خبراء الكاسيكو تعالوا طلبتكم

[مغرمة الأمزون]

السلام عليكم ورحمة الله وبركآته


يا جماعه انا اشتريت كاسيكو عمره من 5 الى 7 شهور من منتدى توزوو

بس لس ما وصل البيت .. راح يوصل اليوم على خير


السؤال قبل ما يوصل ضيفنا ......

ايش الاكل المناسب له بهالعمر ؟ ابغى شرح مفصل

كيف اتصرف معاه مو عارفه بصراحه ؟ وهل ابتدي معاه باي تدريبات

واعطوني اسامي مناسبه لطييييير


فهموني بليييييييز

[مغرمة الأمزون]

وين ردودكم الطيبه اخواني

[يوفاوي الكويت]

اول شي مبرووووووووك الضيف الجديد ويتربا بعزكم يارب
شنو الي اخذتيه هولندي او افريقي وبكم السعر

في البدايه انتي قلتي ضيف يعني اكرام الضيف واااااااااجب

البدو عندهم الضيف ثلاث ايام محد يكلمه ولا يساله

اما الحين تغير الوضع

الضيف ( الكاسكو ) اسبوع محد يكلمه يخلونه علي راحته بس يحطون له الاكل والماي

وحطيه بمكان مرتفع عن الارض بمتر تقريبا وخليه بمكان يقدر يشوف البيت والاهل

وابعديه عن تيار الهواء البارد حاولي تخلينه بمكان مو مقابل التكيف

وبعدها ينفتح له باب القفص ويصعد وينزل علي راحته محد له شغل فيه

وبعدها عاد يبداء التدريب

اهم شي بالتدريب الصبر وعدم الخوف والتردد

حاولي تعطينه الاكل من اليد عطيه قطعه تفاح او فول سوداني

واذا قبل بالشي هذي ممتاز واذا اخذها وقطها عطيه ثاني مره واذا قطها

خليه عشر دقايق او ربع ساعه وعطيه الاكل

المهم اذا ما قبل ياكل من اليد شيلي عنه الاكل كم ساعه 3 او 4 ساعات وجربي تعطينه

وانا انصجك عدم تدريب الطير باكثر من شي بوقت واحد

وان شالله شوي شوي راح يتعلم ويتدرب والصبر مفتاح الترويض والتدريب

امشي بالترويض حبه حبه وبالهداوه

[مغرمة الأمزون]

يا جماعه الكاسيكو وصل البيت بس ما ادري


اشوفه ما ياكل ولا يشرب

والحين ملاحظه انه كأنه يشفط باللسانه باستمرار


ما ادري كيف افهمكم


فهل الطير طبيعي او ايش ؟

[د. إحتـراف]

المشاركة الأصلية كتبت بواسطة مغرمة الأمزون

يا جماعه الكاسيكو وصل البيت بس ما ادري


اشوفه ما ياكل ولا يشرب

والحين ملاحظه انه كأنه يشفط باللسانه باستمرار


ما ادري كيف افهمكم


فهل الطير طبيعي او ايش ؟

شي طبيعي ماياكل ولا يشرب لانه في مكان غريب بس لا احد يضايقه او يسوي له شي وحاولي تجلسين في مكان قريب منه بس ماتكلمينه كأنه غير موجود هذا يساعدك في الترويض

يالييت صوره توضح , واذا قصدك الطير يلهث رشي عليه مويه بـ البخاخ 5 رشات بس وخليه

تقبلي مروري

[يوفاوي الكويت]

الحمدالله علي السلامه

شي طبيعي توه واصل ما ياكل ولا يشرب

لا تستعجلين عليه شوي شوي راح ياكل ويشرب

ويصفر ويتكلم بس الصبرررررررررررررررررررررررر

شلون يشفط لسانه توه واصل يمكن من الحر
شري عليه شويه ماي

[مغرمة الأمزون]

عطته امي ماي وشرب واكل يحب ياكل ويشرب بس لما امي تكون معاه

انا ما يحبني

والحين حاطته جنبي ويطالع فيني طول الوقت واحسه يبغى ينام


وشورتكم وهداية الله راح ارش عليه اشوية ماي


وعلى فكره ما يعض وأليف مررررررررررررررررررررره وعادي امسح عليه

ويطلغ بعض الاصوات الغريبه مثل يصفر على خفيف لما اقرب منه

وهذي صوره

[مغرمة الأمزون]

طيب أوكله تفاح وفواكه مشكله

ولا مو زين له بهالعمر


واي هي الفيتمينات اللي اجيبها له ؟

[fawzi]

ماشاء الله بغبغاء مره حلوه الله يخليه لكم ان شاء الله وبادره طيبه ان البغبغاء اليف ومايعض يعني ان الطير راح يتعلم بسرعه بس اشوي اشوي ممكن تعطينه اي نوع من الفواكه بس مو كل يوم حاولو انكم تشكلون في الاكل له ونصيحه مادام الطير اليف وجحمه زين لاتخلونه في مكان بارد يعني غطوه بالليل ولاتزعجونه اذا هو نايم و اذا اصبح الصبح طلعوه براء من وقت قب ماتحمي الشمس وان شاء الله بدايه خير .تقبلو مروري

[يوفاوي الكويت]

ما شالله تبارك الرحمن

طير حلووووو

بس خلي بالج من الهواء الباااااااااارد

انا انصحك اول شي تعطينه مضاد حيوي شامل

لان الكاسكو في طبعه ما يبين فيه المرض

عادي عطيه فواكه بس لا تكثرين منها لانها راح تسبب له اسهال