ببغائي من كمن يوم رافع رجله ؟؟؟ممكن حل...

[ببغاء اخضر]

السلام قبل الكلام السلام عليكم ورحمة الله وبركاته
مليتو من كثر مااسال صح ؟؟؟
لوسمحتو الببغاء مالي من ركبت له الحلقه من ثلاث ايام رافع رجله ويوم اخليها تصعد على ايدي ماتقدر تتكا عليها الا بالقوه والحلقه مب ظاغطه عالرجل اومانعتنها من الحركه لا بس ماادري ليش ؟؟؟انا دهنتها في فكس لو اتعرفونه على الرجل شويه عادي
ممكن حل يااحلى اخوان المشكله البيطري سافر شرد من كثر مااسير له مل يمكن طفش

اختر الاجابه الاصوب

فهل اتخيروني اشل الحلقه ؟؟؟؟؟

1_نعم

2_لا

وسمحولنا عالاساله الزايده

[تفاحه حمرا]

جرب حطلها حلقتين عشان تتوازن بس لاتنسى الحلقة الاخيره خخخخخ

[الطاير]

ببغاء اخضر ...

فكس !!!!!! ,,,,,,,,,,,,,,,, ارحم الطير ياخي

تكفى لاعاد تعالجة خله على هواه يرفع رجله ينزهلها مشكلته هذي

هههههههههههههههههههههه

ترى امزح ,,,,,

بس انا اعتقد من خلال خبرتي البسيطة انه يرفع رجله اذا طفشان او يبغى ينام والله اعلم


واما بخصوص الحلقة فهو بيتعود عليهى مع الوقت وانت الوحيد الي يقرقر (( يقرر )) يخليها او لا

لاكن اذا بغيت المشورة اذا ماعندك الاطير واحد مايحتاج تركبهى واذا فيه مجموعة ممكن تميز كل واحد بلون او كل مجموعة بلون

تحية
الطاير

[كاسكو البحرين]

يا هلا اخوي ببغاء اخضر

اولاً حبيبي خذ راحتك بالإسئلة وإن شاء الله إنت الحين تسأل تبي إجابة وبعد فترة تكون عندك خبره وانت اللي راح تجيب على الأسئلة

على العموم

الحلقة ياخوي واللي نطلق عليها (الحجل) بمعنى تحجيل الطيور

اولاً هي الفائدة الأولى يكون منقوش في الحلق هذا تاريخ الفقص و جنس الطير ومكان الفقص

وفي بعض الناس تكتب الإسم والرقم او العنوان عشان لو لاسمح الله طار الطير ويلاقيه ولد حلال مثلك يستطيع يرده ابكل سهوله



حالياً إنت شنو المغزى بالظبط يوم فكرت تركب الحلقه

مثلاً هل كتبت على الحلق عنوانك ؟ او تاريخ الشراء وإسم الطير عشان يكون ذكرى ؟

إحنا كبشر نحب ان تكون الإيدي فاظية بدون اي حلق بس غصبن على الكل يلبس (الدبله) في حال الخطوبة والزواج ، ولكن إنت شوف حالك هل ترتاح وانت لابس الدبله او بدون الدبله ؟

اللهم زوج كل أعزب

عزيزي اللي اريد اوصله لك ان مافي داعي تضايق الطير ولاتخاف هو مو مضر للطير ولا شي مجرد ان راح يتعود عليه وخلاص ، يمكن تشوفة يعضض فيها او يحاول خلعها ولكن مع مرور الأيام ان شاء الله راح يتأقلم مع الحلق لانه شي جديد عليه وعلى رجله

واحب اوضح لك نقطة انك لاتصرف بدون شور البيطري ، إنت قلت إنك دهنت رجل الطير بـــــ(فيكس)
فالأدوية اللي تخص الانسان تختلف غير اللي تخص الطيور والحيوانات ولكن في ادوية مشتركة بين الانسان والطير ولكن كنصيحة لاتتصرف بدون استشارة البيطري لانه يمكن لاسمح الله تسبب له اعراض جلدية ويكون بدال انك تخفف ضيق الحلق تسبب له حساسية او ماشابه من ذالك

بخصوص رفع الطير رجله



فهذا جداً طبيعي في الطيور بعض الاحيان وقت النوم تراها تقف برجل وحده لمدة ساعات كثيرة سبحان الله ، وبعض الاحيان يكون رافع رجله وقت هدوئه وسترخائه يعني يكون بدون نوم


آخر كلامي اقول انت خله كم يوم واذا صار الطير يضايق من الحلق بستمرار رجعه للبيطري وخلع الحلق ريح الطير فهذا رايي لك

والحمد لله رب العالمين

اخوك

كاسكو البحرين

[ببغاء اخضر]

مشكوووووورين شباب والحمدلله اليوم احسن عن امس وتسلمووووون عالمواضيع الحلوه ((((تفاحه حمرا)))) و(((الطاير))) وو(((ْ((((((((((((((((((كاسكو البحرين المميز))))))))))))))))))))))