سؤال عن الطلوع على اليد

[jenanart]

السلام عليكم

استقبلت ببغائي (لموش) الحمد لله يوم الجمعه اللي فات صاره له يومين الحين يعني امس وقبل امس وحتى اليوم جربت معه يطلع على الخشبه لما امدها له واقوله اطلع او فوق
طبعا قطع يدي بالعض لما امدها له
بالنسبة للمس الراس احيانا يخليني واحيانا يلف يبغى يعضني

كيف اكمل معه الحين عشان يطلع على اليد بهدوء وبدون عض تعبت من العض من امس ايدي مورمه

مادري يمكن حب الخشبه اكثر من ايدي لانها اسمن

اختكم جنان

[reds]

خله اتأقلم على المكان أول اخوي ... وانشالله وخلك يمه .. عشان اتعود عليك .. بعدين حط ايدك
عشان لا تفقد واحد من اصابعك واصيرون 9 p:

[سماوي الجبه]

شوفي هذا الرابط وبيفيدك ان شاء الله،،
http://www.2zoo.com/vb/showthread.php?t=162483

[jenanart]

اووووووووووكي راح ان شاء الله اطبق الموجود واصبر عليه
بس الحمد لله انا احس انها علامه كويسه على الاقل انه يطلع على الخشبة لما اقدمها له
باقي اليد والكلام بس

[S7R]

تفضل هالرابط


http://www.2zoo.com/vb/showthread.ph...29#post1565729

[jenanart]

اوكي عندي كم سؤال بس
الحين انا حاطه له كالسيوم قالوا لي كويس عشان ينقر فيه بس ماشوفه يقرب منه ابد
انا اضطريت اربطه بالشكل اللي بالصورة لان انقطعت الحديده اللي فيه بس ماشوفه يقرب منها نهائيا هل طريقتي بوضعها خطأ؟
وشيء الثاني مايلعب بالالعاب ابدا
هل ابعد الالعاب عن القفص خايف منها ولا اتركها وهو يتعود عليها؟

سؤال اخير بالنسبة للاكل والمويه هل اخلي اكله موجود دائما والمويه ولا اشيل الاكل وارجعه وقت وجبات فقط والمويه اتركها دائما؟ ارجو التوضيح بخصوص اوقات الاكل

اتركم مع الصور ولموش حبيبتي واول لقاء لها مع توم

[jenanart]

سؤال رابع
انا النهار كله بالعمل وارجع المغرب طبعا مباشرة للغرفه وبديت الفترة هاذي يوم جاني لموش انزل تحت اجلس معه
هل الافضل اني اطلعه معي الغرفه واجلسه معي حتى لو كنت مشغوله عنه بالكمبيوتر او التلفزيون؟

[jenanart]

وين الخبراء ياجماعة ابي اعرف جواب الاسئله بسرعة

[عضو غير جديد]

ماشاء الله من الصوره شكله ضغيييير

يعني في مجال يتعلم اي شي انشاء الله

و عن الطلوع على اليد حاولي بالقفاز و لا تضغطي عليه حاولي اكثر من مره و اذا ما طلع اتركيه و جربي مره ثانيه ...واذا طلع على يدك اعطيه مكافئه و كلمتين حلويين
اما على الاكل خليه على طول و المويه تفيرينها كل يومين او حسب الحاجة و تنظفينها
اهم شي خلي الطير فرد من العائلة ...يعني على طول خليه معك و كلميه
وانشاء الله يكون اليف

[fawzi]

ماشاء الله طير حلو مره بس نصحيتي انك ماتعرضين الطير للهواء البارد لانه صغير في العمر وياريت لو تخلي الطير معاك دائما علاشان يتعرف عليك اكثر لاتدربه الحين عط الطير وقت علشان يتعرف على اهل البيت و يتعرف على المربي الجديد وهو انت لازم تكرمه من ناحيه الاكل والعنايه والنظافه اهم شيء لاتجبر الببغاء على اي شيء خله في مكان مرتفع وكانه مو موجود.وان شاء الله بصير طير زين بس الصبر وعدم التذمر لانه الصبر مفتاح الفرج.يعطيك العافيه وتقبل مروري