سؤؤؤؤال :)

[متوتان]

هل ممكن اقطع طرف منقار درتي بمقراظ الاظافر ؟
بعدين ابرده بالمبرد وانعمه ؟
او تمرض ؟
او ؟
وشكرا
اعرف اسألتي كثرانة

[ببغاء اخضر]

لا افا عليج اسالي لين ماتملين انتي داشه للاستفاده

هو مااانصحج اتقصينه تبردينه افضل لان القص يؤلم اكثر من البرد وماانصحج انج اتقصبنه لان ايدج انتي الي بتتعب فالاخير فخليه ابحاله افضل لج ولايدج
والموووحه للاطاله

[تفاحه حمرا]

اختي مانصحج تسوين له شي بروحج .. لانه هالشي خطر ممكن يسبب له امراض فطريه او مرض في النمو.. وديه لبيطري وهو بيشوفه .. لانه ماقد سمعت انه في ناس يقصون منقار طيورهم .. إلا لوفيه تشوه خلقي...وانصحج تحطين له اللعاب وخشب لانه الطيور بطبعها تحب تلعب بالمنقار عالخشب

[كاسكو البحرين]

مافي داعي تقطعين المنقار الحاد لانه يمكن تسببين له إعاقة وتعبينه وقت الأكل والبغبغاوات تستخدم منقارها القوي كرجل ثالثة عشان تتنقل متتسلق من مكان الى مكان آخر

انصحك انك تخلي في القفص حجر قطعه صغيرة تباع في الاسواق اللي يحفون به السكين
وهو ابروحه يعرف ويحافظ على منقارة ويحكه وقت الحاجه

هذا وجهة نظري

ومنياتي لكم بالتوفيق

[بو ناصر]

السلام عليكم
اختي متوتان اذا كان طرف المنقار مزعجك يمكنك ان تبردية بنسبة بسيطة او تأخذينه الى مختص ليقوم بذلك فأنا شخصيا اقوم بذلك اذا لاحظت ان طرف المنقار اصبح حادا ويزعجني فأقوم ببرده بنسبة بسيطة جدا بمعنى طرف المنقار فقط وشكرا للأخوان ماقصروا وشكرا لكاسكو البحرين وفعلا طريقتة ايضا صحيحه

[الطاير]

السلام عليكم ورحمة الله وبركاته ,,,,,


متوتان الصراحة ومن وجهة نضري انا ماحب احد يبرد اسناني لانه متضايق منهى

لاكن اذا كان فيه ضرورة فزي ماقال الاخ كاسكو البحرين كلامة 100%

الحجر هذا بتحصله / بتحصلينه في محلات الادوات المزليه قدور وفناجيل ومش عارف ايش
او في محلات الخردة كل شي بـ 5 او 10 او المحلات المعروفه بأسم 2 بس 2 وسعرة نص دينار ((خمسة ريال ))

يمكن مايقرب منه الببغاء الا بعد ماتحطه في القفص بكم يوم 2 او 3 ايام لاكن في النهايه بيقرب ويبداْ يحكحك منقارة والكلام هذا عن تجربة لاكن يومين ثلاث بعد مايستعملها لازم يطلع الحجر من القفص وحطوه له ع الجهه الناعمة لان الحجر وجهين
ولا بيسير فيه عضو في المنتدى عنده طير من غير منقار .



اسف ع الاطاله

الطاير

[متوتان]

ببغاء اخضر
تفاحة حمرا
كاسكو ديرتي
بوناصر
والطاير

اشكركم صراحة على نصايحكم الغالية وربي مايحرمنا من هالخبرات الطيبة وتسلمون والله
دمتم برعاية المولى