أنا جبت للبيت قطه أم دجاجه ؟؟

[yamih]

سلآم عليكم .. كيفكم عساكم بخير ؟؟

أنا من اسبوع جبت للبيت قطه شيرازيه أنثى ... بالتحديد يوم الأحد الماضي بالمساء .. هي صغيرهـ بالعمر يعني بالمحل قال لي أنه تو من كم يوم جابها .. وهي عمرها شهرين أو شهر و 3 أسابيع .. وبالنسبه لي فـ ما عندي غيرها بالبيت ولا أي حيوان أليف غيرها ..

طبعآ أول ما وصلنا البيت دخلتها غرفتي وفتحت لها البوكس .. راحت جري على تحت السرير
شي طبيعي الخوف يعني .. كانت كله تخاف وتفز من أخف صوت، مكيف اشتغل، دريشه انفتحت، أو حتى لو أنا كحيت .. وبالنسبه للتغذيه فـ هي تآكل الدراي فود + الماء فقط لا غير ..

المهم ما لكم بالطويله .. بدت شوي شوي تطلع على يوم الثلاثاء، طبعآ ما تطلع إلا بلعبة، سنارهـ مربوطة بورقة شجر مثلآ .. كورهـ صغيرهـ .. وهكذا ..
يوم الأربعاء المساء وديتها لصيدلية وعطاها تطعيمتها الأولى .. ورجعنا البيت وكانت خامله وانخفض لعبها بشكل كبير، ولحرصي على نظافتها أخذتها بالليل قبل النوم وروشتها بـ شامبو جونسون للأطفال، ولاحظت أنها ترفض أني أنظفها من جهة منطقتها الحساسه أكرمكم الله .. مدري كذا القطط الإناث أم لآ ؟؟ لأني كنت أروش قط ذكر من كم شهر وكان عادي يتقبل الأمر ..
أنا أعتقد يمكن لأنها أول مرهـ أروشها وأظنها أول مرهـ تتروش بحياتها بعد ..

بالنهاية .. في يوم الخميس المساء صارت تلعب وتتنطط وتتحرك بكل مكان داخل الغرفه ماشالله عليها .. مع العلم أني ما قد أخذتها برا الغرفه إلا يوم روشتها بس ... يعني ما تعرف البيت، تعرف غرفتي بس .. وبعدين أحسها نشيطه بشكل ماشالله عليها، حتى شفتها فوق طاولة مرتفعه يعني ارتفاعها يوصل 65 سم .. استغربت قلت هذي كيف طلعت ؟؟ حتى خفت تعور نفسها يوم شفتها تنزل من السرير على الآرض على طول .. خاصه أن السرير ارتفاعه عن الأرض 65 سم

عمومآ، هي بدت تتأقلم على الوضع والمكان .. وبدت تاخذ على الغرفه وأحيان تجي فوق طاولة المذاكرهـ حقتي وتجلس تحوس قدامي وكذآ ... بس اللي قاهرني أنها تتخبى مني وأنا اللي اهتم فيها وأحيان أشيلها غصب عنها وأضمها واجلس امسح على راسها وجسمها .. فـ هي لو كانت بالأرض جالسه وشافتني وقفت وقربت منها على طول تهرب وتتخبى تحت السرير .. حتى لو ما كنت أبي أشيلها بس تشوفني مشيت جهتها، على طول جري تحت السرير .. فـ هل أنا جبت قطه أم دجاجه ؟؟؟؟

أعتذر عن الإطاله وسلامتكم ..