كاسيكو جديد شكله مجنون!!!

[ازعاااج]

السلام عليكم

مرحبا ..عضوه جديده معاكم..



شرينا اليوم كاسيكو صاحب المحل يقول انه صغير حتى انه مايعرف يعض لان لما نحط يدنا له

يفتح فمه ويصرخ لكن مايعض الحمد لله

مشكلته انه لما يشوف زوجي يصرخ ويخاف على عكسي تماما لما اجلس جنب القفص يصرخ لكنه يهدأ بسرعه ولما اكلمه يصفر ويطلع اصوات غريبه

حتى اني جربت معاه حركه هبله ولقيته يقلدها مع انه ماكمل يوم معانا ..

هذي صورته وابي اعرف هل هو بالفعل صغير؟؟ هل هو ذكر او انثى؟؟ وكم من الوقت بيضل يصرخ لما حد يقرب من القفص؟؟ ومتى اقدر ادربه على الخروج خارج القفص ؟؟ وابي اعرف اذا كان ذكي وممكن يتعلم والا بيطلع اهبل ؟؟

بصراحه يخوف

[كاسكو البحرين]

أهلا وسهلا

إختي العزيزة فعلاً الطير صغير ولم يتجاوز السنة يمكن عمره حوالي 7-8 شهور أو 8-9 شهور

لمعرفة المزيد تفضلي هذا الرابط



http://www.2zoo.com/vb/showthread.php?t=974

أما بالنسبة إلى تحديد جنس الطير فمن نظري التقريبي أقول إن (أنثى)

علماً بخصوص تحديد الجنس للكاسكو صعب وهناك عدة طرق ليست بالأكيد ولكن الطريقة المضمونه هي عن طريق التحليل بــDNA

وإليك رابط لزيادة المعلومات



http://www.2zoo.com/vb/showthread.php?t=649

نجي إلى مشكلة زوجك هذا شي طبيعي جداً لأنه لم يمضي على الطير معاكم الا يوم واحد فقط دعي زوجك يقترب منه أكثر مع مرور الأيام سيتعرف الطير على مربيه وأصحاب البيت

بالنسبة إلى تطليع الطير خارج القفص حالياً خليه في حاله عشان يطمأن على المكان الجديد

وبعد فترة سبوع-سبوعين

يفضل قفص من هذا النوع عشان ابروحه يطلع فوق وياخذ راحته بدون اي متاعب



وشي جميل إنك سويتي حركه هبله وسواها معك هذا يدل على ذكاء الطير فهو لا يزال جديد على المكان وللحين خايف والاصوات اللي تسمعينها من الكاسكو فماكو إشكال في النقطة هذه لانه الكاسكو يقلد اي صوت يسمعه ويتركز في ذهنه

تفائلي بالخير يا اخت إزعاج فالكاسكو بعد كم شهر بكون سر سعادتكم في المنزل وهناك اشياااء كثيرة لازم تتبعي الاساسيات عشان تنجح عملية التربية فنصيحة مني اقضي ساعة واحدة في هذا الرابط لانه يخص الكاسكو في امور كثيرة ومهمه جداً




http://www.2zoo.com/vb/showthread.php?t=1752

وهذا الرابط فيه كم نقطة مهمه ايضاً





http://www.2zoo.com/vb/showthread.php?t=16861

اختي جيد خذيتي طير بهذا العمر ولكن انتبهي بخصوص التغذية والإعتناء به لانه توه صغير ومحتاج عناية اكثر من الكبير

انتظري وعليك بالصبر عليه فالصراخ يذهب مع ذهاب الخوف تدريجياً

الكاسكو مب اهبل عن الغلط

على العموم الكاسكو طير ذكي ومرح ومقلد جيد ويتكلم بصوت واضح وقوي انتظري النتائج بعد فترة فهالله هالله بالطير ماوصيك عليه

مسامحه على التقصير

تحياتي

كاسكو البحرين

[تفاحه حمرا]

كاسكو البحرين

ماشاء الله رد شاااااامل ووافي ..... استفدت منه وايد

اختي ازعااج بصراحه صدقتي يوم قلتي انه الكاسكو مينوون لالاامزح اخاف عشاق
الكاسكوو الحينه يطيحوون فيني..

ماشاء الله الطير شكله روعه وعمره منااسب.. حاولي انج تهتمين فيه وعلى قولت اخوي كاسكو في الايام القادمه بيكون سر سعادتج << مب كاني سامعه هالجمله في دعايه

اكيد بيتعلم وبيتأقلم بس يحتاج وقت وبالتوفيق ان شاء الله

[ازعاااج]

كاسكو البحرين

مشكور اخوي ردك شامل وكامل جزاك الله كل خير ..
والله وطلع الهندي صادق يوم قال انه صغير .. بالنسبه للقفص شرينا معاه قفص ينفتح من فوق مثل اللي حطيته بس اصغر نرى شريناه من محل في جد علي ..<<ماتسوي دعايه ابد.... الله يوفقك دنيا واخره يارب



تفاحه حمرا

انشاء الله يارب من ناحية مجنون .. بيني وبينج من شفته يطلع لسانه ويهز راسه تاكدت مشكوره اختي والله يسعدج ويسعد الجميع يارب



مشكورين اخواني والله يحقق لكم كل اللي تتمنونه افدتوني جزاكم الله كل خير بالخصوص كاسيكو البحرين


مع السلامه

[كاسكو البحرين]

يا هلا فيكم ونور المنتدى

واي سؤال إحنا حاظرين اذا نملك الإجابة ما راح نبخل

مع السلامة