استفسار عن دجاجي .....

[الكادي هواها]

تحيه طيبه
انا عندي دجاج شتريته وعمره اسبوعين
والوقت هذا كبرو بس ماني عارفه كم
صار عمرهم وماني عارفه متى يبيضو
عشان اجيبلهم ديك من كم يوم لاحظت
ان صوتهم تغير يعني موا صوت صيصان ونا بصراح نسيت متى
شريتهم اذا فييه احد يقدر يفيدني الله يجزاه الخير

[صمت الأمل]

يا أهلا وسهلا فيكـ ..


على وصفكـ لهم ان صوتهم بدأ يتغير ,, هذا معناهـ انهم 3 _ 4 شهور .


وعلى الشهر 6 _ 7 شهور يبيضون بإذن اللهـ .


اذا تقدر تضيف لنا صورهـ لهم حتى نعطيكـ اجابهـ أدق ,, لان الصوت لهـ عدة مستويات حتى يتغير بشكل تام ..


بالتوفيق لكـ .

[الكادي هواها]

يسلمو اختي صمت على المرور
وهذي الصور








طبعا هم ثلاثه وبنفس العمر بس وحده موا راضيه تصور
والي لونها بني ماني عارفه هي دجاجه او ديك محتاره
ان شاء الله تكون الصور واضحه

[ابـ اروى ـو]

مشاء الله تبارك
اعتقد ان اعمارهم في حدود ٤ اشهر ونصف
وفعلا البني مشكوك في وضعه كانه ديك لانه بهالعمر لا يمكن ان يكون عرف الدجاجه بهذا الحجم وبهذا اللون اعتقد انه ديك والمفترض انه بدا يتعلم الأذان
بالتوفيق ان شاء الله

[الكادي هواها]

يسلموا ابـ اروى ـو على المرور
البني يسوي نفس صوت الدجاجتين
الثنتين الي عندي بس الي شافوه
يقولو ديك يعيني عادي اتشابه بصوت
طيب بعمر كم يبدا يئذن لانه لحد الحين
ماسمعنا اي محاوله منه
نورت المتصفح مرورك العطر

[ابـ اروى ـو]

طيب بعمر كم يبدا يئذن لانه لحد الحين
ماسمعنا اي محاوله منه

الله يسلمك اختي
بالنسبه للمحاولات عادة تبدء بهالعمر
وبعضها من 3 اشهر تسمعينه يحاول ياذن واخشن صوته شوي
اما في عمر 4 الى 5 اشهر فهو اذان واضح لكن ما بعد اتقنه بالضبط احيانا ينسى التهليله
تحياتي لك

[الكادي هواها]

ماقصرت ابـ اروى ـو كفيت ووفيت
نورت صفحتي المتوضعه

[bird96]

ماشاءالله ماشاءالله تبارك الله ...

دجاجك ماشاءالله سليم و بصحة جيده . على بداية الربيع او بداية فصل الصيف اعتقد س ينتجو

اكتر شيء عجبني الديك اللي بالصوره الأولى ماشاءالله راااائع الله يخليه لك

[الكادي هواها]

يسلمواااا bird96 على المرور
ومعلومه ............

[صمت الأمل]

ماشاء اللهـ .. المحترفين اجابو عليكـ وسبقوني ..


اللي لونهـ بني ديكـ بإذن اللهـ .. واضح من شكلهـ وحجم العرف وألوانهـ ..


اذا تبي تجرب (( هذي فكرهـ مني فقط وانا احب التجارب )) سجل صوت ديكـ من اي مقطع ,, وشغلهـ عندهـ عشان يحثهـ .


انا لاحظت ان الفروخ لو كان عندها ديوكـ كبيرهـ تأذن تستعجل هي ايضا في الآذان .


اذا تبي تجرب هالطريقهـ وتبغى مقطع صوتي راح أبحث لكـ .


ربي يباركـ لكـ بهالطقم وتشوف منهم الإنتاج بكل خير .