شنو اختار ؟

[Bedor]

السلام عليكم ورحمه الله وبركاته

انا ودي اربي زاحف في عطله الصيف يعني بقت الحر هني بالكويت

افكر اما باغوانا او بحرباء

من الاعضاء في هالمنتدى استنتجت ان كلهم يربون اغوانا وما في مرييين للحرباء

فخفت اذا جتني مشكله مع الحرباء ما القى مساعده بالمنتدى

وهم الحرباء تحتاج حشرات حية كاكل لها وانا بعذ اخاف انها ما تتوفر عندي دايم

اما الاغوانا اذا كبرت بتصير مشكله بتصير كانها تنين

اتمنى منكم انكم تذكرولي سلبيات وايجابيات كل واحد منهم وسعرهم بالكويت لاهنتوا

ويعطيكم الف عافية واسفه اني طولت عليكم

[العقرب الامبراطوري]

المشاركة الأصلية كتبت بواسطة Bedor

السلام عليكم ورحمه الله وبركاته

انا ودي اربي زاحف في عطله الصيف يعني بقت الحر هني بالكويت

افكر اما باغوانا او بحرباء

من الاعضاء في هالمنتدى استنتجت ان كلهم يربون اغوانا وما في مرييين للحرباء

فخفت اذا جتني مشكله مع الحرباء ما القى مساعده بالمنتدى

وهم الحرباء تحتاج حشرات حية كاكل لها وانا بعذ اخاف انها ما تتوفر عندي دايم

اما الاغوانا اذا كبرت بتصير مشكله بتصير كانها تنين

اتمنى منكم انكم تذكرولي سلبيات وايجابيات كل واحد منهم وسعرهم بالكويت لاهنتوا

ويعطيكم الف عافية واسفه اني طولت عليكم

و عليكم السلام و رحمة الله و بركاته
اخي اختصر عليك و اقولك لا تربي الاثنين
تربية الاغوانا و الحرباء تحتاج الى حرارة يعني تحتاج الى ضوء حراري مو موجود باي مكان لازم تدور عليه و لازم يكون لونه اسود حتى يشتغل في الليل بعد طبعاً لازم تحسب درجة الحرارة و تخلي مقياس درجة الحرارة و ثاني شيء الاغوانا تحتاج تتشمس و الحرباء نفس الشيء ادا ما قدرت لازم تشتري اضاءة خاصة uv نوعين منها حتى يتشمسون -بالنسبة للحرباء لازم المي ينزل على شكل مطر يعني ما تشرب من الماعون
بالنسبة للسلبيات انا ما انصحك تربيهم لان لو قربت من الحرباء بتعضك و تسوي لك اسواء و تحاول تخوفك حتى ما تقرب منها و الاغوانا جرب عضتها من هي و صغيرة و تخيل الكبيرة شو بتسوي و لا تنسى تحتاج قفص كبير لها لو كبرت
طبعاً لا تعتمد على كلامي لازم تروح و تقرا عن تربيتهم بالتفصيل في اكثر من موقع
الايجابيات طبعاً حيوانات الوانها حلوه و شكلها حلوه و الحرباء معروفة بتغير لونها و حلو لما تشيل الحرباء او الاغوانا على ايدك

[|| PyTHoN ||]

الشي راجعلك ،
الأغوانا الصعب فيها الحجم لكن لو تقدر توفر
مكان و لك خبره بالتعامل " لو ما عندك مع الوقت بتكتسب "
خصوصاً صغيره بتمر معاها بتجارب و حتى لو عضت ما بتكون
مشكله ، و بتتعلم من اغلاطك

بالنسبه للحربا هي أسهل من ناحية البيئه ، لكن الأكل ؟
الأكل ممكن انك انت تكاثر فيه و اسهل شي الي اهو القبابي
تقدر تراجع قسم الحشرات و المفصليات ،

لكن عالعموم كل الأغراض الي قالهم العقرب تقدر تستغني عنهم
بس بتضطر انك تشمسها بشكل شبه يومي ، يعني قد ما تقدر
ما يمر يومين الا و اهي متعرضه للشمس مباشرةً
و تقدر تخليها بمكان قريب من الدريشه يعني عالأقل تحوشها الشمس
بعد + مثل ما قالك العقرب لكن تقيس الحراره مو كل يوم
بالأصح انت قبل ما تاخذها جرب تجهز المكان بالأول اعتمد عالإضاءه
او الهيت باد اي شي تقدر توفره غير الهيت روك !
و احسب درجة الحراره سو الي تقدر عليه عشان توصلها لـ 28
و اثبت على الي تسويه و الرطوبه شوفها ان نزلت استخدم بخاخ ماي
ترشه بالحوض و خلاص ..

باقي الأشياء موجوده بالمواضيع ..

[Bedor]

ماشي انا الحين ببالي تربيه الحرباء صارلي سنتين وانا اقرا واخذ خلفيه عن تربيتها وميته واربيها

اقدر اشتري لها حوض واحط لها اغصان ودفايه احطها تحت التراب اللي يكون بارضيه الحوض

ويكون مع الحوض لمبه uv

الرطوبه :اقدر ارش الحوض بماي كل يوم الصبح واشرّب الحرباء بالرش بعد

والاكل : اشتري لها حشرات حيه والله يعيننا على الاكل وممكن اقدر اخذها معي البر عشان تاكل على راحتها

بس اللي محيرني شلون اشيلها

راح تتغير درجه حرارته بين القفص وبرا القفص

ما يضر الحرباء؟

اما عن العض مو مشكله مربيه حيوانات ومارة بعضات مختلفه

يعطيكم العافيه عالرد افدتوني

بس ممكن سعر الحرباء بالكويت مع كل حاجياتها

[|| PyTHoN ||]

امممم ما اتوقع بتاكل معاج لما بتطلعينها او شي
لكن مو شرط هالشي يرجع للحربا نفسها
البعض يخاف و البعض عادي ،

شيلتها عاديه و اهي واقفه عالغصن مثلاً حطي ايدج
من تحت و رفعي شوي شوي و اهي بتوقف عالإيد ،
و مو مشكله تتغير لفتره لكن مو يعني من 28 لـ 10 مثلاً
يعني درجة حراره البيت تقريباً 20 ، يمكن أكثر بعد
فما بتفرق كثير خصوصاً انها لفتره شوي و خلاص ..

السعر الحربا الي حجمها وسط شفتهم على 15 تقريباً
الحوض على حسب انتي شالي بتاخذينه ، في العاديين
تقريباً 10 و في الي مال الزواحف أعتقد بـ 20 او 25
اللمبه ماذكر بجم بس يمكن 5 ، عالعموم اللمبه ما تغني
عن اشعة الشمس المباشره لها ..

بالتوفيق ..

[Bedor]

يعطيك العافيه python عالرد

انشالله ابشركم بالعطله اني شريت حرباء قواوا امين

الفضل يرجع لكم شكرا