الدوله!!

..
..

عروس الجليل

ماروكو · 28-04-2009, 10:18 PM

صك ملكية

""فلسطين ""
هذه الارض......
تنتمي لاهالينا........
بعضنا قد مات ............
و بعضنا ما زال حيا ..............
لكن معضمنا لم يولد بعد ..........

هذه الارض ليست للبيع
""الفلسطينيون""

مشكورة اختي عروسة الجليل
على تذكيرك
.....واكيد فلسطيننا في قلوبنا
وما رح ننساها
ونكبتنا ما رح تطول
احنا الاجيال
الجديدة همتنا اكبر
طموحنا اكبر
افكارنا متمردة
رح نكون الاقوى منهم
دموعنا احنا جيل اليوم رح تخلق رجال واقوى ناس منا بكرى
تحياتي اختي

d5x · 29-04-2009, 12:05 AM

يسلمو ايديكي عروس الجليل

على هالموضوع

وبدون مجامله الموضوع حلو وبتعرفي تكتبي

ومافي بيدنا غير نقول

الله ما بنسى حدا " يمهل ولا يهمل"

الحق لازم يرجع لصحابه

ومشكوووره على الموضوع