سوال للهولي والاعضاء المميزين

[مجنون الجيرمن]

السلام عليكم ورحمة الله وبركاته
اولا شيء اكيد عندكم خلفيه بـ WOLF /WOLFDOG/WOLF HYBRID
انا حاليا ابحث عنها ابي اشتري واحد من الثلاثه هذي ابي رايكم فيها
وثاني شيء اي نوع من الثلاثه افضل من جميع النواحي ؟
هل هي قابله للتشريس والحراسه ؟
ثالث شيء للاستاذ الهولي انت تبيع هذي الانواع ....؟
رابع شيء انا بالرياض وابي احد يعلمني مكان اشتري منه وتقريبا كم اسعارها
ويعطيكم الف عافيه كلكم

[jassim99]

يا هلا ويا مرحبا

انا ومشرفنا الهولي واحد

اولا مشرفنا الهولي هاوي الزين وليس تاجر بالكلاب

ثانيا لو كنت تبي كلب للحراسه ويكون شرس لاتطلع من:-

الجيرمن شبرد اذا منت مبتدأ او محترف.... او الروتوايلر اذا كنت محترف

و اذا مصر على احد هالذئاب فكلها قابله للاستأناس

لكن الوولف دوق هو هجين و فيه كثير من صفات الكلاب واسهل بالتربيه

و بالتوفيق

[مجنون الجيرمن]

المشاركة الأصلية كتبت بواسطة jassim99

يا هلا ويا مرحبا

انا ومشرفنا الهولي واحد

اولا مشرفنا الهولي هاوي الزين وليس تاجر بالكلاب

ثانيا لو كنت تبي كلب للحراسه ويكون شرس لاتطلع من:-

الجيرمن شبرد اذا منت مبتدأ او محترف.... او الروتوايلر اذا كنت محترف

و اذا مصر على احد هالذئاب فكلها قابله للاستأناس

لكن الوولف دوق هو هجين و فيه كثير من صفات الكلاب واسهل بالتربيه

و بالتوفيق

اكيد يالغالي انت و الاستاذ الهولي واحد لبي قلبك
بالنسبه لي انا ابحث عنها لشكلها المميز ولاني احب الذئاب بشكل خاص
انا ربيت كلاب قبل كذا وابحث حاليا عنها الذئاب واقري عنها كثير بس تعرف اماكن تبيع هذا النوع

[ابن سورية]

كلام اخي جاسم سليم وانا مع كلامه

[jassim99]

اماكن الشراء سيتم ارسالها لك حالا عالخاص

بالتوفيق

[مجنون الجيرمن]

يعطيك الف عافيه ولك بوسه علي الراس مني لك
لكن ارسلت لك علي الخاص شيء واتمني انك تفيدني
وبالنسبه للذئاب تعتبر من الفصيله الكلبيه وممكن تزاوجها مع الكلاب كما يفعلون بالدول الاوروبيه لتحسين النسل وبرضو الذيب يمكن تدريبه مثل الكلب ولكن متعب
برضو الذيب العربي مشكلته شكله مو حلو وحجمه صغير وما يهيء انك تدربه وعقليته غير عن الذيب الاوروبي لاني كنت بشتري جرو ذيب عربي بس تحطمت منه

[مجنون الجيرمن]

ولو تبي اخوي انزل لكم موضوع كامل عن معرفتي بالذئاب ومقانتها بالكلابانا مستعد اسويه لكم مميز وحصري لعيونك يا استاذي العزيز وكله راح يكون من تعبي ومعرفي

[الهولي]

وعليكم السلام ورحمة الله وبركاته
اول شي أسف على التأخير في الرد لاني خارج المملكة الحبيبة
واستاذي جاسم كلامة صحيح وميه بالميه
وصادق انا هاوي وليس تاجر
وبنسبا للأماكن بيع الكلاب ان شاءالله على الخاص راح يفيدونك الشباب
وسؤالك جاوب عليه استاذي وماعندي غيره كلام

[مجنون الجيرمن]

المشاركة الأصلية كتبت بواسطة الهولي

وعليكم السلام ورحمة الله وبركاته
اول شي أسف على التأخير في الرد لاني خارج المملكة الحبيبة
واستاذي جاسم كلامة صحيح وميه بالميه
وصادق انا هاوي وليس تاجر
وبنسبا للأماكن بيع الكلاب ان شاءالله على الخاص راح يفيدونك الشباب
وسؤالك جاوب عليه استاذي وماعندي غيره كلام

لا حبيبي عادي خذ راحتك
واستاذ جاسم ما قصر الله يعطيه الف عافيه
بس انت ايش رايك بالانواع الثلاثه وهل ربيتها او لا

[الهولي]

يسلمووووو
انا ربيت بلاويزرقه
واذا بقول ايش ولا ايش
انواع كثيره هاذا غير الضبعه وكانت جدآ جدأ أليفه والذيب الي عندنا وثعلب
وشيتا والكلاب اوووه بلاوي
لاكن كل هاذا يعتمد عليك انت
اكيد بتسئلني كيف اهاااااا
دايم التربيه الصحيحه والبداية المدروسة بعيد عن قال فلان وسمعت فلان او اخترع حاطئ في التربية
غيرنا روض اسود صحيح صارة اخطائ ومصدمات و و
لاكن الى الان في ناس مربية اسود وكبرة عندهم مافي اي مشاكل بينهم
يعني التجربة خير برهان
اذا بقول الدبرمان فيه وفيه او البيتبول فيه وفيه او الروت فيه وفيه
بتم مكانك سر لاتقدمة ولا تأخرة بس عايش على الاشعات والكلام وسمعت و و
النوع الي ترتاحله اشتره وهو صغير ويكون سليم وبتلاحض كلامي بعدين
وعن الشطانه مره ثانية