ابي اسال عن تدريب الجيرمن

[b.5.a]

مساء الخير حبايبي ما ودي اطول عليكم بس انا جايب كلب جيرمن شبرد انثى من المانيا من شهرين ونص اللى 3 شهور وبيور ومعاها الشهاده التناسليه حقتها والفصيله و الكود حقها وكل الخرابيط ابي اسال سعرها بهل حدود ولالا شريتهاب8500 وفيها الكسحه الي من ورىالصور موجوده بس ما عندي خبره ف المنتديات اول منتدلى ادخله وانشاالله اكون خفيف عليكم و ابي ادربها اطاعه وشراسه بس ابي ارقام مدربين برياض تعبت ادور ولا لقيت الي عنده خبره اتمنى يرد علي باسرع وقت

[Abo_fahed]

السلام عليكم ورحمة الله وبركاته ..
الله يبارك لك فيها اخوي ان شالله وتتربى بعزك وتلقا الي يسرك منها ..
اولا : بخصوص تحميل الصور شوف هالرابط بيفيدك وبيعلمك شلون تنزل الصور :

http://www.2zoo.com/vb/showthread.php?t=158151

ثانيا : بخصوص التدريب انا اقولك انها توها صغيره على التدريبات بهالعمر اهم شي تقوي علاقتك فيها وماتخلي احد يلعب معاها غيرك عشان تشوفك الوحيد في حياتها وهالشي بيسرع عملية التدريب بعدين ...
يبدئ التدريبات على الطاعه والي اهي ( sit ,, stay ,, down ,, الخ..) من عمر اربع شهور وخاصه الحين بتبدي فترة تسنين فخلها تعدي هالمرحله على خير
والشي الثاني الي لازم تعلم الجلبه عليه بهالعمر مكان التوسيخ (يكرم السامع)

وفي مواضيع كثيرة في المنتدى تفيدك بأمور التدريب وهذا قسم التدريب اخذلك لفه فيه وبتلقا كل شي تتمناه لان الشباب ماقصرو بصراحة :

http://www.2zoo.com/vb/forumdisplay.php?f=39

واذا حبيت تشوف شي جدامك دش يوتيوب وبتستفيد اكثر بمجرد انك تكتب هالجمله ( how to train a puppy) بتلقا فيديوات كثيره وجميلة ..
وماانصحك توديها عند احد خل الجلبه تتعلم على ايدك افضل واحسن الا بتدريبات الهجوم والحماية وهذا اذا كملت السنه لان هالتدريبات حساسه وخطره ويفضل انك توديها لخبير في التدريب وبيفيدونك الي عندهم معارف بالمدربين .
وتقبل مروري وناطرين صورها

[jassim99]

بالنسبه للعمر انا الي اعرفه ان المانيا ماتطلع كلب اقل من 4 شهور تاكد من العمر
عموما بالنسبه للعمر اذا كان 3 شهور وفوق تقدر تبدا تدرب طاعه خفيفه لكن تو الناس عالشراسه

وبالنسبه لتحميل الصور تفضل الرابط

http://www.2zoo.org/

وبالنسبه للسعر ماعندي خبر عن التكلفه ولا اعرف مصاريف الشحن الشباب ان شاءالله بيفيدونك

[Abo_fahed]

وبخصوص سعرها اخوي على حسب مواصفات الكلب و السلالة .. لو عندك البديقري مالها الي اهو شهادة النسل pedigree اعرضه لنا وفي كلاب توصل قيمتها اكثر من 10000 ريال سعودي

[b.5.a]

الله يسلمكم يا الغالين وانشاالله شوي شوي ادخل معكم ف المواضيع و اول مت توصلني انزل الصور مررا شكرا وما قصرتوا

[كـش مـلك]

المشاركة الأصلية كتبت بواسطة b.5.a

مساء الخير حبايبي ما ودي اطول عليكم بس انا جايب كلب جيرمن شبرد انثى من المانيا من شهرين ونص اللى 3 شهور وبيور ومعاها الشهاده التناسليه حقتها والفصيله و الكود حقها وكل الخرابيط ابي اسال سعرها بهل حدود ولالا شريتهاب8500 وفيها الكسحه الي من ورى الصور موجوده بس ما عندي خبره ف المنتديات اول منتدلى ادخله وانشاالله اكون خفيف عليكم و ابي ادربها اطاعه وشراسه بس ابي ارقام مدربين برياض تعبت ادور ولا لقيت الي عنده خبره اتمنى يرد علي باسرع وقت

انا راح امسك اسألتك سؤال سؤال

السعر يكون على حسب نقاوة وجودة الكلب

جيب صور للام والاب والجرو

وابششر نشوف حقها ولا لا

اخووي على حسب ما فهمت عليك انو الكلبةة جيرمن شيبرد شو لاين

الله يحييك بين اخوانك انشاء الله تفيد وتستفيد ( مشرفني يا الغالي )

اما الرقام ممنوع نحط ارقام وانا والله ما عندي ارقام بسس

انا انصحك انك تدرب كلبك بنفسك

عشان تحب الكلب ويحبك

وتتمتع معى الكلب

اما عن الطاعةة قالوا لك الاخوان في قسم تدريب الكلاب

راح تلقى ما يفيدك

اما الشراسةة مو الحين مره

اذا وصل عمر الكلب 9 اشهر - سنةة

تدربةة شراسةة في هذا العمر

تقبل مروري اخوي الكريم

[Musab Pro]

حياك الله بين اخوانك اخي الكريم ..

بالنسبة لاسئلتك اعتقد تم الاجابه عليها .

اما بالنسبة لارقام المدربين فيمنع وضع اعلانات او ارقام تلفونات او ايميلات .

الرجاء قراءة قوانين المنتدى .

سيتم اغلاق الموضوع والرجاء من من يريد المساعدة الارسال على الخاص .

اشكر تفهمكم .