رايكم بـحوضي الجديد..سوال..

[S7S7]

السلام عليكم ورحمة الله وبركاته

شريت حوض اليوم وابغى رايكم فيه .. طبعا الى الحين ماكملت الزينه .. وش تنصحوني احط غير الموجود..؟





وهل فيه شي احطه غير الفلتر ..؟

سرعة الفلتر 1500L/H واشوف انها قويه شوي .. كم الحجم المناسب حجم الحوض 60سم ..؟؟

الحوض بحجم 60 سم .. كم اقدر اربي فيه من سمكه والسمك الموجود .. مولي جوبي بلاتي..؟

في الليل اطفي النور على السمك .. واطفي الفلتر ولا يكون شغل دآآيم ..؟؟

وآآآسف على كثرة الاسئله ..

[جموح انثى!!]

ما شاء الله جميل
النور تشغله 12 ساعه وتطفيه 12 ساعه
حوظك يبي زينه مثل سفينه
ونبات حي
واتمنى اكون افدتك
اختك جمووح انثى!!

[S7S7]

مشكوووورة اختي جموح انثى ويعطيك الف عافيه


ننتظر باقي الاعضاء

[teen cat]

و عليكم السلام
ماشاء الله اخي حوضك
جميل ، انصحك بستبدال الحصى
برمل ابيض أو بجرش ابيض ، وايضا
النبات البلاستيك بنبات طبيعي حيكون مفيد
للسمك و للبكتيريا ، انا حوضي اصغر من حوضك وحاط ^،^ ،
واخي لاتقفل الفلتر في الليل { بس من الموضوع
ذآ مني متاكد } وتقدر تضيف سخان و مضخة هواء .
وان شاء الله انجل & الدكتور حيفيدوك اكثر ^^ ،
اخوك (عبدالعزيز)

[S7S7]

يعطيك العافيه

في انتتظار د.انجل .. وباقي الاعضاء

[@ RogeR @]

اهلا اخوي s7s7 . ويعطيك العافيه على اسألتك المهمه و الواضحه ...

خلينا الحين نبدأ بأول شي ...
1- بالنسبه للحوض : الحوض جميل لكن يبغالك تغير بعض الأشياء فيه ...
2- بالنسبه للفلتر : انصحك بالفلتر الأرضي مثل الي في الصورة ...


3- عشان تبغا الفلتر الأرضي يعمل بشكل ممتاز لازم تستخدم الجرش (( يفضل يكون لونه فاتح , بني , ابيض , )) زي ماهو موضح في الصوره ...


4- لابد انك تخلي مضهر الحوض جذاب وحلو .. عشان كذا اشتري لك 3 من النبات الطبيعي . وقطعه خشب متحجر . وصخره بركانيه صغيره . ورتبها في الحوض ...

5- بالنسبه لأنوار . يفضل حبيبي انك تاخذ اللامبات الخاصه بأحواض (مثل : الجرولكس والبايو لكس ) مع مراعات الواط ... ((( انتبه لا تحط اللامبات العاديه البيضأ . الي تشوفها على البيوت . لأنها سبب من اسباب نمو الطحالب في الماء ...

6- الفلتر لا تطفيه ابد ... خله شغال عادي . ماراح يسير فيه شي ...

7- خذلك سخان . واوزنه على 25 درجة حراره . وحافظ على درجة حراره من 22-26 درجة مئويه ...



وكبدايه . هذي مجموعه من الأشياء الي لازم تسويها . وانشاء الله راح يطلع حوضك حلو ويعجبك ((( بس لا تنسى تصوره ونشوفه ))) ...

شكرا لك اخوي ...

[العقرب الامبراطوري]

المشاركة الأصلية كتبت بواسطة S7S7

السلام عليكم ورحمة الله وبركاته

شريت حوض اليوم وابغى رايكم فيه .. طبعا الى الحين ماكملت الزينه .. وش تنصحوني احط غير الموجود..؟





وهل فيه شي احطه غير الفلتر ..؟

سرعة الفلتر 1500L/H واشوف انها قويه شوي .. كم الحجم المناسب حجم الحوض 60سم ..؟؟

الحوض بحجم 60 سم .. كم اقدر اربي فيه من سمكه والسمك الموجود .. مولي جوبي بلاتي..؟

في الليل اطفي النور على السمك .. واطفي الفلتر ولا يكون شغل دآآيم ..؟؟

وآآآسف على كثرة الاسئله ..

و عليكم السلام و رحمة الله و بركاته
انصحك اخي تغير الفلتر من بورهيد الى فلتر سبراي بار
فلتر السبراي بار ينزل المي مثل الشلال في الحوض
و بالنسبة لسرعة الفلتر احسها قوية جداً
عندي حوض طوله متر في 40 في 40 و الفلتر الخارجي قوته 1400 فما بالك انت فلترك 1500

بالمناسبة : اخوي نوع الجوبي اللي عندك من الانواع النادرة يعني مو دائماً تحصل هذي الانواع اللي ذيلها بلون واحد اسمها Fancy Guppies

[Dr Khaled]

و عليكم السلام و رحمة اله و بركاته

ما ابعاد الحوض إرتفاع و طول و عرض و عليه يتم تقييم قوة الفلتر و السخان
لكن من النظرة على الفلتر السخان بقدرة 100 واط تكون كافية له و تضبط الحرارة على 26-27 درجة
ميزان حرارة زجاجي يعلق على الجهة المقابلة للسخان
الحصى و النباتات البلاستيكية مقبولة و إن أحببت وضعت صخرة متوسطة الحجم مع زيادة في نبتين أو ثلاثة ..
النباتات الطبيعية تحتاج لعناية و دراية و أنت مبتدأ ولا أنصحك بها حالياً.

[S7S7]

مشكوريييين ..

حجم الحوض 60 *ارتفاع 40 * 30

[Dr Khaled]

حجم الحوض هو 72 لتر
و الفلتر اللازم هو 700-750 لتر بالساعة فقط و هذا فلتر كبير جداً على الحوض

يستع هذا الحوض لما يعادل 20-25 سمكة و هذا الحد الأقصى ولا تنسى سمك الزبال