كناري صيني مع كناري موزاييك !!!

[ستريفي]

بسم الله الرحمن الرحيم

كيفكم يا اعضاء قسم الطيور المغردة

انا عندي كناري صيني مصبغ يغرد طير مشاء الله كلا يغرد في اي مكان نحطه داخل برى وكل شي نحطه له ياكله

وهذي صورة له



المهم اني قررة ازوجه فرحت السوق بشتري له زوجه حلوة
وشفت انثى موزاييك احمر فعجبتني وشريتها طبعا صاحبها شاريها على انه ذكر بس طلعت انثى
وهذي صورتها



انا شرايها يوم الجمعه وحطيتها في قفص لحالها جنب قفص الذكر
وهم صورة لقفصين جنب بعض



المهم انا اسعجلت وقلت خل احطها مع الذكر واذا تخانقو اشيل الانثى وحطيتهم وخليتهم كم يوم والانثى سطرت الذكر تسطير وداست ببطنه صار مسكين يجلس تحت القفص وكلا خايف فانا عودة الانثى في قفصها وحطيت القفص بعيد عن قفص الذكر بكم متر يشوفون بعض من بعيد وبمجرد ما شلت الانثى علطول الذكر قام يغرد قلت بفصلهم اسبوع وبعدها بحط قفص الانثى جنب الذكر لمدة اسبوع ثاني وطبعا الحين مضى اسبوع واهم بعاد والحين بحطهم جنب بعض اسبوع بعدها بدخلهم جميع واذا ما نفع ببيع الانثى واشتري انثى ثانية او ابدلها بانثى ثانية
وانا طرحت الموضوع مشان تساعدوني وتقولون لي هل الى سويته صح او لا واذا عندكم نصايح تفيدوني
وشكرا لكم مقدم

[اسـ الصمت ـير]

اخي الغالي

اولا لابد ان تتاكد من المزايك هل هو ذكر ام انثى
ثانيا تعكس الاقفاص القفص الصغير للذكر والكبير للانثى
ثالثا تضع للانثى عش داخل القفص مع خيوط لو الانثى لفت بالخيوط العش تسير تدخل الذكر عليها

[ستريفي]

يعطيك العافيه اخي اسـ الصمت ـير
وانثى الموزاييك انثى لانه ما تغرد والاحمر الى فيها فاتح
وانشاء الله راح اعكس الاقفاص
وانا مو ناوي اكاثر ما بينهم بس شكلي غيرت رأيي
وهل حاليا موسم تكاثر الكناري ؟

[دراقون]

ستريفي...
كنت مره عند صاحب محل للطيور وكان حاط الاقفاص فوق بعض لدرجة انهم يسمعون صوت بعض بس ما يشوفون بعض عشان يشتاقون وإذا بدو يغردون ويردون على بعض وشفت اللي تحت دايم يحاول يشوف اللي فوق والعكس اعرف انه وقته انك تدخلهم على بعض ...

هذا ما عرفته من صاحب المحل واتمنى لك وللجميع التوفيق