ماذا افعل مع هذا الببغاء الرمادي الجديد !!!

[wmdr]

السلام عليكم
منذ يومين احضرت ببغاء رمادي جامبو

لكن لم اشتريه من بائع وانما من ابن عمي

المهم اول يوم جبته كان مو مستغرب ابدا وياكل من ايدي بدون اي خوف ولما حد يقرب من القفص ما يخاف ولا شي
بس تاني يوم صار لما حد يقرب من القفص يجعر كتيير ويخاف مدري ليش

وصار قليل ياكل من اليد غير اذا كان جوعان
واذا حد من اخوتي الصغار قرب منه ما يخاف ولا شي بس اذا قربت انا او حد كبير
شو السبب؟

وشو لازم اعمل هلء هل يجب ان ابدا معه خطوات الترويض من جديد او شو؟
مع العلم انو هو عند ابن عمي ويحكي اما عندي ما طالع ولا اي صوت ولا صفر ولا شي بس عم يجعر لما بتقرب عليه؟

فقلولي شو اعمل طالعه من الفقص وحطه على حضني ولا خليه فوق القفص ولا ما قرب عليه ولا شووو

انتظر مساعدتكم

[wmdr]

ونسيت اسالكم هل الببغاء السنغالي يتكلم ولا لا ؟ ولا بس صفير

انا رحت لعند البائع قلي عندي ببغاء سنغالي لونه اخضر وبطنه اصفر بس ما شفته
هل هذا النوع متكلم؟

[أبو حمزة.]

أهلا فيك أخوي

نورت المنتدى

وبالنسبة للطير لا تبدأ معه أي تدريب لأنه

صار في بيئة جديدة ولسا ما تعود عليها

إستنا فترة وبعدها

إبدأ معه التدريب

وبالنسبة للسنغالي لا يتكلم

لكن تصفير وتقليد بعض الأصوات

[wmdr]

الله يعطيك الف عافية يا ابو حمزة

اليوم بلش شوي يصفر انا صفرت له قام صفر

وبعدها ما عمل شي

المهم بالنسبة للسنغالي انا سالت وقالولي بيحكي بس مو متل الافريقي فانا بدي اعرف هل له القدرة على بعض الكلمات لانو صرلي واحد بسعر حلو

لونخ اخضر وراسه رمادي وبطنه اصفر

انتظرك

[كوالا]

هلا عزيزي

الببغاء السنغالي حجمه نفس حجم الكروان يعني حجمه صغير هذا اول شي

ثاني شي ممكن يتكلم بس بالكثير كلمتين او ثلاثه بالكثير

والببغاء الي عندك اصبر عليه اسبوعين لانه المكان جديده عليه خليه يتعود على البيت واهل البيت