قطتي روز

[قطتي روز]

السلام عليكم ورحمة الله وبركاته


اسعد الله جميع اوقاتكم بخير وبارك الله لكم في شعبان وبلغكم رمضان لافاقدين ولا مفقودين

ـــــــــــــــــــــــــــــــــــــــــــــــــــــــــــــــــــــ

ساعدوني لأني اول مره بربي قطه ..

أمس قطتي روز ولدت 5 اطفال سليمين معافيين الحمد لله وجميلين جداً ..

لكن قطتي غريبة الاطوار .. من ان ولدتهم لاتحضنهم كثيراً ولا يهمها نلمسهم او لا قطتنا متعلقه بينا كثير وتتدلع كثير والى الان لم احس انها ام .. احنا نقرب الاطفال لين يرضعوا واهي جالسه ماتعمل حاجه ..

1 ) ولكن اللي انا ابغى اعرف ليه كل ماشافت واحد من اهلي وانا اصدرت مواء كانه طلب حاجه !!!؟؟ واذا قربت لها تبغى امسحها واحكها فقط وتسكت ؟؟ ما اعرف ليش

2 ) ثاني حاجه اهي خشنه مع اطفالها تعضهم بدون سبب لحد مايصدر صوت مواء قوي طفلها واسحبه انا من فمها ماعرف ليه وتهرب كثير من اطفالها تبغى تدخل غرفنا انا واخواتي ماتبغاهم تبغى تنام معانا ؟؟



ايش اعمل معاها قطتي ؟؟ ساعدوني جزاكم الله خير

[قطتي روز]

ايه كمان عندي سوالين مهمااااااااااااات ياريت تجاوبوني الله يحفظكم

1 ) لو توفى قط في بطن امه لا قدر الله يبقى او يطلع ؟؟

2 ) ولو لاقدر الله قطتي في بطنها جنين متوفي كيف اعرف هل لو لمستها اعرف ؟؟ لاني لمسست بطنها في زي الكوره جنب الثدي مكان الرضاعه بطنها داخل كانه كوره المسه مدور خفت يكون راس جنين باقي بطن امه ؟؟

افيدوننني الله يخليكم

[امال شاعر]

الف الف مبروك والحمد لله على سلامتها

حاولي تقربي الكتينز لها وغيري الفرشات الي تحتهم كل يومين وخليها ترضعهم

اهتمي بالطعام واعملي لها دجاج مسلوق مع المرق يمكن تماوي لانها جوعانه كل ماتكون شبعانه

تهتم بالرضاعه اكثر خلي المكان امن لها ولا تخلي احد يدخل عليها غير انتي عشان الام تخاف على

عيالها وعشان لا تأكلهم من الخوف

الكور احتمال الحليب بيكون متحجر عندها بس طالما هي كويسه ومافي حراره او استفراغ معناته

مافي اجنه في البطن حاولي تمسحي مكان الحلمات بماء دافئ وضروري ترضعهم عشان لا يموتو

لا قدر الله او انتي رضعيهم لو رفضت في بعض القطط لمن تكون اول ولاده لها ماتعرف تتصرف مع اطفالها

وطمنينا عليها

[Octopus]

المهم حبيت بس ارحب بكي اخي قطتي روز انتي و قطوتك روز وعيالها في المنتدى

و بالنسبة ل العض اذا كان خفيف فعادي ما يوزي الكيتن
و الباقي افادتك اختي امال شاعر

[باغيرا]

وعليكم السلام ورحمة الله وبركاته
اهلا وسهلا فيكي اختي نورتينا
الف الف مبرووك عالكيتنز ويتربو بعزك
في قطط تكون عديمة الخبرة خصوصا لما تكون القطة اول مرة تحمل وتولد
انا كان عندي قطة كانت تولد وتترك الكيتنز تنط من البلكونة للشارع وتتركهم ساعات تخيلي
بس بعدين ترجع ومرة ولدتهم وماصار لهم اسبوع لسا تركتهم وراحت تطلب تزاوج يومها ان اتجننت من الحالة الغريبة
حاولي تقربي الام من الكيتنز وحاولي تضعي الكيتنز كلهم بالتساوي عند اثداء الام عشان يرضعوا
وحوالي تمسحي على راس الام وهي جنب الكيتنز وامسحي على الكيتنز كمان
ولو مارضعتهم نهائيا جيبي حليب للاطفال خالي من اللاكتوز ورضعيهم انتي بالوضعية الصحيحة
ولو توفى كيتن في بطن امه لازم ينزل مع الولادة الا في حالات نادرة جدا
وبخصوص الكورة الي تتكلمي عنها هذه بتكون غدد الحيب عن الاثداء

[قطتي روز]

الله يجزاكم كل خير طمنتوني عليها انا الان باخذها للطبيب لاجل يعطيها ابره بعد الولاده
انا مره خوافه عليها والله ماتصدقوا حتى الشغاله تهتم بها كثير وتعشقها بنزل لكم الصور ان شاء الله بعد ما ارجع
شكراً كثير من جد منتداكم افضل منتدى

[azoz12331]

الحمد لله على سلامة قطتك ومبروك عليك الكتين ما قصروا الاعضاء يعطيهم العافيه
بالنسبه لتصرفات قطتك عاديه جدا خصوصا اذا كانت اول ولادهـ .. وبالنسبه لموائها زي ذكروا الاعضاء ممكن تكون جوعانه او محتاجاكي تمسحي على راسها فهذا شي طبيعي .. قربي منها الاولاد عشان يرضعوا وراقبي حجمهم كل يومين لازم ينمون بالتساوي في اله حسيت انه واحد اقل من الباقين تاكدي هل هو يرضع من امه او لا لانه هذي صارت لي واذا ما يرضعو جيبي حليب خاص بالكتين افضل مع رضاعه للكتين او حليب اطفال خالي من اللاكتوز ورضعيهم وان شاء الله ما عليهم شر

[قطتي روز]

اخواني الله يعطيكم العافيه ماقصرتوا الله يجزاكم الجنه


بس عندي سوال مهم نسيت اساله !!!!

ليه قطوتي تلهث كثير ؟؟؟؟ مافيها حراره ولا جوع وتشرب مويه ودايما المويه نظيفه بس مادري ايش سبب اللهث مره مضايقني

[Octopus]

قد يفيدك هذا الرابط

http://2zoo.com/vb/showthread.php?t=188118


و الشكر طبعا ل اختي دلوعة قطوتي على موضوعها في الرابط

[asom otb]

مسكينة تلاقيها تعبانة مره وتبغاكم تحسون فيها ان قطوتي كذا قبل ما تموت تحاول تتلصق فينا وما تحب تقعد لوحدها ابد كأنها سبحان الله حاسه انها بتموت

حاول تكشف عليها عند واحد يعرف يشخص الحيوانات وتشوف اش فيها