ببغائي أكل....ساعدوني...!!

[Luis]

السلام عليكم ورحمة الله...

قبل اشوي رحت للببغاء ولقيت فمه احمر...

وجلست ادور سبب هالحمرة...ومالقيت شي...

وكان معه بنفس الغرفه حيوان ثاني بقفص...

ودايم يدخل ويطلع من القفص(الحيوان الأخر)

وانا ادور عليه لقيت ريشة قلم خطاط احمر..

واستغربت من شكلها بالبدايه...ماعرفت وشهي...

بعدها لقيت القلم مفتوح ... والقلم بصووووب...والغطى بصوووب...

والريشه بصووووب...وقلت هذا ماله الا تفسير واحد لاحمرار فم الببغاء...

تكفووووووون ساعدوني بسرعه...

[broodes]

لا تقلق يا اخوي انشالله خير

في هذي الحاله لازم تراقب الببغاء هل هو كش و ذبل ولا لا

انا صار معي تقريبا نفس الشي بس برودس اكل شجر الزينه وجاه اسهال الله يعزك وحطيت له فيتامينات و بعدها طاب


اذا لا حظت طيرك تغير عليك ولا صار ياكل وده على طول للبيطري


والله يكون في عونك

[Luis]

اشكرك أخي برودس على ردك السريع..وان شاء الله يكون كلامك صحيح...

بس انا حالتي اخطر...اكل الحبر...

تحياتي لك..

[تفاحه حمرا]

حاول تفتح ثمه وتشووف لوفي شي ينشاف اسحبه بصبعك .. او بمقص بس انتبه لاتعوره

[Luis]

أهلين اختي تفاحه...

انا شفت لسانه صاير احمر...

ومنقاره من الحواف بعد صاير احمر...

هل في شي اقدر اعطيه عسب يصير زين

الى ان اوديه البيطري..

[تفاحه حمرا]

اخوي لاتخاف ان شاء الله مافيه شي ...
نحن يوم كنا صغار ياما بلعنا وذقنا طعم كل الالوان وماصارلنا شي لوول ..
بس لوتقدر اغسله بالماي وان شاء الله بيروح ..
واذا خايف لدرجة وديه للبيطري يكشف عليه .
واسمحلي ماقدرت افيدك لان ماصارلي هالموقف..
ان شاء الله الاخوان يساعدونك اكثر

[Luis]

ههههههههه

اختي تفاحه...

واحنا بعد ماتم قلم ولا لون الا ذقناه...

بس المسكين هذا طير اخاف مايتحمل..

ان شاء الله اقدر اليوم اوديه

شاكر لج تعاونج وردج..

[ببغاء اخضر]

اذا عندك مخدر حطه بالماي وافحص عليه وشوف اذا حصلت شي
واسمحلي مااقدر افيدك لاني ماامر بي كهاذا الموقف وسمحلنا
بس اننشالله مافيه شي واعتني فيه وراقبه اكثر

[Luis]

تسلم يا ببغاء اخضر

ما عندي مخدر ..

ان شاء الله يكون بخير مثل ما طمني باقي الاعضاء ..

انا حطيت له تفاحه واكلها وان شاء الله يزول اثار الحبر .

تحياتي .