الى اصحاب الخبرة في تربية الكروان "الكوكتيل"

[melegy]

السلام عليكم

كيف الحال يا شباب عسى تكونون تمام..... هذه اول مشاركة لي في المنتدى وان شاء الله ما تكون الاخيرة... المهم اني لسه شاري (امس) زوج كروان (كوكتيل) وانا "المفروض" عندي خبرة : في التربية والتدريب حيث اني زمان اشتريت اكثر من نوع ودربته لحد ما كان يوقف على ايدي وزي الفل, "بس ده كان زمـــــــــــــان " المهم اني لما جبته البيت على طول طلعت الذكر وطبعا لابس قفاز ومسكته وطار مني وجبته ولمست عليه وجلس يعض لين ما شبع وفي الاخير استسلم وصار ما يعض وانت ماسكه بس لما رجعته القفص صار خايف جدا وما يتحرك ولا ياكل والانثى زيه بس احسن شويه وهو لما اقرب من القفص احس انه يرتعش وما ادري ايش اعمل معاهم حيث اني خايف يموتون مع العلم انهم معانا (انا وخواني) في الصالة وفاتح القفص لهم عشان يولفو علينا, بس مشكلتي اني اشوفهم بياكلو لانهم حركتهم قليلة مع ان الذكر اول ما جبته كان نشيط جدا لاكن بعد ما مسكته صار هادي جدا جدا اتمنى النصايح المفيدة ومستني ردودكم

[كروانوو]

المفروض تخليه كم يوم لحاله يتعرف عليكم و يتعود على البيت

[lost love]

المفروض اول شي تخليه تقريبا اسبوع عشان يولف اهل البيت بعدين انت امسكه وحاول تولفه

اما الحين والله ما ادري وش تسوي بس اتوقع انه بياكل لا تخاف

[Dark.Love]

هل الزوج تركييب
يعني انت مختار الذكر وأيضاً الإنثى
إذا كان كذلك فـ المفروووض انك
تفصلهم سبووع عن بعض وتخليهم يشوفون بعض
إذا كنت تريد انتاج
أما إذا كنت لا تريد
فخلهم سبووع على هالحال ولا تمسكهم الى بعد سبووع
ان شاء الله الذكر بياكل
و ان شاء الله ينتجوا او يولفوا عندك

. تحيهـ .

[melegy]

مشكورين يا شباب ولازلت بحاجة الى النصايح عموما "Dark.Love" ححاول افصلهم شكراا

[مـغرد]

المفضل انك تخليهم اسبوع على الاقل لكي يتأقلمو على الوضع .
وبعد ذلك تبدأ بتدريبهم ولكن قبل التدريب لازم تقص الجناح لانهم بيتعبونك اذا ماقصيته .
وفيه عدة طرق ومجربه من قبلي . وهذه طريقة .
تفتح باب القفص الى ان يطلعو وتقدم لهم حبوب جافه او خضروات (أكلهم المفضل) .
وتأكلهم الى ان يشبعو وماتحرك يدك ولا تسوي حركه مخيفه .
وبعد مايتعود على الاكل من يدك تفتح القفص الى ان يطلعو وتحاول تمسك رأسهم .
طبعا طريقة مسك الرأس ماتتم بسرعة . في البداية تقدم يدك عند المنقار يعني يكون شايف يدك .
ولا تمسكه . وبعدين تسحب يدك وتعطيه اكل . وتكرر هذه الحركه . وبعد ذلك تمسك رأسه مسكه خفيفة .
ولاتسحب يدك بسرعة عشان لايخاف ومره لاتسوي حركه مفاجئة للطير لانها هنا بيكون في مرحلة اختبارك هل انت شخص يثق بيه ام لا . المهم وتعطيه اكل وايضا عاود الحركه الا ان يصير موافق انك تحكله راسه .
بعد ذلك تتقدم لمرحة الوقوف في اليد . وتسويها بعد اتقان الحركه اللي بالاعلى تجيب اكل محبب له وتروحله وتقدم يدك او اصبعك عند رجله وتحاول تخليه يطلع . الى ان تضبط معك الحركه . وبعد ذلك حركه فلاي تو مي او طير الي .
في هذه الحركه لازم تكسب الكثير من ثقة الطائر المهم تروحله معك الاكل المحبب له وتعطيه شوي مررره .
بعد كذا تسحب الاكل وتبعد يدك 2 سم او اقل وراح يجيك اذا كان واثق فيك اما اذا لا فيحتاجلك تدربه اكثر على الحركات السابقة . المهم وكل شوي تبعد منه شوي الا ان تبعد مسافة طويلة ويطير اليك . وبكذا راح تحصل على كروان اليف وحبوب .
طبعا الحركات بالاعلى صعب وليس مستحيل تخليه يتنقها في اقل من شهر .
بالنسبة لخوف كروانك فاعتقد انك استخدمت القليل من العنف لانك مسكته في اول يوم له .
اللي عليك انك تخليه يتأقلم اكثر على البيت ويوم تحس انه رجع لطبيعته ابدأ بتدريبه .
واي استفسار انا حاضرلك . تحيـ ـهـ .. ~

[melegy]

شكرا يا مغرد وما قصرت... الأن الذكر حاسس انه طبيعي بياكل ويشرب الحمد لله بس الانثى حاسس انها ضعيفة جدا لدرجة انها ما تعرف تاكل, سؤالي ايش اكثر اكل محبوب بالنسبة لهم واذا استمرت في عدم الاكل ما العمل؟

وشكرا على الردود (:

[Dark.Love]

والله إنت شوف الأكل الي يقبلوا عليه
ما نقدر نحدد
ولكن كـ بدايه
الحبوب الجافه هي البدايه للكل
ومن ثم حاول تقدم لهم الخضروات الفواكه
والأكل اللين
وان شاء الله الإنثى تكوون طيبه
. تحيهـ .

[ابو ناصرz]

المفروظ انك تخليهم اسبوع لمايتعودو على اهل البيت وكذا اما الحين وخر عن الذكر الاكل يعني لمدة 5ساعات وانت متاكد ان الاكل اكل الكروان الي عندك وانشالله ياكل