قططي الرائعه.....وداعاً....!!

[Luis]

السلام عليكم ورحمة الله وبركاته

بما اني من دخلت المنتدى وانا اشارك وارد على مشاركات الغير...

ومرات اساعد... ومرات أتليقف..

ماعرفتكم بنفسي...

طبعاً أنا من السعوديه واسكن بالشرقيه تحديداً بالإحساء..>>وش يبغون بعنوانك...؟؟

كنت قد فكرت هذي السنه بفكرة محد فكرها بالعايله الكريمه المحترمة...عايلتنا..

في بداية الفصل الدراسي الثاني للسنه اللي فاتت...أي قبل هذي العطله بالضبط...

كنت قد حبيت اشتري حيوانات...وبديت اول شي بكروان جميل رمادي..

بعدها صرت ادرب فيه اشوي بعدها قطعت التدريب وجبت جوز كروان هولندي (سينامون لؤلؤي)

بعدها بكم اسبوع جبت جوز همستر...>>يالأخو انت قاعد بقسم قطط مش طيور..

خلونا من كل هذا...

كان بعدهم كلهم أول قط لي ويدعى tomy

وهذي أولى صوره الحلوة..







كان أحلى القطط اللي شفتها بالصور بالانترنت....>>بعيني طبعاً...

وكان جداً لعوب ومرح ويحب يعضض بيدي وانا استانس عليه...

بعدها صار ديام ينام لأني كل مزهقه فكرهني اشوي طبعاً عمره 4-5 شهور..

بعدها شرّف أروع قط وانا فضلته اشوي عن تومي....ألا وهو....(( luis ))









كان قط ماتصورت اني احبه لدرجة الجنون...وكل مرة أقابله لازم ياخذ بوسه مني..

كان يحب يتمسح على يدي كثيييييييير...وكنت لما اشوفه يسوي كذا اخليه واروح اررررررركض

وما ألتفت الا هو يركض وراي مثل البرق...

ومن اروح مكان اشوفه يلاحقني والجرس اللي عليه يرننننننننن...

والله حبيته اكثر من أي قط....

بعدها شرفت الآنسة sally

كنت حاس ان لويس يبغى يتزوج وانه يطالع فيني ويماوي ففكرت من وين الأنثى..

فقلت مالي الا تومي المسكين اضحي به عشان خاطر العزيز لويس...

بس هم كان غالي عندي تومي وامي كانت مصرة انه يتم عندنا بس قلت لويس مسكين

يبغى يتزوج...

الى ان اخذته بالقوة ورديته وجبت بداله سالي...وياليت هذاك اليوم مافكرت بتبديل تومي...

كانت كثيرة العض والتمخش...وكنت كرهتها بعد مدة عرفت ليه هالتصرفات...

طلعت حامل من القط اللي بالمحل...

قلت انا جايبها للويس يتزوجها...

وياليتني رديتها بنفس اليوم ورجعت تومي بس الآوان فات...

خليتها لما تولد...

وهذي صورها...







طبعاً كانت لها معزة اشوي معنا تعض وتمخش كثير...!!

بتقولون ليش..؟؟

صوتها ذوب قلبي.. كانت تقول (ميييياااو ) بكل رقة وحنيهه وعطف...

وكانت تفهم معنى (تعالي) و (عيب) و (لا) مثل لما ابغاها تاكل او تجيني

اقول لها تعالييييي ساااالييييي تتمنظر شوي وتجي..

ولما تبغي تضرب لويس وهي قريبه منه اقول عييييييييب...لاااااااااا...

وخلاص تنزل يده وتروح..كانت شاطره وذكية ولما احبسها بغرفه تطلع من تور النافذه (الشبك

المضاد للبعوض والحشرات) كانت تحركه وتطلع....وماحد من قطاوتي اللي حبستهم بنفس

سوا مثلها...

بعدها ولدت وواحد الله يكرمكم بمرحاض الحمام وغرق...

والثاني عاش اربعة ايام وتركته مايرضع ونام...

حاولت اتحرى احد من اخواني اللي لمسوا ولدها كثير بس للأسف...أغلقت القضية

ولم أجد الجاني...

والحين هي حامل بالشهر الأول فديتها...

بعد كم اسبوع من حضور سالي...كان في قطط شوارع بيت عمتي..

كانت بنت عمتي وصتني اجي اطلعهم برا البيت عشان امهم تطلع معاهم..

لأن القطط يجلسون قدام الباب اللي يطلعون منه قرايبي ويخافووووووووون...

والقطه الكبيرة تبخ عليهم....وماوفقنا انا وولد خالي صدنا اثنتين...وحده اطلقناها

بالشارع والثانيه عطيتها اختي وضمتها مع قطاوتي..وحبت لويس وتجاوبت معه بسررررررعه...

ومالقطت لها الا صورة وحده...



كانت خااااااااايفه مررررة اول ماجبناها...بعدها اختي بكل شجاعه حملتها وهي ماتدري..

أقصد القطه...ماتدري...

وقالت اختي حملتها حملتهاااااااااااااااااااااااااا...

وبعد يوم ورا يوم كانت اختي تهتم فيها وتأكلها وكانت من ضمن قطاوتي طبعاً...

وكانت لما تشوفني اجلس اول اقرب من الأرض قبل مااجلس تجي تجلس بحضني...

وهي امنيه كنت اتمناها تتحقق مع تومي بس للأسف...

بعدها قلنا بنسافر وراحت اختي رجعتها لاهلها بيت العمه...

وكنت انا مرجعها قبل هالمرة بيت عمتي وكانت اختي تصيح تبغاها..

وراحت بيت عمتي وعملت فخ وجابتها وانا كنت بالشارع وهي مخبيه شي بعبايتها...

قلت وش ذا...قالت جبتهااا...

المهم...واحنا بمكه خليت شغالة عمي ترعاهم....

لكن يوم بعد يوم والرمل على حاله ماتغير...بدت تطلع الروايح..وسبحان الله

حسني قلبي ان بيصير شي...انا مااتمنى يصير...وهو غضب الوالد من القطاوة...

واتصلت بأحد الأيام الخاله وتقول الريحه وصلت تحت وغسلنا السجاجيد والكنبات

والريحه ماتنطاق...

قال الوالد اول ماوصلنا اللي فوق سنعهم بسرعه قبل مااحذفهم بالشارع...+_+

ويوم بعد يوم واسبوع بعد اسبوع انضم لهم سموكي...وكان شرس للغايه...

بس بنفس الوقت دلوووووووع... وهو يشبه دومينيك لحد ما....بس ابصم بالعشرة دومينك

أحسن منه....

وكان الوالد مايدري انهم ظلو عندي الى هالفترة...بس كان يدري اني ضميت سموكي معاهم...

واقنعته ان في ناس بيبيعونه ب 150 ريال وببيعه بسعر اغلى....

بس ماصدق ولا اقتنع بعدها رضى بس بدون اقتناع...

وكل يوم يقولي شيل القطاوة احسن لك...وانا تنشال قطعه من قلبي كل ماقالي هالكلام...

الى ان رحت للمحل اللي باعني القطاوة الاسبوع اللي فات ويالله رضى يعرضهم

بس قبل لايعرضهم جا رجال واشتر لعياله سموكي وانا كنت ابغى اقوله بس قلت

يمكن يتغير سموكي اذا شاف اطفال...

ورديت باليوم الصاني عشان اشيل القطاوة اعرضهم بمكان ثاني قالي شوف قطوك القاتم رجعووووه..

والرجال جاب عياله وشغالتهم وايدينهم كلها خطوط حمرا..

وقالي المدير لو تسوي فيني خير وتشيلهم...قلت ماقدر والله انا اللي ابغاك تسوي هالخير فيني..

عاد المدير كان متساهل وياي الله يعطيه العافيه ومارد لي طلب...

قال ماعليك انا اعرف اشلون أأدبه...

قلت بشويش عليه...

قال يمكن هو مستوحش كذا يبغى حرمه...

واذا حطينا معاه وحده رح يخررررر ويستسلم لها...بعدها يصير وليف

قلت الله يسمع منك...

واما بخصوص سالي ولويس فبعتهم بسوق الحمام...وصحيح انهم جابو قيمة ماترضي..!!

بس المهم انهم بيعيشون بمكان فيه ناس بتحبهم وترعاهم الى ان يودعون الحياة..

وتوته توته خلصت الحتوته...

أو

خلصت القصه...وملصت....ويات الدياية...وعنفصت...

طبعاً القصه أهديها بالأخص لقطو كويتي...اللي طلب مني صور قطاوتي..

وأهديها عموماً لمنتدانا الحلووووو 2zoo

والحين اخليكم مع مقتطفات مصورة لقططي...

















عاد عقب هالصور وعقب مالبيت طلب اخوي قطو....

انا بعد ابغى طلب..

ابغاك تختار لي اجمل صور من الصور اللي بالموضوع..

وتسوي لي توقيع نفس الحركه اللي بتوقيعك...

هذا اذا ماكان عندك مانع...

عشان اتذكر قططي كل مرة ادخل فيها هالمنتدى..

تحياتي لكم جميعاً...

[لحن الخلود]

كم كانت تلك القصه رائعه وانت رائع يا عزيزي على هذه القصه التي اندمجت فيها
واهنيك على التحف الجميله التي تملكها ماشاء الله
ويعطيك العافيه انشاء الله تتهنى فيهم يارب

[الشــيرازيــه]

لويس ..تومي+لويس=شيرازي نوع مون فيس ولا انا غلطانه هع هع بس ماشالله عليهم حلوووين موووووت الله يحفظهم .. بس ليش كلهم مطقمين لونهم ابيض حتى سالي .. شكيت انهم واحد :dوعلى فكره .. انت شرير شلون طاوعك قلبك وبعت تومي بعد هالعشره ..بس تبي الجد القصه مؤثره تنفع فلم هندي :dوضحكني وقت ماقلت ان سموكي مخش العيال الصغار ويا خدامتهم ههههههههه رهيبهوياعزيزي وسع صدرك ومفيش حد يدوم لحد ..يلا c ya

[سـارة]

قصة رائعة و مؤثرة...
و صورهم كمان روعة..
(يعني الحين ما عندك ولا قطة؟ )-متأكدة إنك قرأتي الموضوع -

[Luis]

أهلاً بالمتميز في مواضيعه...الجميل والمتألق في ردوده...

لحن الخلود...حياك الله بموضوعي...وسررت جداً بردك وتعقيبك عليه...

وفعلاً كانت تحف قيمة على قلبي...ولا اعتقد بالمستقبل رح الاقي مثلهم...

تحياتي لك واشكرك مرة أخرى...

==========================

أختي الشيرازية...

أهلاً ومرحباً بك في موضوعي المتواضع...

وفعلاً مثل ماقلتي...وتصدقين من اول يوم جبت فيها سالي

وانا افكر بتومي...

واتحسف على اني بدلته...

بس اللي راح راح...والله يوفقه مع راعينه الجدد..

تحياتي...

=======================

هلا والله وغلا بالأخت سارونه...

انتي الأروع اختي بمرورك..

واكيد الحين ولا كات عندي...

اشكرك على تعقيبك...

تحياتي لكم جميعاً...

[Moz3ej]

قصه رووووووووعه .. واندمجت معها

وكنت اتحرى نهايتها ..
توقعت يوافق الوالد يخليهم عندك واكشن وحركاااات ..
لكن ما الله اراد

ويوم بعد يوم واسبوع بعد اسبوع انضم لهم سموكي...وكان شرس للغايه...

يا حلو اسمه على قلبي .......... مثل اسم قطوووي

بس وين صورته ؟؟؟؟؟




ويعطيك العافيه عالقصه الحلوه والمؤثره ..

[v.i.p666]

ماشالله روووووعة

[Luis]

والله ياخوي مزعج انا كنت اتمنى الوالد يوافق بالنهاية بس...

بعدين وش تبي بصورة سموكي تراه أجكر...

وكنت مصور له صورة عشان اعطيها اللي بيشتريه بس الظاهر انمسحت...

مشكور على ردك ومرورك أخي الغالي مزعج...

تحياتي الحارة...

================

أهلاً أخي vip666

اشكرك عالمرور الأروع...

تحياتي..

[Luis]

ونسيت اقول حلت ايامك يامزعج...

[Dominique]

واااااي شللللم قلبه ( ربي يسلم قلبه : بس بلغتي ) بعد عمري سمو الأمير دومينيك قامو يشبهون فيه ويتحجون عليه اسمالله عليه الله يحفظه..

بالنسبة حق كرات الثلج اللي عندك .. ما شالله عليهم روعة ولونهم غني لااله الا الله .. وانشالله الله يعوضك خير.. بس وين سموكي ؟؟ ما شفنا شبيه الأمير
..
ترى عااااااادي هذيله الأهل ما يفهمون حاجات العيال لما نقولهم " نبي قطوة "..

تدري من 3 سنوات تقريبا كان عندي " شيراز " ذكر شبيه بتومي تقريبا بس اللي عندي كان مربرب وطويل كان عمره 3 سنوات ونص.. وااي كان يمشي بين ريولي ويتمسح .. ما ظل عندي اسبوعين حتى .. الوالد اشتغل علي.. و ماكان عندي خبرة بالقطط و تنظيف مخلفاتهم و أكلهم.. وأبوي كان أساسا معارض وجوده.. خلاني أوديه.. عطيته حق رفيج أخوي.. أشوة رفيج أخوي عنده 3 قطاوة بالبيت واعتنى فيه عدل..

آآآآآآآآخ على شيراز حتى صورة وحدة ما صورته

على العموم قصتك قلبت المواجع ..

انت شكلك حنووووووووووون وتستاهل كل خير .. الله يهدي الوالد ويجيبلك " مستحيل طبعا أهو يجيبلك " يخليك تجيب قطوة تذكرك بالذي مضى..